AtthaPali Vol.37

6 Kurungamigajatakam ingha vaddhamayam pasanti idam sattha jetavane viharanto devadattam arabbha kathesi. Tada hi sattha devadatto vadhaya parisakkatiti sutva na bhikkhave idaneva devadatto mayham vadhaya parisakkati, pubbepi parisakkati yevati vatva atitam ahari. Atite baranasiyam brahmadatte rajjam karente bodhisatto kurungamigo hutva aranne ekassa sarassa avidure ekasmim gumbe vasam kappesi. Tasseva sarassa avidure ekasmim rukkhagge satapatto nisidi. Sarasmim pana kacchapo vasam kappesi. Evam te tayopi sahaya annamannam piyasamvasam vasimsu. Atheko migaluddako aranne Caranto paniyatitthe bodhisattassa padavalanjam disva lohanigalasadisam vaddhamayam pasam oddetva agamasi. Bodhisatto paniyam patum agato pathamayame yeva pase bajjhitva bandharavam ravi. Tassa tena saddena rukkhaggato satapatto udakato ca kacchapo agantva kim nu kho katabbanti mantayimsu. Atha satapatto kacchapam amantetva samma tava danta atthi, tvam imam pasam chinda, aham gantva yatha so nagacchati tatha karissami, evam amhehi dvihi kataparakkamena sahayo no jivitam labhissatiti imamattham pakasento pathamam gathamaha ingha vaddhamayam pasam chinda dantehi kacchapa, aham tatha karissami yatha nehiti luddakoti. Kacchapo cammavarattam khaditum arabhi. Satapatto luddassa vasanagamato avidure rukkhe nisidi. Luddo paccusakale yeva sattim gahetva nikkhami. Sakuno tassa nikkhamanabhavam natva vassitva pakkhe pappothetva tam purimadvarena nikkhamantam mukhena pahari. Luddako kalakannina sakunenamhi pahatoti nivattitva thokam sayitva puna sattim gahetva utthasi. Sakuno ayam pathamam purimadvarena nikkhamitva idani pacchimadvarena nikkhamissatiti natva gantva pacchimagehe nisidi. Luddopi purimadvarena me nikkhamante kalakannisakuno dittho, idani pacchimadvarena nikkhamissamiti pacchimadvarena nikkhami. Sakuno puna vassitva gantva mukhena pahari. Luddo punapi kalakannisakunena pahato, na dani me Esa nikkhamitum detiti nivattitva yava arunuggamana sayitva arunuggamanavelaya sattim gahetva nikkhami. Sakuno vegena gantva luddo agacchatiti bodhisattassa kathesi. Tasmim khane kacchapena ekameva vattam thapetva sesa vatta ^1- khadita honti. Danta panassa pathanakarappatta jata, mukham lohitamakkhitam. Bodhisatto luddaputtam sattim gahetva asanivegena agacchantam disva tam vattam ^2- chindetva vanam pavisi. Sakuno rukkhagge nisidi. Kacchapo pana dubbalatta tattheva nipajji. Luddo kacchapam passitva pasibbake pakkhipitva ekasmim khanuke laggesi. Bodhisatto nivattitva olokento kacchapassa gahitabhavam natva sahayassa jivitadanam dassamiti dubbalo viya hutva luddassa attanam dassesi. So dubbalo esa bhavissati, maressami nanti sattim adaya anubandhi. Bodhisatto natidure naccasanne gacchanto tam adaya arannam pavisi. Duram gatabhavam natva padam vancetva annena maggena vatavegena gantva singena pasibbakam ukkhipitva bhumiyam patetva phaletva kacchapam nihari. Atha satapattopi rukkha otari. Bodhisatto dvinnampi ovadam dadamano aham tumhe nilsaya jivitam labhim, tumhehipi sahayassa kattabbam mayham katam, idani luddo agantva tumhe ganheyya, tasma samma satapatta tvam attano puttake gahetva annattha yahi, tvampi samma kacchapa udakam pavisati @Footnote: ¹ varattatipi . ² bandhanantipi. Aha. Te tatha akamsu. Sattha abhisambuddho hutva dutiyam gathamaha kacchapo pavisi varim, kurungo pavisi vanam, satapatto dumaggamha dure putte apanayiti. Tattha apanayiti apanayi gahetva agamasiti attho. Luddopi tam thanam agantva kanci apassitva chinnapasibbakam gahetva domanassappatto attano geham agamasi. Tepi tayo sahaya yavajivam vissasam acchinditva yathakammam gata. Sattha imam dhammadesanam aharitva jatakam samodhanesi. Tada luddako devadatto ahosi, satapatto sariputto, kacchapo moggallano, kurungamigo pana ahamevati. Kurungamigajatakam chattham. ---------

The Pali Atthakatha in Roman Book 37 page 203-206. http://84000.org/tipitaka/atthapali/read_rm.php?B=37&A=4014&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=4014&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=261 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1544 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1528 The Pali Tipitaka in Roman Character :- http://84000.org/tipitaka/read/roman_read.php?B=27&A=1528 Contents of The Tipitaka Volume 27 http://84000.org/tipitaka/read/?index_27