AtthaPali Vol.37

4 Manicorajatakam na santi deva pavasanti nunati idam sattha veluvane viharanto vadhaya parisakkantam devadattam arabbha kathesi. Devadatto vadhaya parisakkatiti sutva na bhikkhave idaneva pubbepi devadatto mayham vadhaya parisakkati yeva, parisakkantopi mam vadhitum nasakkhiti vatva atitam ahari. Atite baranasiyam brahmadatte rajjam karente bodhisatto baranasito avidure gamake gahapatikule nibbatti. Athassa vayappattassa baranasito kuladhitaram anesum. Sa piya ahosi abhirupa dassaniya devacchara viya pupphalata viya vilasamana mattakinnari viya ca sujatati namena patibbata silacarasampanna vattasampanna. Niccakalampissa pativattam sassuvattam sasuravattanca katameva hoti. Sa bodhisattassa piya ahosi manapa. Iti te ubhopi sammodamana ekaggacitta samaggasamvasam vasimsu. Athekadivasam sujata matapitaro datthukamamhiti bodhisattassa arocesi. So sadhu bhadde magge patheyyam pahonakam patiyadehiti khajjakavikatim pacapetva khajjakadini yanake thapetva yanakam pajento yanakassa purato ahosi, itara pacchato. Te nagarasamipam gantva yanakam mocetva nhatva bhunjimsu. Puna bodhisatto yanakam yojetva Purato nisidi. Sujata vatthani parivattetva alankaritva pacchato nisidi. Yanakassa antonagaram pavitthakale baranasiraja hatthikkhandhavaragato nagaram padakkhinam karonto tam padesam agamasi. Sujata otaritva yanakassa pacchato padasa va payasi. Raja tam disva tassa rupasampattiya akaddhiyamanaso patibaddhacitto hutva ekam amaccam gaccha etissa sassamikabhavam va assamikabhavam va janahiti pesesi. So gantva tassa sassamikabhavam natva sassamika kira deva yanake nisinno puriso etissa samikoti aha. Raja patibaddhacittatam vinodetum asakkonto kilesaturo hutva ekena upayena maretva itthim gahessamiti cintetva ekam purisam amantetva gaccha bho imam culamanim adaya vithim gacchanto viya etassa purisassa yanake pakkhipitva ehiti culamanim datva uyyojesi. So sadhuti tam gahetva gantva yanake thapetva thapito me devati agantva arocesi. Raja culamani me natthoti aha. Manussa ekakolahalam akamsu. Raja sabbadvarani pidahitva sancaram chinditva coram pariyesathati aha. Rajapurisa tatha akamsu. Nagaram ekasankhobhitam ahosi. Itaro puriso manusse gahetva bodhisattassa santikam gantva bho yanakam thapehi, ranno culamani nattho, yanakam sodhessamiti yanakam sodhento attana thapitamanim gahetva bodhisattam gahetva manicorositi hatthehi ca padehi ca pothetva gahetva tam Pacchabahum bandhitva netva ayam manicoroti ranno dasseti. Raja sisamassa chindathati anapesi. Atha nam rajapurisa catukke catukke kasahi talenta dakkhinadvarena nagara nikkhamimsu. Sujatapi yanakam pahaya baha paggayha paridevamana sami mam nissaya imam dukkham pattositi paridevamana pacchato agamasi. Rajapurisa sisamassa chindissamati bodhisattam uttanam nipajjapesum . Tam disva sujata attano silagunam avajjitva natthi vata manne imasmim loke silavantanam vihethanake papasahasikamanusse nisedhetum samattha deva namati adini paridevamana pathamam gathamaha na santi deva pavasanti nuna, na hi nuna santi idha lokapala, sahasa karontanam ^1- asannatanam na hi nuna santi patisedhitaroti. Tattha na santi devati imasmim loke silavantanam olokanaka papananca nisedhanaka na santi nuna deva. Pavasanti nunati evarupesu va kiccesu uppannesu nuna pavasanti pavasam gacchanti. Idha lokapalati imasmim loke lokapalasammata samanabrahmanapi silavanta anuggahanaka na hi nuna santi. Sahasa karontanam asannatananti sahasa avimamsitva sahasikam darunakammam karontanam dussilanam. Patisedhitaroti evarupam kammam ma karittha, na labbha @Footnote: ¹ karontanamasannatananti yuttataram. Etam katunti patisedhenta natthiti attho. Evam taya silasampannaya paridevamanaya sakkassa devaranno nisinnasanam unhakaram dassesi. Sakko ko nu kho mam sakkatthanato cavetukamoti avajjento imam karanam natva baranasiraja atipharusam kammam karoti, silasampannam sujatam kilameti, gantum idani me vattatiti devaloka oruyha attano anubhavena hatthipitthe nisiditva gacchantam paparajanam hatthito otaretva dhammagandikaya uttanam nipajjapetva bodhisattam ukkhipitva sabbalankarehi alankaritva rajavesam gahapetva hatthikkhandhe nisidapesi. Pharasum ukkhipitva thita sisam chindanta ranno sisam chindimsu. Chindanakale yeva cassa ranno sisabhavam janimsu. Sakko devaraja dissamanakasarireneva bodhisattassa santikam gantva bodhisattassa rajabhisekam katva sujatayeva aggamahesitthanam dapesi. Amacca ceva brahmanagahapatikadayo ca sakkam devarajanam disva adhammikaraja marito, idani amhehi sakkadattiko dhammikaraja laddhoti somanassappatta ahesum. Sakkopi akase thatva ayam vo sakkadattiko raja laddhoti parisanam arocesi. Maharaja tumhepi ito patthaya dhammena rajjam karessatha, ^1- sace hi raja adhammiko hoti, devo akale vassati, kale na vassati, chatakabhayam rogabhayam sattubhayanti imani tini bhayani upagataneva hontiti @Footnote: ¹ karethatipi. Ovadanto dutiyam gathamaha akale vassati tassa, kale tassa na vassati, sagga ca cavati thana nanu so tavata hatoti. Tattha akaleti adhammikassa ranno rajje ayutte kale ca sassanam pakkakale va layanakale va maddanadikale va devo vassati. Kaleti yuttappayuttakale vapanakale tarunasassakale gabbhaggahanakale pana na vassati. Sagga ca cavati thanati saggasankhata thana devalokati attho. Adhammikaraja hi appatilabhavasena devaloka cavati nama, saggepi va rajjam karento adhammikaraja tato cavatitipi attho. Nanu so tavata hatoti nanu so adhammikaraja ettakena hato hoti. Atha va ekamsavaci ettha nukaro neso ekamsena ettavata hato, atthasu pana mahanirayesu solasasu ca ussadanirayesu digharattam so hannissatiti ayamettha attho. Evam sakko mahajanassa ovadam datva attano devatthanameva agamasi. Bodhisattopi dhammena rajjam karetva saggapuram ^1- purayi. Sattha imam dhammadesanam aharitva jatakam samodhanesi. Tada adhammikaraja devadatto ahosi, sakko anuruddho, sujata rahulamata, sakkadattiyaraja pana ahamevati. Manicorajatakam catuttham. @Footnote: ¹ saggapadantipi.

The Pali Atthakatha in Roman Book 37 page 161-165. http://84000.org/tipitaka/atthapali/read_rm.php?B=37&A=3184&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=3184&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=237 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1426 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1412 The Pali Tipitaka in Roman Character :- http://84000.org/tipitaka/read/roman_read.php?B=27&A=1412 Contents of The Tipitaka Volume 27 http://84000.org/tipitaka/read/?index_27