บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
5 Bhaggajatakam 1- jiva vassasatam bhaggati idam sattha jetavanasamipe pasenadikosalaranna karite rajikarame viharanto attano khipitakam arabbha kathesi. Ekasmim hi divase sattha rajikarame catuparisamajjhe nisiditva dhammam desento khipi. Bhikkhu jivatu bhante bhagava, jivatu sugatoti uccasaddam mahasaddam akamsu. Tena saddena dhammakathaya antarayo ahosi. Atha kho bhagava bhikkhu amantesi api nu kho bhikkhave khipite jivati vutte tappaccaya jiveyya va mareyya vati. No hetam bhanteti. Na hi bhikkhave khipite jivati vattabbam, yo vadeyya apatti dukkatassati. Tena kho pana samayena manussa bhikkhunam khipite jivatha bhanteti vadanti. Bhikkhu kukkuccayanta nalapanti. Manussa ujjhayanti katham hi nama samana sakyaputtiya jivatha bhanteti vuccamana nalapissanti. Bhagavato tamattham arocesum. Gihi bhikkhave @Footnote: 1 gaggatipi. Mangalika, anujanami bhikkhave gihina jivatha bhanteti vuccamanena ciram jivati pativattunti. Bhikkhu bhagavantam pucchimsu bhante jivapatijivam nama kada uppannanti. Sattha bhikkhave jivapatijivam nama poranakale uppannanti vatva atitam ahari. Atite baranasiyam brahmadatte rajjam karente bodhisatto kasikaratthe ekasmim brahmanakule nibbatti. Tassa pita voharam katva jivitam kappesi. Solasavassuddesikam bodhisattam manikabhandam 1- ukkhipapetva gamanigamadisu caranto baranasim patva dovarikassa ghare bhattam pacapetva bhunjitva nivasanatthanam alabhanto avelayam agata agantuka kattha vasantiti pucchi. Atha nam manussa bahinagare eka sala atthi, sa pana amanussapariggahita, sace icchatha vasathati ahamsu. Bodhisatto etha tata, gacchama, yakkhassa ma bhayittha, ahantam damento tumhakam padesu patessamiti pitaram gahetva tattha gato. Athassa pita phalake nipajji. Sayam pitu pade sambahanto nisidi. Tattha adhivattho yakkho pana dvadasavassani vessavanam upatthahitva tam salam labhanto imam salam pavitthamanussesu yo khipite jivati vadati yo ca jivati vutte patijivati vadati, te jivapatijivavadino thapetva avasese khadeyyasiti labhi. So pitthivamsathunaya 2- vasati. So bodhisattassa pitaram khipapessamiti attano anubhavena sukhumam cunnam vissajjeti. Cunna agantva tassa nasaputesu @Footnote: 1 vanijabhandantipi . 2 talayatipi. Pavisimsu. Sopi phalake nipannakova khipi. Bodhisatto na jivati aha. Yakkho tam khaditum tulaya otarati. Bodhisatto tam otarantam disva imina me pita khipapito bhavissati, ayam so khipite jivati avadantam khadakayakkho bhavissatiti pitaram arabbha pathamam gathamaha jiva vassasatam bhagga aparani ca visati, ma mam pisaca khadantu, jiva tvam saradosatanti. Tattha bhaggati pitaram namena alapati. Aparani ca visatiti aparani ca visati vassani jiva. Ma mam pisaca khadantuti ma mam pisaco khadatu. Jiva tvam saradosatanti tvam pana visuttaravassasatam jivati. Saradosatanhi ganiyamanam vassasatam eva hoti. Tam purimehi visaya saddhim visuttaram idha adhippetam. Yakkho bodhisattassa vacanam sutva imam tava manavam jivati vuttatta khaditum na sakkomi, pitaram panassa khadissamiti pitu santikam agamasi. So tam agacchantam disva ayam kho patijivati abhanantanam khadakayakkho bhavissatiti patijivam karissamiti puttam arabbha dutiyam gathamaha tvampi vassasatam jiva aparani ca visati, visam pisaca khadantu, jiva tvam saradosatanti. Tattha visam pisacati pisaco halahalam visam khadatu. Yakkho tassa vacanam sutva ubhopi me na sakka khaditunti patinivatti. Atha nam bodhisatto pucchi bho yakkha kasma tvam imam Salam pavitthamanusse khadasiti. Dvadasavassani vessavanam upatthahitva laddhattati. Kim pana sabbeva khaditum labhasiti. So jivapatijivabhanino thapetva avasese khadamiti. Yakkha tvam pubbepi akusalam katva kakkhalo pharuso paravihimsako hutva nibbatto, idanipi tadisam kammam katva tamo tamaparayano bhavissasi, tasma ito patthaya panatipatadihi viramassuti tam yakkham dametva nirayabhayena tajjetva pancasilesu patitthapetva yakkham pesanakarakam viya akasi. Puna divase sancaranta manussa yakkham disva bodhisattena cassa damitabhavam natva ranno arocesum deva eko manavo tam yakkham dametva pesanakarakam viya katva thitoti. Raja bodhisattam pakkosapetva senapatitthane thapesi. Pitu cassa mahantam yasam adasi. So yakkham balipatiggahakam katva bodhisattassa ovade thatva danadini punnani katva saggapadam puresi. Sattha imam dhammadesanam aharitva jivapatijivannama tasmim kale uppannanti vatva jatakam samodhanesi. Tada raja anando ahosi, pita kassapo, putto pana ahamevati. Bhaggajatakam pancamam. ----------The Pali Atthakatha in Roman Book 37 page 19-22. http://84000.org/tipitaka/atthapali/read_rm.php?B=37&A=378&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=378&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=159 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1052 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1039 The Pali Tipitaka in Roman Character :- http://84000.org/tipitaka/read/roman_read.php?B=27&A=1039 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]