ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 37 : PALI ROMAN Ja.A.3 dukanipatavannan

                     9 Kakkarajatakam 1-
     dittha maya vane rukkhati idam sattha jetavane viharanto
dhammasenapatisariputtassa saddhiviharikam daharabhikkhum arabbha kathesi.
     So kira attano sarirassa guttikamme cheko ahosi.
Sarirassa me sukham na bhaveyyati bhayena atisitam atiunham paribhogam
na karoti, situnhehi sariram kilameyyati bhayena bahi na nikkhamati,
atikilinnauttanduladini na bhunjati. Tassa sariraguttikusalata
sanghamajjhe pakata jata. Dhammasabhayam bhikkhu katham samutthapesum
avuso asukadaharo kira sariraguttikamme chekoti. Sattha agantva
kayanuttha bhikkhave etarahi kathaya sannisinnati pucchitva imaya
namati vutte na bhikkhave ayam daharo idaneva sariraguttikamme
cheko, pubbepi cheko yeva ahositi vatva atitam ahari.
     Atite baranasiyam brahmadatte rajjam karente bodhisatto
@Footnote: 1 kakarajatakantipi .pe.
Arannayatane rukkhadevata ahosi. Atheko sakunaluddako ekam
kakkaram adaya valarajjunca yatthinca gahetva aranne kakkare
bandhanto ekam palayitva arannam pavittham puranakakkaram bandhitum
arabhi. So valapase kusalataya attanam bandhitum na deti,
utthayutthaya niliyati. Luddako attanam sakhapallavehi
paticchadetva punappunam yatthinca pasanca oddeti. Kakkaro tam
lajjapetukamo manusivacam niccharetva pathamam gathamaha
        dittha maya vane rukkha   assakannavibhedaka,
        na tani evam sakkanti     yatha tvam  rukkham sakkasiti.
     Tassattho samma luddaka maya imasmim vane jata bahu
assakanna ca vibhedaka ca rukkha ditthapubba, tani rukkhani
yatha tvam sakkasi sankamasi ito cito ca vicarasi, evam na sakkanti
na sankamanti na vicaranti.
     Evam vatva ca pana so kakkaro palayitva annattha
agamasi. Tassa palayitva gatakale luddako dutiyam gathamaha
         puranakakkaro ayam     bhetva panjaramagato
         kusalo valapasanam    apakkamati bhasatiti.
     Tattha kusalo valapasananti valamayesu pasesu kusalo attanam
bandhitum adatva pakkamati ceva bhasati ca, bhasitva ca pana palatoti.
     Evam vatva luddako aranne vicaritva yathaladdham adaya
gehameva gato.
     Sattha imam dhammadesanam aharitva jatakam samodhanesi.
Tada luddako devadatto ahosi, kakkaro kayaguttikusalo daharabhikkhu,
tassa pana karanassa paccakkhakarika rukkhadevata pana ahamevati.
                    Kakkarajatakam navamam.
                        -------



             The Pali Atthakatha in Roman Book 37 page 213-215. http://84000.org/tipitaka/atthapali/read_rm.php?B=37&A=4217&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=4217&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=27&i=267              เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1565              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1551              The Pali Tipitaka in Roman Character :- http://84000.org/tipitaka/read/roman_read.php?B=27&A=1551              Contents of The Tipitaka Volume 27 http://84000.org/tipitaka/read/?index_27

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]