บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
10 Sadhusilajatakam sariradabyam vuddhabyanti idam sattha jetavane viharanto annataram brahmanam arabbha kathesi. Tassa kira catasso dhitaro ahesum. Ta cattaro jana patthenti, tesu eko abhirupo sarirasampanno, eko vayappatto mahallako, eko jatisampanno, eko silava. Brahmano cintesi dhitaro nivesantena kassa nu kho databba, kim rupasampannassa udahu vayappattajatisampannasilavantanam annatarassati. So cintentopi ajanitva imam karanam sammasambuddho janissati, tam pucchitva etesam antare anucchavikassa dassamiti gandhamaladini gahapetva viharam gantva sattharam vanditva ekamantam nisinno bhagavato adito patthaya tamattham arocetva bhante imesu catusu janesu kassa datum vattatiti pucchi. Sattha pubbepi te pandita Etam panham kathayimsu, bhavasankhepagatatta pana sallakkhetum na sakkositi vatva tena yacito atitam ahari. Atite baranasiyam brahmadatte rajjam karente bodhisatto brahmanakule nibbattitva vayappatto takkasilayam sippam ugganhitva agantva baranasiyam disapamokkho acariyo ahosi. Athekassa brahmanassa catasso dhitaro ahesum. Ta evameva cattaro jana patthayimsu. Brahmano kassa nu kho databbati ajananto acariyam pucchitva databbayuttakassa dassamiti tassa santikam gantva tamattham pucchanto pathamam gathamaha sariradabyam vuddhabyam sojaccam sadhusiliyam brahmanante va pucchami kinnu 1- tesam vanimhaseti. Tattha sariradabyanti adihi tesam catunnam vijjamane gune pakaseti. Ayamettha adhippayo dhitaro me cattarome jana patthenti, tesu ekassa sariradabyam atthi sarirasampada 2- abhirupabhavo samvijjati, ekassa vuddhabyam vuddhabhavo mahallakata atthi, ekassa sojaccam sujatata jatisampada atthi. Sujaccantipi patho. Ekassa sadhusiliyam sundarasilabhavo silasampada atthi. Brahmanante va pucchamati tesu ekassa nameta databbati ajananta mayam bhavantam brahmananneva pucchama. Kinnu tesam vanimhaseti tesam catunnam jananam katham 3- vanimhase icchama, kassa ta kumarika dadamati pucchatiti. @Footnote: 1 kannutipi. 2 sarirasampadayatipi. 3 kantipi. Tam sutva acariyo rupasampadadisu vijjamanasupi vipannasilo garayho, tasma tam appamanam, amhakam silavantabhavo ruccatiti imamattham pakasento dutiyam gathamaha attho atthi sarirasmim vuddhabyassa namo kare attho atthi sujatasmim silam asmaka ruccatiti. Tattha attho atthi sarirasminti rupasampanne sarire attho viseso vuddhi atthi yeva natthiti na vadami. Vuddhabyassa namo kareti vuddhabhavassa pana namakarameva karomi, vuddhabhavo hi vandanamananam labhati. Attho atthi sujatasminti sujatepi purise vuddhi atthi, jatisampatti hi icchitabba yeva. Silam asmaka ruccatiti amhakam pana silameva ruccati. Silava hi acarasampanno sariradabyavirahitopi pujjo pasamsoti. Brahmano tassa vacanam sutva silavantasseva dhitaro adasi. Sattha imam dhammadesanam aharitva saccani pakasetva jatakam samodhanesi. Saccapariyosane brahmano sotapattiphale patitthahi. Tada brahmano ayameva ahosi, disapamokkho acariyo pana ahamevati. Sadhusilajatakam dasamam. Ruhakavaggo pancamo. --------------- @Footnote: @*** hanranir m+mikhramula ***The Pali Atthakatha in Roman Book 37 page 181-184. http://84000.org/tipitaka/atthapali/read_rm.php?B=37&A=3595&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=3595&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=249 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1479 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1460 The Pali Tipitaka in Roman Character :- http://84000.org/tipitaka/read/roman_read.php?B=27&A=1460 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]