AtthaPali Vol.37

9 Satadhammajatakam tanca appanca ucchitthanti idam sattha jetavane viharanto ekavisatividham anesanam arabbha kathesi. Ekasmim hi kale bahu bhikkhu vejjakammena dutakammena pahinagamanena janghapesanikena dantakatthadanena veludanena pupphadanena phaladanena cunnadanena garubhandadanena osadhadanena pindapatikenati evarupaya ekavisatividhaya anesanaya jivitam kappesum. Sa saketajatake avibhavissati. Sattha tesam jivitakappanabhavam natva etarahi bahu bhikkhu @Footnote: ¹ saggapadantipi. Anesanaya jivitam kappenti, te pana evam jivatam kappetva yakkhattabhava petattabhava na muccissanti, dhuragona va hutva nibbattissanti, niraye ca patisandhim ganhissanti, etesam hitatthaya sukhatthaya maya attajjhasayam sakapatibhanam ekam dhammadesanam kathetum vattatiti bhikkhusangham sannipatapetva na bhikkhave ekavisatividhaya anesanaya paccaya uppadetabba, anesanaya hi uppannapindapato adittalohagulasadiso halahalavisupamo, anesana hi namesa buddhapaccekabuddhabuddhasavakehi garahita patikuttha, anesanaya uppannapindapatam bhunjantassa hi haso va somanassam va natthi, evam uppanno hi pindapato mama sasane candalassa ucchitthabhojanasadiso, tassa paribhogo satadhammamanavassa candalassa ucchitthabhattaparibhogo viya hotiti vatva atitam ahari. Atite baranasiyam brahmadatte rajjam karente bodhisatto candalayoniyam nibbattetva vayappatto kenacideva karaniyena patheyyatandule ca bhattaputanca gahetva maggam patipajji. Tasmimpi kale baranasiyam eko manavo atthi satadhammo nama namena udiccabrahmanamahasalakule nibbatto. Sopi kenacideva karaniyena tandulam va bhattaputam va agahetva maggam patipajji. Te ubhopi mahamagge samagacchimsu. Manavo bodhisattam kim jatikositi pucchi. So aham candaloti vatva tvam kim jatikositi manavam pucchi. So aham udiccabrahmanoti. Sadhu gacchamati te ubhopi maggam agamamsu. Bodhisatto patarasavelaya udakaphasukatthane nisiditva hatthe dhovitva bhattaputam mocetva manava bhattam bhunjahiti aha. Natthi hare candala mama bhattena atthoti. Bodhisatto sadhuti putabhattam ucchittham akatva va attano yapanamattam annasmim panne pakkhipitva putakam bandhitva ekamante thapetva bhunjitva paniyam pivitva tato hatthapade dhovitva tandule ca sesabhattanca adaya gacchama manavati maggam patipajji. Te sakaladivasam gantva sayam ubhopi ekasmim udakaphasukatthane nhatva paccuttarimsu. Bodhisatto phasuktthane nisiditva bhattaputam mocetva manavam anapucchitva bhunjitum arabhi. Manavo sakaladivasam maggagamanena kilanto chatajjhatto sace me bhattam dassati, bhunjissamiti olokento atthasi. Itaro kinci avatva bhunjateva. Manavo cintesi ayam candalo mayham avatva va sabbam bhunjati, nippiletva pindam gahetva upariucchitthabhattam chaddetva sesam bhunjitum vattatiti. So tatha katva ucchitthabhattam bhunji. Athassa bhuttamattasseva maya attano jatigottakulappadesanam ananucchavikam kammam katam, candalassa nama me ucchitthabhattam bhuttanti balavavippatisaro uppajji. Tavadevassa salohitam bhattam mukhato ugganchi. So appamattakassa bhattassa vata me karana ananucchavikam kammam katanti uppannabalavasokataya paridevamano pathamam gathamaha tanca appanca ucchittham tanca kicchena no ada, soham brahmanajatiko, yam bhuttam tampi uggatanti. Tatrayam sankhepattho yam maya bhuttam tam appanca ucchitthanca, tanca no so candalo na attano ruciya adasi, atha kho nippiliyamano kicchena kasirena adasi, so aham parisuddhabrahmanajatiko, teneva me yam bhuttam tampi saddhim lohitena uggatanti. Evam manavo paridevitva kim dani me evarupam ananucchavikam kammam katva jivitenati arannam pavisitva kassaci attanam adassetva anathamaranam patto. Sattha imam atitam dassetva seyyathapi bhikkhave satadhammamanavassa tam candalucchittham bhunjitva attano ayuttabhojanassa bhuttatta neva haso na somanassam uppajji, evameva yo imasmim sasane pabbajito anesanaya jivitam kappento tathaladdham paccayam paribhunjati, tassa buddhapatikutthaya garahitajivikaya jivitabhavato neva haso na somanassam uppajjiti vatva abhisambuddho hutva dutiyam gathamaha evam dhammam niramkatva yo adhammena jivati satadhammova labhena laddhenapi na nandatiti. Tattha dhammanti ajivaparisuddhisilam dhammam. Niramkatvati niharitva chaddetva. Adhammenati evam ekavisatiya anesanasankhatena micchajivena. Satadhammoti tassa namam. Sutadhammotipi patho. Na nandatiti yatha satadhammo manavo candalucchitthakam me laddhanti tena labhena na nandati, evam imasmimpi sasane pabbajito kulaputto anesanaya laddhalabham paribhunjanto na nandati na tussati buddhagarahitajivikaya Jivamiti domanassappatto va hoti. Tasma anesanaya jivitam kappentassa satadhammamanavasseva arannam pavisitva anathamaranam maritum varanti. Evam sattha imam dhammadesanam aharitva cattari ariyasaccani pakasetva jatakam samodhanesi. Saccapariyosane bahu bhikkhu sotapattiphaladini papunimsu. Tada ahameva candalaputto ahosinti. Satadhammajatakam navamam. -------------

The Pali Atthakatha in Roman Book 37 page 107-111. http://84000.org/tipitaka/atthapali/read_rm.php?B=37&A=2137&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=2137&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=207 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1285 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1271 The Pali Tipitaka in Roman Character :- http://84000.org/tipitaka/read/roman_read.php?B=27&A=1271 Contents of The Tipitaka Volume 27 http://84000.org/tipitaka/read/?index_27