AtthaPali Vol.37

2 Sangamavacarajatakam sangamavacaro suroti idam sattha jetavane viharanto nandattheram arabbha kathesi. Satthari hi pathamagamanena kapilavatthupuram gantva kanitthabhatikam nandakumaram pabbajetva kapilavatthupura nikkhamma anupubbena savatthiyam gantva viharante ayasma nando pattam adaya tathagatena saddhim geha nikkhamanakale nandakumaro kira satthara saddhim gacchatiti sutva addhalikkhitehi kesehi vatapanantarena oloketva tuvatam kho ayyaputta agaccheyyasiti idam janapadakalyaniya vuttavacanamanussaranto ukkanthito anabhirato uppanduppandukajato Dhamanisanthatagatto ahosi. Sattha tassa pavattim natva yannunaham nandam arahatte patitthapessamiti cintetva tassa vasanaparivenam gantva pannattasane nisinno kacci nanda imasmim sasane na abhiramasiti pucchi. Bhante janapadakalyaniya patibaddhacitto hutva nabhiramamiti. Himavantacarikagatapubbo nandati. Na gatapubbo bhanteti. Tena hi nanda gacchamati. Natthi me bhante iddhi, kathaham gamissamiti. Sattha aham tam nanda mama iddhibalena nessamiti nandattheram hatthe gahetva akasam pakkhanditva antaramagge ekam jhamakkhettam dassetva jhamakhanuke nisinnam chinnanasananguttham jhamalomachinnachavim cammamattam paligunthitam ekam makkatim dassetva passasi tvam nanda etam makkatinti. Ama bhanteti. Sutthu paccakkham karohiti. Atha nam gahetva satthiyojanikam manosilatalam anotattadahadayo satta mahasare panca mahanadiyo suvannapabbatarajatapabbatamanipabbatapatimanditam anekasataramaneyyakam himavantapabbatanca dassetva tavatimsabhavanante nanda ditthapubbanti pucchitva na ditthapubbam bhanteti vutte ehi nanda tavatimsabhavanam te dassessamiti tattha netva pandukambalasilasane nisidi. Sakko devaraja dvisu devalokesu devasanghena saddhim agantva vanditva ekamantam nisidi. Addhateyyakotisamkhata paricarika pancasata kukkutapada devacchara agantva vanditva ekamantam nisidimsu. Sattha ayasmantam nandam ta pancasata acchara kilesavasena punappunam olokapesi, Passasi nanda ima kukkutapadaniyo accharayoti. Ama bhanteti. Kinnu kho ta eta sobhanti udahu janapadakalyaniti. Seyyathapi bhante janapadakalyaniya upanidhaya sa paluddhamakkati evameva imasam upanidhaya janapadakalyaniti. Idani kim karissasi nandati. Kim kammam katva bhante ima acchara labhantiti. Samanadhammam katvati. Sace me bhante imasam patilabhatthaya bhagava patibhogo hoti, aham samanadhammam karissamiti aha. Sattha karohi nanda ahante patibhogoti. Evam thero devasanghamajjhe tathagatam patibhogam gahetva ma bhante atipapancam karotha etha, gacchama, aham samanadhammam karissamiti aha. Sattha tam adaya jetavanameva paccagami. Thero samanadhammam katum arabhi. Sattha dhammasenapatim amantetva sariputta mayham kanitthabhata nando tavatimsadevaloke devasanghassa majjhe devaccharanam karana mam patibhogam aggahesiti aha. Eteneva upayena mahamoggallanattherassa mahakassapattherassa anuruddhattherassa dhammabhandagarikanandattherassati asitimahasavakanam yebhuyyena sesabhikkhunam acikkhi. Dhammasenapatisariputtatthero nandattheram upasankamitva saccam kira tvam avuso nanda tavatimsadevaloke devasanghassa majjhe devacchara labhanto samanadhammam karissamiti dasabalam patibhogam ganhiti vatva nanu evam sante tava brahmacariyavaso matugamasannissito, tassa te itthinam atthaya bhatiya kammam karontena kammakarena saddhim kim nanakarananti theram lajjapesi Nittejam akasi. Etenupayena sabbepi asitimahasavaka avasesabhikkhu ca tam ayasmantam lajjapesum. So ayuttam vata me katanti hiriya ca ottappena ca viriyam dalham pagganhitva vipassanam vaddhento arahattam patva sattharam upasankamitva svaham bhante bhagavato patissava muncamiti aha. Satthapi yada pana tvam nanda arahattam patto, tada yevaham patissava muttoti aha. Etamattham viditva dhammasabhayam bhikkhu katham samutthapesum yava ovadakkhamo vayam avuso nandatthero ekovadeneva hirottappam paccupatthapetva samanadhammam katva arahattam pattoti. Sattha agantva kayanuttha bhikkhave etarahi kathaya sannisinnati pucchitva imaya namati vutte na bhikkhave idaneva pubbepi nando ovadakkhamo yevati vatva atitam ahari. Atite baranasiyam brahmadatte rajjam karente bodhisatto hatthacariyakule nibbattitva vayappatto hatthacariyasippe nipphattim patto ekam baranasiranno sapattarajanam upatthasi. So tassa mangalahatthim susikkhitam katva sikkhapesi. So raja baranasirajjam ganhissamiti bodhisattam gahetva mangalahatthim aruyha mahatiya senaya baranasim gantva parivaretva rajjam va detu yuddham vati ranno pannam pesesi. Brahmadatto yuddham dassamiti pakaradvarattalakagopuresu balanikayam aropetva yuddham adasi. Sapattaraja mangalahatthim cammena vammetva sayampi cammam patimuncitva Hatthikkhandhagato tikhinaankusam adaya nagaram bhinditva paccamittam jivitakkhayam papetva rajjam hatthagatam karissamiti hatthim nagarabhimukham pesesi. So unhakalaladini ceva yantapasanani ca nanappakarani ca paharanani vissajjente disva maranabhayabhito upasankamitum asakkonto patikkami. Atha nam hatthacariyo upasankamitva tata tvam suro sangamavacaro, evarupe thane patikkamanannama nanucchavikanti vatva hatthim ovadanto ima gatha avoca sangamavacaro suro balava iti vissuto kinnu toranamasajja patikkamasi kunjara, omadda khippam paligham esikani ca ubbaha, toranani ca madditva khippam pavisa kunjarati. Tattha iti vissutoti tata tvam pavattasampaharam sangamam madditva avacaranato sangamavacaro thirahadayataya suro thamasampattiya ca balavati evam vissuto pannato pakato. Toranamasajjati nagaradvarasanghattatoranam patva. Patikkamasiti kinnu kho osakkasi kena karanena nivattesiti vadati. Omaddati avamadda adhopateyya. Esikani ca ubbahati nagaradvare solasaratanam attharatanam bhumiyam pavesetva niccalam katva nikhata esika thambha honti, te khippam uddhara luncati anapesi. Toranani ca madditvati nagaradvarassa pitthisanghate madditva. Khippam pavisati sigham nagaradvaram pavisa. Kunjarati nagam alapati. Tam sutva nago bodhisattassa ekovadeneva nivattitva esikatthambhe sondaya palivethetva ahichattakani viya luncitva toranam madditva paligham osaretva nagaradvaram bhinditva nagaram pavisitva rajjam gahetva adasi. Sattha imam dhammadesanam aharitva jatakam samodhanesi. Tada hatthi nando ahosi, raja anando, hatthacariyo pana ahamevati. Sangamavacarajatakam dutiyam. ---------------

The Pali Atthakatha in Roman Book 37 page 121-126. http://84000.org/tipitaka/atthapali/read_rm.php?B=37&A=2402&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=2402&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=213 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1317 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1300 The Pali Tipitaka in Roman Character :- http://84000.org/tipitaka/read/roman_read.php?B=27&A=1300 Contents of The Tipitaka Volume 27 http://84000.org/tipitaka/read/?index_27