AtthaPali Vol.37

4 Asadisavaggavannana ---------- 1 asadisajatakam. Dhanuggaho asadisoti idam sattha jetavane viharanto mahabhinikkhamanam arabbha kathesi. Ekadivasam hi bhikkhu dhammasabhayam sannisinna bhagavato mahabhinekkhammaparamim vannenta nisidimsu. Sattha agantva kayanuttha bhikkhave etarahi kathaya sannisinnati pucchitva imaya namati vutte na bhikkhave tathagato idaneva mahabhinikkhamanam nikkhamanto pubbepi setacchattam pahaya nikkhamanto yevati vatva atitam ahari. Atite baranasiyam brahmadatte rajjam karente bodhisatto tassa aggamahesiya kucchimhi patisandhim ganhi. Tassa sotthina jatassa namaggahanadivase asadisakumaroti namam karimsu. Athassa adhavitva paridhavitva vicaranakale anno punnava satto deviya kucchimhi patisandhim ganhi. Tassa sotthina jatassa namaggahanadivase brahmadattakumaroti namam karimsu. Tesu bodhisatto solasavassikakale takkasilayam gantva disapamokkhassa acariyassa santike tayo vede attharasa ca vijjutthanani sabbasippani ca ugganhitva issasasippe asadiso hutva baranasim paccagami. Raja kalam kurumano asadisakumarassa rajjam datva brahmadattassa uparajjam dethati vatva kalamakasi. Tasmim kalakate bodhisatto attano rajje diyamane mayham rajjena attho natthiti patikkhipi. Brahmadattam rajje abhisincimsu. Bodhisatto mayham yasena attho natthiti kincipi na icchi. Kanitthe rajjam karente pakatiya va rajakareneva vasi. Rajapadamulika asadisakumaro rajjam patthetiti vatva ranno santike bodhisattam paribhindimsu. Sopi tesam vacanam gahetva paribhinnacitto bhataram me ganhathati manusse uyyojesi. Atheko bodhisattassa atthacarako tam karanam arocesi. Bodhisatto kanitthabhatikassa kuppitva annam rattham gantva eko dhanuggaho agantva rajadvare thitoti ranno arocapesi. Raja kittakam bhogam icchatiti pucchi. Ekasamvacchare satasahassanti. Sadhu agacchatuti. Atha nam agantva samipe thitam pucchi tvam dhanuggahoti. Ama devati. Sadhu mam upatthahiti. So tato patthaya rajanam upatthahi. Tassa paribbayam diyamanam disva atibahum labhatiti poranadhanuggaha ujjhayimsu. Athekadivasam raja uyyanam gantva mangalasilapattasamipe sanipakaram parikkhipapetva ambarukkhamule mahasayane nipanno uddham olokento rukkhagge ekam ambapindim disva imam na sakka abhiruhitva ganhitunti dhanuggahe pakkosapetva imam ambapindim sarena chinditva patetum sakkhissathati aha. Na etam deva amhakam garu, devena pana no bahuvare kammam Ditthapubbam, adhunagato dhanuggaho amhehi bahutaram labhati, tam patapethati. Raja bodhisattam pakkosapetva sakkhissasi tata etam patetunti pucchi. Ekam okasam labhamano sakkhissamiti. Kataram okasanti. Tumhakam sayanassa antokasanti. Raja sayanam harapetva okasam karesi. Bodhisattassa hatthe dhanu natthi, nivasanantare dhanum sannayhitva vicarati, tasma sanim laddhum vattatiti aha. Raja sanim aharapetva parikkhipapesi. Bodhisatto antosanim pavisitva uparinivatthavattham ^1- niharitva ekam rattavattham nivasetva kaccham bandhitva ekam rattavattham udare bandhitva pasibbakato sandhiyuttam khaggam niharitva vamapasse sannayhitva suvannakancukam patimuncitva capanalim pitthiyam sannayhitva sandhiyuttam mendakamahadhanum adaya pavalavannajiyam aropetva unhisam sise patimuncitva tikhinakhurappam nakhehi parivattayamano sanim dvidha katva pathavim phaletva alankatanagakumaro viya nikkhamitva sarakhipanatthanam gantva khurappam sannayhitva rajanam aha kim maharaja etam ambapindim uddham arohanakandena patemi udahu orohanakandenati ^2-. Tata bahu maya arohanakandena patenta ditthapubba, orohanakandena patenta maya na ditthapubba, orohanakandena patehiti. Maharaja idam kandam duram arohissati, yava catummaharajikabhavanam tava gantva sayam orohissati, yavassa orohanam tava tumhehi adhivasetum vattatiti. @Footnote: ¹ uparinivatthasetavatthantipi . ² adho orohanakandenatitipi. Raja sadhuti sampaticchi. Atha nam puna aha maharaja idam kandam arohamanam ambapindivantam yavamajjham kantamanam arohissati, orohanam kesaggamattampi ito va etto va agantva odhiyanneva patitva ambapindim gahetva otarissati, passa maharajati. Vegam janetva kandam khipi. Tam kandam ambapindivantam yavamajjham kantamanam abhiruhi. Bodhisatto idani tam kandam yava catummaharajikabhavanam gatam bhavissatiti natva pathamakhittakandato adhikataram vegam janetva annam kandam khipi. Tam gantva purimakandam punkhe paharitva nivattapetva sayam tavatimsabhavanam abhiruhi. Tattha nam devata aggahesum. Nivattanakandassa vatacchinnasaddo asanisaddo viya ahosi. Mahajanena kimsaddo esoti vutte bodhisatto nivattanakandassa saddoti vatva attano attano sarire kandassa patanabhayena bhitatasitam mahajanam ma bhayitthati assasetva kandassa bhumiyam patitum na dassamiti aha. Kandam otaramanam kesaggamattampi ito va etto va agantva odhiyanneva patitva ambapindim chindi. Bodhisatto ambapindiya ca kandassa ca bhumiyam patitum adatva akase yeva sampaticchanto ekena hatthena ambapindim ekena hatthena kandam aggahesi. Mahajano tam acchariyam disva na no evarupam ditthapubbanti mahapurisam pasamsati unnadati apphoteti ^1- anguliyo vidhunati celukkhepasahassani pavatteti. @Footnote: ¹ appothetitipi. Rajaparisaya tutthahatthaya bodhisattassa dinnam dhanakotimattam ahosi. Rajapissa ghanavassam vassanto viya bahudhanam mahantam yasam adasi. Evam bodhisatte tena ranna sakkate garukate tattha vasante, asadisakumaro kira baranasiyam natthiti satta rajano agantva baranasim parivaretva rajjam va detu yuddham vati ranno pannam pesesum. Raja maranabhayabhito kuhim me bhata vasatiti pucchitva ekam samantarajanam upatthasiti sutva mama bhatike anagacchante mayham jivitam natthi, gacchatha assa mama vacanena pade vanditva khamapetva ganhitva agacchathati dute pahesi. Te gantva bodhisattassa pavattim arocesum. Bodhisatto tam rajanam apucchitva baranasim paccagantva rajanam ma bhayiti samassasetva kande akkharani chinditva aham asadisakumaro agato annam ekakandam khipanto sabbesam vo jivitam maressami, jivitena atthika palayantu, khuddakamakkhikaya pivanamattampi lohitam anuppademiti attalake thatva sattannam rajunam bhunjantanam kancanapatimakule yeva kandam patesi. Te akkharani disva maranabhayabhita sabbe palayimsu. Evam bodhisatto khuddakamakkhikaya pivanamattampi lohitam anuppadetva satta rajano palapetva kanitthabhataram avaloketva kame pahaya isipabbajjam pabbajitva abhinna ca samapattiyo ca nibbattetva jivitapariyosane brahmalokupago ahosi. Sattha evam bhikkhave asadisakumaro satta rajano palapetva Jitasangamo isipabbajjam pabbajitoti vatva abhisambuddho hutva ima gatha avoca dhanuggaho asadiso rajaputto mahabbalo dure paheti akkhanavedhi mahakayappadalino sabbamitte ranam katva na ca kinci vihethayi bhataram sotthim katvana sannamam ajjhupagamiti. Tattha asadisoti na kevalam nameneva balaviriyapannahipi asadiso va. Mahabbaloti kayabalenapi mahabbalo. Dure pahetiti yava catummaharajikabhavana tavatimsabhavana kandam pesetum samatthataya dure paheti. Akkhanavedhiti aviradhikavedhi. Atha va akkhanam vuccati vijju, yava eka vijju niccharati tava tenobhasena sattatthavare kandani gahetva vijjhatiti akkhanavedhi. Mahakayappadalinoti mahante kaye padaleti. Cammakayo darukayo lohakayo ayakayo valikakayo udakakayo phalakakayoti ime sattakaya nama. Tattha anno cammakayam padalento mahisacammampi vinivijjhati. So pana satampi mahisacammani vinivijjhati yeva. Anno atthangulabahalam udumbarapadaram caturangulabahalam asanapadaram vinivijjhati, so pana phalakasatampi ekato baddham vinivijjhati, tatha dvangulabahalam tambalohapattam angulabahalam ayapattam valikasakatassa padarasakatassa va pacchabhage kandam pavesetva purabhagena atipateti. Pakatiya udake catuusubhatthanam kandam pavesesi thale atthusubhanti evam Imesam sattannam mahakayanam padalanato mahakayappadalino. Sabbamitteti sabbe amitte. Ranam katvati yuddham katva palapesiti attho. Na ca kinci vihethayiti ekampi na vihetheyya. Avihethayanto pana tehi saddhim kandapesanena ranam katva. Sannamam ajjhupagamiti silasannamam pabbajjam upagatoti. Evam sattha imam dhammadesanam desetva jatakam samodhanesi. Tada kanitthabhata anando ahosi, asadisakumaro pana ahamevati. Asadisajatakam pathamam. ----------

The Pali Atthakatha in Roman Book 37 page 115-121. http://84000.org/tipitaka/atthapali/read_rm.php?B=37&A=2269&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=2269&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=211 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1309 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1292 The Pali Tipitaka in Roman Character :- http://84000.org/tipitaka/read/roman_read.php?B=27&A=1292 Contents of The Tipitaka Volume 27 http://84000.org/tipitaka/read/?index_27