AtthaPali Vol.37

6 Valahakassajatakam ye na kahanti ovadanti idam sattha jetavane viharanto ekam ukkanthitabhikkhum arabbha kathesi. So hi bhikkhu satthara saccam kira tvam bhikkhu ukkanthitoti puttho saccanti vatva kimkaranati vutte ekam alankatamatugamam disva kilesavasenati aha. Atha nam sattha itthiyo nameta bhikkhu attano rupasaddagandharasaphotthabbehi ceva itthikutena ca purise upalobhetva attano vase katva vilasehipi purise upalobhetva vasam upagatabhavam natva silavinasanceva vattavinasanca papanatthena yakkhiniyoti vuccanti, pubbepi hi yakkhiniyo itthikutena ekam purisasattham upasankamitva vanijake upalobhetva attano vase katva puna anne purise disva te sabbepi jivitakkhayam papetva ubhohi hanukapassehi lohitena paggharantena murumurapetva khadimsuti vatva atitam ahari. Atite tambapannidipe sirisavatthum nama yakkhanagaram ahosi. Tattha yakkhiniyo vasimsu. Ta bhinnanavanam vanijanam agatakale alankatapatiyatta khadaniyam bhojaniyam gahapetva dasiganaparivuta darake anakenadaya vanije upasankamitva tesam manussa vasam Agatamhati sanjananattham tattha tattha kasigorakkhadini karonte manusse gogane sunakheti evamadini dassenti, vanijanam santikam gantva imam yagum pivatha, imam bhattam bhunjatha, imam khadaniyam khadathati vadanti. Vanija ajananta tahi dinnam dinnam paribhunjanti. Atha tesam khaditva bhunjitva pivitva vissamitakale patisantharam karonti tumhe kattha vasika, kuto agata, kaham gacchissatha, kena kammena idhagatatthati pucchanti bhinnanava hutva idhagatamhati vutte sadhu ayya amhakampi samikanam navam abhiruhitva gatanam tini sanvaccharani atikkantani, te mata bhavissanti, tumhepi vanija yeva, mayam tumhakam padaparicarika bhavissamati vatva te vanije itthikutahasavilasehi palobhetva yakkhanagaram netva sace pathamam gahita manussa atthi, te devasankhalikaya bandhitva karanaghare pakkhipitva pacchagahite attano samike karonti, attano vasanatthane bhinnanave manusse alabhantiyo pana parato kalyanidipam orato nagadipanti evam samuddatiram anuvicaranti. Ayam tasam dhammata. Athekadivasam pancasata bhinnanava vanija tasam nagarasamipe uttarimsu. Ta tesam santikam gantva palobhetva yakkhanagaram anetva pathamam gahitamanusse devasankhalikahi bandhitva karanaghare pakkhipitva jetthayakkhini jetthavanijam sesa seseti pancasata yakkhiniyo te pancasate vanije attano samike akamsu. Atha sa jetthayakkhini rattibhage vanije niddam upagate utthaya gantva karanaghare manusse maretva Mamsam khaditva agacchati. Sesapi tatheva karonti. Jetthayakkhiniya manussamamsam khaditva agatakale sariram sitalam hoti. Jetthavanijo parigganhanto tassa yakkhinibhavam natva ima pancasatapi yakkhiniyo bhavissanti, amhehi palayitum vattatiti punadivase pato va mukhadhovanatthaya gantva sesavanijanam arocesi ima yakkhiniyo na manussitthiyo, annesam bhinnanavanam agatakale te samike katva amhe khadissanti, etha, mayam palayamati. Tesu addhateyyasata mayam eta vijahitum na sakkhissama, tumhe gacchatha, mayam na palayissamati ahamsu. Jetthavanijo attano vacanakare addhateyyasate gahetva tasam bhito palayi. Tasmim pana kale bodhisatto valahakaassayoniyam nibbatti. Sabbaseto kakasiso munjakeso iddhima vehasangamo ahosi. So himavantato akase uppatitva tambapannidipam gantva tattha tambapannisare pallale sayamjatasalim khaditva gacchati. Evam gacchanto ca janapadam gantukamo atthi, janapadam gantukamo atthi, janapadam gantukamo atthiti tikkhattum karunaya paribhavitam manusivacam bhasati. Te tassa vacanam sutva upasankamitva anjalim paggayha sami mayam janapadam gamissamati ahamsu. Tena hi mayham pitthim abhiruyhathati. Athekacce pitthim abhiruhimsu. Ekacce baladhim ganhimsu. Ekacce anjalim paggahetva atthamsu yeva. Bodhisatto antamasopi anjalim paggahetva thite sabbepi addhateyyasate vanije attano anubhavena janapadam netva Sakasakatthanesu patitthapetva attano vasanatthanam agamasi. Tapi kho yakkhiniyo annesam agatakale te tattha ohinake addhateyyasate manusse vadhitva khadimsu. Sattha bhikkhu amnatetva bhikkhave yatha te yakkhininam vasam gata vanija jivitakkhayam patta, valahakassarajassa vacanakara sakasakatthanesu patitthita, evameva buddhanam ovadam akaronta bhikkhupi bhikkhuniyopi upasakapi upasikayopi catusu apayesu pancavidhabandhanakammakaranatthanadisu mahadukkham papunanti, ovadakara pana tisso kulasampattiyo chakamasagge visatibrahmaloketi imani ceva thanani patva amatamahanibbanam sacchikatva mahantam sukham anubhavantiti vatva abhisambuddho hutva ima gatha avoca ye na kahanti ovadam nara buddhena desitam byasanam te gamissanti rakkhasihiva vanija, ye ca kahanti ovadam nara buddhena desitam sotthiparam gamissanti valaheneva vanijati. Tattha ye na kahantiti ye na karissanti. Byasanam te gamissantiti te mahavinasam papunissanti. Rakkhasihiva vanijati rakkhasihi palobhita vanija viya. Sotthiparam gamissantiti anantarayena nibbanam papunissanti. Valaheneva vanijati valaheneva agacchathati vutta tassa vacanakara vanija viya. Yatha hi te samuddaparam gantva sakasakatthanani agamamsu, evam buddhanam ovadakara samsaraparam nibbanam Gacchantiti amatamahanibbanena dhammadesanaya kutam ganhi. Sattha imam dhammadesanam aharitva saccani pakasetva jatakam samodhanesi. Saccapariyosane ukkanthitabhikkhu sotapattiphale patitthahi. Anne bahu sotapattiphalasakidagamiphalaanagamiphalaarahattaphalani papunimsu. Tada valahakassarajassa vacanakara addhateyyasata vanija buddhaparisa ahesum, valahakassaraja pana ahamevati. Valahakassarajajatakam chattham. -------------------

The Pali Atthakatha in Roman Book 37 page 169-173. http://84000.org/tipitaka/atthapali/read_rm.php?B=37&A=3342&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=3342&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=241 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1446 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1429 The Pali Tipitaka in Roman Character :- http://84000.org/tipitaka/read/roman_read.php?B=27&A=1429 Contents of The Tipitaka Volume 27 http://84000.org/tipitaka/read/?index_27