AtthaPali Vol.37

4 Uragajatakam idhuraganam pavaro pavitthoti idam sattha jetavane viharanto veribandhanam arabbha kathesi. Kosalaranno kira sevaka senipamukha dve mahamatta ^1- annamannam ditthaditthatthane kalaham karonti. Tesam veribhavo sakalanagare pakato jato. Te neva raja na natimitta samagge katum sakkhimsu. Athekadivasam sattha paccusasamaye bodhaneyyabandhave olokento tesam ubhinnampi sotapattimaggassa upanissayam disva punadivase ekako va savatthim pindaya pavisitva tesu ekassa gehadvare atthasi. So nikkhamitva pattam gahetva sattharam antonivesanam pavesetva asanam pannapetva nisidapesi. Sattha nisiditva @Footnote: ¹ mahamaccatipi. Tassa mettabhavanaya anisamsam kathetva kallacittatam natva saccani pakasesi. So saccapariyosane sotapattiphale patitthahi. Sattha tassa sotapannabhavam natva tameva pattam gahapetva adaya itarassa gehadvaram agamasi. Sopi nikkhamitva sattharam vanditva pavisatha bhanteti gharam pavesetva nisidapesi. Itaropi pattam gahetva satthara saddhim yeva pavisi. Sattha tassa ekadasa mettanisamse vannetva kallacittatam natva saccani pakasesi. Saccapariyosane sopi sotapattiphale patitthahi. Iti te ubhopi sotapanna hutva annamannam accayam desetva khamapetva samagga sammodamana ekajjhasaya ahesum. Tam divasam yeva bhagavato sammukhava ekato bhunjimsu. Sattha bhattakiccam nitthapetvava viharam agamasi. Tepi bahuni malagandhavilepanani ceva sappimadhuphanitadini ca adaya satthara saddhim yeva nikkhamimsu. Sattha bhikkhusanghena vatte dassite sugatovadam datva gandhakutiyam pavisi. Bhikkhu sayanhasamaye dhammasabhayam satthu gunakatham samutthapesum avuso sattha adantadamako, yeva dve mahamatte ^1- ciram vivadamanepi neva raja samagge katum sakkhi, na natimittadayo, te ekadivaseneva tathagatena damatata. Sattha agantva kaya nuttha bhikkhave etarahi kathaya sannisinnati pucchitva imaya namati vutte na bhikkhave idanevaham imeva dve jane samagge @Footnote: ¹ mahamaccetipi. Akasim, pubbepete maya samagga kata yevati vatva atitam ahari. Atite baranasiyam brahmadatte rajjam karente baranasiyam ussave ghosite mahasamajja ahosi. Bahu manussa ca devanagasupannadayo ca samajjadassanattham sannipatimsu. Tatthekasmim thane nago supannassa supannabhavam ajananto amse hattham thapesi. Supanno kena me amse hattho thapitoti nivattitva oloketva nagam sanjani. Nagopi olokento supannam sanjanitva maranabhayatajjito nagara nikkhamitva nadititthena ^1- palayi. Supannopi tam gahessamiti anubandhi. Tasmim samaye bodhisatto tapaso hutva tassa nadiya tire pannasalayam vasamano divadaratham patippassambhanattham udakasatakam nivasetva vakkalam bahitire thapetva nadim otaritva nhayati. Nago imam pabbajitam nissaya jivitam labhissamiti pakativannam vijahitva manikkhandhavannam mapetva vakkalantaram pavisi. Supanno anubandhayamano tam tattha pavittham disva vakkalam garubhavena agahetva bodhisattam amantetva bhante aham chato tumhakam vakkalam ganhatha, imam nagam khadissamiti imamattham pakasetum pathamam gathamaha idhuraganam pavaro pavittho selassa vannena pamokkhamiccham, brahmanca vannam apacayamano bubhukkhito no visahami ^2- kottunti. @Footnote: ¹ nadipitthenatipi . ² vitaramitipi. Tattha idhuraganam pavaro pavitthoti imasmim vakkale uraganam pavaro nagaraja pavittho. Selassa vannenati manivannena manikhandho hutva pavitthoti attho. Pamokkhamicchanti mama santika mokkham icchamano. Brahmanca vannam apacayamanoti aham pana tumhakam brahmavannam setthavannam pujento garukaronto. Bubhukkhito no visahami bhottunti etam nagam vakkalantare pavittham chatopi samano bubhukkhitum na sakkomi. Bodhisatto udake thito yeva supannarajassa thutim katva dutiyam gathamaha so brahmagutto cirameva jiva, dibya ^1- ca te patubhavantu bhakkha, so brahmavannam apacayamano bubhukkhito no vitarasi bhottunti tattha so brahmaguttoti so tvam brahmagopito brahmarakkhito hutva. Dibya ca te patubhavantu bhakkhati devatanam paribhogaraha bhakkha ca tava patubhavantu, ma panatipatam katva nagamamsakhadako ahositi. Iti bodhisatto udake thitova anumodanam katva uttaritva vakkalam nivasetva te ubhopi gahetva assamapadam gantva mettabhavanaya vannam kathetva dvepi jane samagge akasi. Te tato @Footnote: ¹ dibbatipi. Patthaya samagga sammodamana sukhasamvasam vasimsu. Sattha imam dhammadesanam aharitva jatakam samodhanesi. Tada nago ca supanno ca ime dve mahamatta ahesum, tapaso pana ahamevati. Uragajatakam catuttham. ------------

The Pali Atthakatha in Roman Book 37 page 15-19. http://84000.org/tipitaka/atthapali/read_rm.php?B=37&A=297&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=297&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=157 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1040 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1027 The Pali Tipitaka in Roman Character :- http://84000.org/tipitaka/read/roman_read.php?B=27&A=1027 Contents of The Tipitaka Volume 27 http://84000.org/tipitaka/read/?index_27