ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 37 : PALI ROMAN Ja.A.3 dukanipatavannan

                      8 Kacchapajatakam
     janitam me bhavitam meti idam sattha jetavane viharanto ekam
ahivatakaroga muttakam arabbha kathesi.
     Savatthiyam kira ekasmim kule ahivatakarogo uppajji.
Matapitaro puttam ahamsu tata ma imasmim gehe vicara bhittim bhinditva
palayitva yattha katthaci gantva tvam jivitam rakkhahi paccha agantva
imasmim nama thane mahanidhanam atthi, tam uddharitva kutumbam santhapetva
sukhena jiveyyasiti. Putto tesam vacanam sampaticchitva
bhittim bhinditva palayitva attano roge vupasante agantva
mahanidhanam uddharitva gharavasam vasi. So ekadivasam sappiteladini
ceva vatthacchadanadini ca gahapetva jetavanam gantva sattharam
vanditva nisidi. Sattha tena saddhim patisantharam katva tumhakam
gehe ahivatakarogo uppannoti assumha, kim katva muttositi
pucchi. So tam pavattim acikkhi. Sattha pubbepi kho upasaka
ye bhaye uppanne attano vasanatthane alayam katva annattha
agata te jivitakkhayam papunimsu, ye pana alayam akatva annattha
gata te jivitam labhimsuti vatva atitam ahari.
     Atite baranasiyam brahmadatte rajjam karente bodhisatto
ekasmim gamake kumbhakarakule nibbattitva kumbhakarakammam katva
puttadaram posesi. Tada pana baranasiya samipe mahanadiya
Saddhim ekabaddho mahajatasaro ahosi. So bahuudakakale nadiya
saddhim ekodako ahosi. Udake mandibhute visum hoti. Macchakacchapa
pana imasmim samvacchare suvutthika bhavissati imasmim samvacchare duvutthikati
jananti. Atha tasmim sare nibbattamacchakacchapa imasmim samvacchare
duvutthika bhavissatiti natva udakassa ekabaddhakale yeva tamha
sara nikkhamitva nadim agamamsu. Eko pana kacchapo idam me jatatthanam
vuddhitatthanam matapituhi vasitatthanam, na sakkomi idam khahitunti nadim na
agamasi. Atha nidaghasamaye tattha udakam chijji. So kacchapo bodhisattassa
mattikagahanatthane bhumiyam khanitva 1- pavisi. Bodhisatto mattikam
gahessamiti tattha gantva mahakuddalena bhumim khananto 2- kacchapassa
pitthim bhinditva mattikapindam viya nam kuddaleneva uddharitva thale
patesi. So vedanappatto hutva vasanatthane alayam jahitum
asakkonto evam vinasam papuninti vatva paridevamano ima
gatha avoca
         janitam me bhavitam me,     iti panke avassayim,
         tam mam panko ajjhabhavi     yatha dubbalakam tatha,
         tam tam vadami bhaggava,     sunohi vacanam mama,
         game va yadi varanne  sukham yatthadhigacchati
         tam janitam bhavitanca        purisassa pajanato
         yahim jive tahim gacche,    na niketahato siyati.
@Footnote: 1 khanitvatipi .   2 khanantotipi.
     Tattha janitam me bhavitam meti idam mama jatatthanam idam vuddhitatthanam.
Iti panke avassayinti imina karanena imasmim kaddame
avassayim nipajjim vasam kappesinti attho. Ajjhabhaviti abhibhavi
vinasam papesi . Bhaggavati kumbhakaram alapati, kumbhakaranam
namagottapannatti esa yadidam bhaggavati. Sukhanti kayikacetasikassadam.
Tam janitam bhavitancati tam jatatthananca vuddhitatthananca. Janitam
bhavitanti dighavasenapi patho. So yeva attho. Pajanatoti
atthanattham karanakaranam janantassa. Na niketahato siyati nikete
alayam katva annattha agacchanto niketena hato, evarupam
maranadukkham papito na bhaveyyati.
     Evam bodhisattena saddhim kathento kalamakasi. Bodhisatto tam
gahetva sakalagamavasino sannipatapetva te manusse ovadanto
evamaha passatha imam kacchapam, ayam annesam macchakacchapanam
mahanadigamanakale attano vasanatthane alayam chinditum asakkonto tehi
saddhim agantva mama mattikagahanatthanam pavisitva nipajji, athassaham
mattikam ganhanto mahakuddalena pitthim bhinditva mattikapindam
viya nam thale patesim, ayam attana katakammam avikaritva dvihi
gathahi paridevitva kalamakasi, evamesa attano vasanatthane alayam
katva maranam patto, tumhepi ma imina kacchapena sadisa ahuvattha,
ito patthaya mayham rupam mayham saddo mayham gandho mayham raso
mayham photthabbo mayham putto mayham dhita mayham dasidasaparicchedo
Hirannasuvannanti tanhavasena upabhogaparibhogavasena ma ganhatha,
ekakovesa satto tisu bhavesu parivattatiti. Evam buddhalilhaya
mahajanassa ovadamadasi. So ovado sakalajambudipam pattharitva
sattamattani vassasahassani atthasi. Mahajano bodhisattassa ovade
thatva danadini punnani katva ayuhapariyosane saggapuram 1- puresi.
Bodhisattopi tatheva punnani katva saggapuram puresi.
     Sattha imam dhammadesanam aharitva saccani pakasetva jatakam
samodhanesi. Saccapariyosane so kulaputto sotapattiphale patitthasi.
Tada kacchapo anando ahosi, kumbhakaro pana ahamevati.
                    Kacchapajatakam atthamam.
                      -----------



             The Pali Atthakatha in Roman Book 37 page 104-107. http://84000.org/tipitaka/atthapali/read_rm.php?B=37&A=2064&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=2064&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=27&i=205              เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1276              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1262              The Pali Tipitaka in Roman Character :- http://84000.org/tipitaka/read/roman_read.php?B=27&A=1262              Contents of The Tipitaka Volume 27 http://84000.org/tipitaka/read/?index_27

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]