AtthaPali Vol.37

9 Gahapatijatakam ubhayam me na khamatiti idam sattha jetavane viharanto ukkanthitameva bhikkhum arabbha kathesi. Kathento ca, matugamo nama arakkhiyo ^1- papam katva yena kenaci upayena samikam vanceti yevati vatva atitam ahari. Atite baranasiyam brahamadatte rajjam karente bodhisatto kasikaratthe gahapatikule nibbattitva vayappatto gharavasam ganhi. Tassa bhariya dussila gamabhojakena saddhim anacaram carati. Bodhisatto tam natva parigganhanto carati. Tada pana antovasse vappabijesu na pakesu chatakam ahosi. Sassanam gabbhagahanakalo jato. Sakalagamavasino ito masadvayaccayena sassani uddharitva vihim dassamati ekato hutva gamabhojakassa hatthato ekam jaragonam gahetva mamsam khadimsu. Athekadivasam gamabhojako khanam oloketva bodhisattassa bahigatavelaya geham pavisi. Tesam sukhanipannakkhaneyeva bodhisatto gamadvarena anupavisitva @Footnote: ¹ arakkhikotipi.

--------------------------------------------------------------------------------------------- page179.

Gehabhimukho ahosi. Sa itthi gamadvarabhimukhi tam disva ko nu kho esoti ummare thatva olokenti so yevati natva gamabhojakassa acikkhi. Gamabhojako bhito pakampi. Atha nam sa ma bhayi, attheko upayo, amhehi tava hatthato gomamsam khaditam, tvam mamsamulam sodhento viya hohi, aham kottham aruyha kotthadvare thatva vihi natthiti vakkhami, tvam gehamajjhe thatva amhakam ghare daraka chata, mamsamulam dehiti punappunam codeyyasiti vatva kottham abhiruyha kotthadvare nisidi. Itaro gehamajjhe thatva mamsamulam dehiti vadati. Sa kotthadvare nisinna kotthe vihi natthi, sasse uddhate dassami, gacchati aha. Bodhisatto geham pavisitva tesam kiriyam disva imaya papaya kataupayo esa bhavissatiti natva gamabhojakam amantetva bho gamabhojaka amhe jaragonassa mamsam khadanta ito masadvayaccayena vihim dassamati khadimha, tvam addhamasampi anatikkamitva idaneva kasma aharapesi, na tvam imina karanena agato annena karanena agato bhavissasi, mayham tava kiriya na ruccati, ayampi anacara papadhamma kotthe vihinam abhavam janati, sadani kottham aruyha vihi natthiti vadati, tvampi dehiti, ubhinnampi vo karanam mayham na ruccatiti etamattham pakasento ima gatha avoca ubhayam me na khamati, ubhayam me na ruccati, ya cayam kotthamotinna na dassam iti bhasati,

--------------------------------------------------------------------------------------------- page180.

Tam tam gamapati brumi kadare appasmim jivite dve mase sangaram katva mamsam jaraggavam kisam appattakale codesi, tampi mayham na ruccatiti. Tattha tam tam gamapati brumiti ambho gamajetthaka tena karanena tam vadami. Kadare appasmim jiviteti amhakam jivitam nama kadaranceva thaddham lukham kasiram appanca mandam parittam, tasmim no evarupe jivite vattamane. Dve mase sangaram katva mamsam jaraggavam kisanti amhakam mamsam ganhantanam jaraggavam kisam dubbalam jaragonam dadamano tvam dvihi masehi mulam databbanti evam dve mase sangaram paricchedam katva. Appattakale codesiti tasmim kale asampatte antara va codesi. Tampi mayham na ruccatiti ya cayam papadhamma dussila antokotthe vihinam natthibhavam janamana va ajananti viya hutva kotthamotinna kotthadvare thatva na dassam iti bhasati, yanca tvampi akale codesi, tampi ubhayam mama na ruccatiti. Evam so kathento kathento va gamabhojakam culaya gahetva kaddhitva gehamajjhe patetva gamabhojakomhiti parassa rakkhitagopite bhande aparajjhasiti adihi paribhasitva pothetva dubbalam katva givayam gahetva geha nikkaddhitva tampi dutthaitthim kesesu gahetva kottha otaretva pothetva sace puna evarupam karosi, janissamiti santajjesi. Tato patthaya gamabhojako tam

--------------------------------------------------------------------------------------------- page181.

Geham oloketum na visahi. Sapi papa punapi aticaritum nasakkhi. Sattha imam dhammadesanam aharitva saccani pakasetva jatakam samodhanesi. Saccapariyosane ukkanthitabhikkhu sotapattiphale patitthahi. Tada gamabhojakassa niggahanakarako gahapati ahameva ahositi. Gahapatijatakam navamam. --------------

The Pali Atthakatha in Roman Book 37 page 178-181. http://84000.org/tipitaka/atthapali/read_rm.php?B=37&A=3530&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=3530&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=247 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1470 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1451 The Pali Tipitaka in Roman Character :- http://84000.org/tipitaka/read/roman_read.php?B=27&A=1451 Contents of The Tipitaka Volume 27 http://84000.org/tipitaka/read/?index_27