AtthaPali Vol.37

3 Sukarajatakam catuppado aham sammati idam sattha jetavane viharanto annataram mahallakattheram arabbha kathesi. Ekasmim divase rattim dhammassavane vattamane satthari gandhakutidvare manisopanaphalake thatva bhikkhusanghassa sugatovadam datva gandhakutim pavitthe dhammasenapati sattharam vanditva attano parivenam agamasi. Mahamoggallano parivenameva gantva muhuttam Vissamitva therassa santikam agantva panham pucchi. Pucchitapucchitam dhammasenapati gaganatale candam utthapento viya visajjetva pakatam akasi. Catassopi parisa dhammam sunamana nisidimsu. Tattheko mahallakatthero cintesi sacaham imissapi parisaya majjhe sariputtam alulento panham pucchissami, ayameva parisa bahussuto ayanti natva sakkarasammanam karissatiti. Parisantara utthaya theram upasankamitva ekamanteva thatva avuso sariputta mayampi tam ekam panham pucchissama, amhakampi okasam karohi, dehi me va vinicchayam avedhitaya va ^1- nibbedhitaya va ^2- niggahe va patiggahe va visese va pativisese vati aha. Thero tam oloketva ayam mahallako icchacare thito tuccho na kinci janatiti tena saddhim akathetva va lajjamano vijanim thapetva asana otaritva parivenam pavisi. Moggallanattheropi attano parivenameva agamasi. Manussa utthaya ganhathetam dutthamahallakam, madhuradhammassavanam no sotum nadasiti anubandhimsu. So palayanto viharapaccante bhinnabhinnapadaraya guthapuraya vaccakutiya patitva guthamakkhito utthasi. Manussa tam disva vippatisarino hutva satthu santikam agamamsu. Sattha te disva kim upasaka avelaya agatatthati pucchi. Manussa tamattham arocesum. Sattha na kho upasaka idaneva eso mahallako ubbillavito ^3- hutva attano balam ajanitva @Footnote: ¹ avedhikaya vatipi . ² nibbedhikaya vatipi. @³ ubbilapitotipi. Mahabalehi saddhim payojetva guthamakkhito jato, pubbepesa ubbillavito hutva attano balam ajanitva mahabalehi saddhim payojetva guthamakkhito ahositi vatva tehi yacito atitam ahari. Atite baranasiyam brahmadatte rajjam karente bodhisatto siho hutva himavantappadese pabbataguhayam vasam kappesi. Tassavidure ekam saram nissaya bahu sukara nivasam kappesum. Tameva saram nissaya tapasapi pannasalasu vasam kappesum. Athekadivasam siho mahisavaranadisu annataram vadhitva yavadattham mamsam khaditva tam saram otaritva paniyam pivitva uttari. Tasmim khane eko thullasukaro tam saram nissaya gocaram ganhati. Siho tam disva annam ekadivasam imam khadissami, mam kho pana disva puna nagaccheyyati tassa anagamanabhayena sarato uttaritva ekena passena gantum arabhi. Sukaro oloketva esa mam disva mama bhayena upagantum asakkonto bhayena palayati, ajja maya imina sihena saddhim payojetum vattatiti sisam ukkhipitva tam yuddhatthaya avhayanto pathamam gathamaha catuppado aham samma, tvampi samma catuppado, ehi samma nivattassu, kinnu bhito palayasiti. Siho tassa vacanam sutva samma sukara ajja amhakam taya saddhim sangamo natthi, ito pana sattame divase imasmim yeva thane sangamo hotuti vatva pakkami. Sukaro sihena saddhim Sangamessamiti tutthapahattho tam pavuttim natakanam arocesi. Te tassa katham sutva bhitabhita idani tvam sabbepi amhe nasessasi, attano balam ajanitva sihena saddhim sangamitukamosi, siho agantva sabbepi amhe jivitakkhayam papessati, sahasikam kammam ma kariti ahamsu. So bhitatasito idani kim karomiti pucchi. Sukara samma tvam etesam tapasanam uccarabhumiyam gantva putiguthe sattadivasani sariram vattetva sariram sukkhapetva sattame divase sariram ussavabinduhi temetva sihassa agamanato purimataram agantva vatayogam natva uparivate tittha, sucijatiko siho tava sariragandham ghayitva tuyham jayam datva gamissatiti ahamsu. So tatha katva sattame divase tattha atthasi. Siho tassa sariragandham ghayitva guthamakkhitabhavam natva samma sukara sundaro te leso cintito, sace tvam guthamakkhito nabhavissa, idheva tam jivitakkhayam papessam, idani pana te sariram neva mukhena damsitum na padena paharitum sakkomi, jayam te dammiti vatva dutiyam gathamaha asuci putilomosi, duggandho vayasi sukara, sace yujjhitakamosi, jayam samma dadami teti. Tattha putilomositi malhamakkhitatta duggandhalomo. Duggandho vayasiti atijegucchapatikkulagandho hutva vayasi. Jayam samma dadami teti tuyham jayam demi. Aham parajito, gaccha tvanti vatva siho tato va nivattitva Gocaram gahetva sare paniyam pivitva pabbataguhayameva gato. Sukaropi siho me jitoti natakanam arocesi. Te bhitatasita puna ekadivasam agacchanto siho sabbe va amhe jivitakkhayam papessatiti palayitva annattha agamamsu. Sattha imam dhammadesanam aharitva jatakam samodhanesi. Tada sukaro mahallako ahosi, siho pana ahamevati. Sukarajatakam tatiyam. -----------

The Pali Atthakatha in Roman Book 37 page 11-15. http://84000.org/tipitaka/atthapali/read_rm.php?B=37&A=218&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=218&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=155 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1033 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1020 The Pali Tipitaka in Roman Character :- http://84000.org/tipitaka/read/roman_read.php?B=27&A=1020 Contents of The Tipitaka Volume 27 http://84000.org/tipitaka/read/?index_27