บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
7 Tindukajatakam dhanuhatthakalapehiti idam sattha jetavane viharanto pannaparamim arabbha kathesi. Sattha hi mahabodhijatake viya ummangajatake viya ca attano pannaya vannam vannitam sutva na bhikkhave idaneva tathagato pannava pubbepi pannava upayakusalo yevati vatva atitam ahari. Atite baranasiyam brahmadatte rajjam karente bodhisatto vanarayoniyam nibbattitva asitisahassavanaraparivaro himavantappadese Vasam kappesi. Tassasanne eko paccantagamo kadaci vasati kadaci ubbasati, 1- tassa pana gamakassa majjhe sakhavitapasampanno madhuraphalo eko tindukarukkho 2- atthi. Vanaragano ubbasitakale 3- agantva tassa phalani khadati. Athaparasmim phalavare so gamo puna manussavaso ahosi nalaparikkhitto dvarayutto. Sopi rukkho phaladharo namitasakho atthasi. Vanaragano cintesi mayam pubbe asukagame tindukaphalani khadama, phaliko nu kho so etarahi rukkho udahu no, avasiko gamo udahu noti, evanca pana cintetva gaccha, imam pavattim janahiti ekam vanaram pesesi. So gantva rukkhassa phalitabhavam gamassa ca galhavasabhavam natva agantva arocesi. Vanara tassa phalitabhavam sutva madhurani tindukaphalani khadissamati ussahajata vanarindassa tamattham arocesum. Vanarindo gamo avaso anavasoti pucchi. Avaso devati. Tena hi na gantabbam, manussa hi bahumaya hontiti. Deva manussanam patisallanavelaya addharattikasamaye khadissamati bahu vatva 4- vanarindam sampaticchapetva himavantato otaritva tassa gamassa avidure manussanam patisallanakalam agamayamana mahapasanapitthe sayitva majjhimayame manussesu niddam okkamantesu rukkham aruyha phalani khadimsu. Atheko puriso sarirakiccena geha nikkhamitva gamamajjham gato vanare disva manussanam acikkhi. Bahu manussa dhanukalapam sannayhitva @Footnote: 1 ubbisatitipi. 2 tindukarukkhotipi. @3 ubbisitakaletipi. 4 gantvatipi. Nanavudhahattha leddudandadini adaya pabhataya rattiya vanare ganhissamati rukkham parivaretva atthamsu. Asitisahassa vanara manusse disva maranabhayatajjita natthi no anno patisarano annatra vanarindati tassa santikam gantva pathamam gathamahamsu dhanuhatthakalapehi nettimsavaradharibhi samanta parikinnamha, katham mokkho bhavissatiti. Tattha dhanuhatthakalapehiti dhanukalapahatthehi dhanuni ceva sarakalape ca gahetva thitehiti attho. Parikinnamhati parivaritamha. Kathanti kena nu kho upayena amhakam mokkho bhavissatiti. Tesam katham sutva vanarindo ma bhayittha, manussa nama bahukicca, ajjapi majjhimayamo vattati, api nama tesam amhe maressamati parivaretva thitanam imassa kiccassa antarayakaram annam kiccam uppajjeyyati vanare samassasetva dutiyam gathamaha appeva bahukiccanam attho jayetha koci nam, atthi rukkhassa acchinnam khajja tanneva tindukanti. Tattha nanti nipatamattam. Appeva bahukiccanam manussanam anno koci attho uppajjeyyati ayamettha attho. Atthi rukkhassa acchinnanti imassa rukkhassa phalanam akaddhanaparikaddhanavasena acchinnabahukaram atthi. Khajja tanneva tindukanti tindukaphalam khajjatha yeva tumhe, yavatakena vo attho atthi, tattakam khadatha, amhakam paharanakale janissamati. Mahasatto kapiganam samassasesi. Ettakam hi assasam alabhamana sabbepi te phalitehi hadayehi jivitakkhayam papuneyyum. Mahasatto pana evam vanaraganam assasetva sabbe vanare samanethati aha. Samanenta tassa bhagineyyam senakam nama vanaram adisva senako nagacchatiti arocesum. Sace senako nagato, tumhe ma bhayittha, idani vo so sotthim karissatiti. Senakopi vanaraganassa agamanakale niddayitva paccha pabuddho kanci adisva padanupadiko hutva agacchanto manusse disva vanaraganassa bhayam uppannanti natva ekasmim pariyantagehe aggim jaletva suttam kantantiya mahallakitthiya santikam gantva khettam gacchanto gamadarako viya ekam ummukam gahetva uparivate thatva gamam padipeti. Manussa makkate chaddetva aggim nibbapetum agamamsu. Vanara palayanta senakassa atthaya ekekam phalam gahetva palayimsu. Sattha imam dhammadesanam aharitva jatakam samodhanesi. Tada bhagineyyasenako mahanamasakko ahosi, vanaragana buddhaparisa, vanarindo pana ahamevati. Tindukajatakam sattamam. -------------The Pali Atthakatha in Roman Book 37 page 100-103. http://84000.org/tipitaka/atthapali/read_rm.php?B=37&A=1995&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=1995&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=203 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1268 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1254 The Pali Tipitaka in Roman Character :- http://84000.org/tipitaka/read/roman_read.php?B=27&A=1254 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]