AtthaPali Vol.37

6 Alinacittajatakam alinacittam nissayati idam sattha jetavane viharanto ekam osatthaviriyam bhikkhum arabbha kathesi. Vatthum ekadasanipate samvarajatake avibhavissati. So pana bhikkhu satthara saccam kira tvam bhikkhu viriyam osajjiti vutte saccam bhagavati aha. Atha nam sattha nanu tvam bhikkhu pubbe viriyam katva mamsapesisadisassa daharakumarassa dvadasayojanike baranasinagare rajjam gahetva adasi, idani kasma evarupe sasane pabbajitva viriyam osajjasiti vatva atitam ahari. Atite baranasiyam brahmadatte rajjam karente baranasito avidure vaddhakigamo ahosi. Tattha pancasata vaddhaki vasanti. Te navaya uparisotam gantva aranne pavisimsu. Te gehasambharadaruni kottetva tattheva ekabhumikadvibhumikadibhede pasade ^1- sajjetva thambhato patthaya sabbadarusu sannam katva naditiram netva navam aropetva anusotena nagaram agantva, ye yadisani gehani akankhanti, tesam tadisani katva kahapane gahetva puna tattheva gantva gehasambhare aharanti. Evam tesam jivitam kappentanam ekasmim kale aranne khandhavaram bandhitva daruni kottentanam avidure eko hatthi khadirakhanukam akkami. Tassa so khanuko @Footnote: ¹ gehetipi. Padam vijjhi. Balavavedana vattanti. Pado uddhumayitva pubbam ganhi. So vedanappatto tesam darukottanasaddam sutva ime vaddhaki nissaya mayham sotthi bhavissatiti mannamano tihi padehi tesam santikam gantva avidure nipajji. Vaddhaki tam uddhumatapadam disva upasankamitva pade khanukam disva tikhinaya vasiya khanukassa samantato odhikam katva rajjuya bandhitva akaddhamana khanukam niharitva pubbam mocitva unhodakena dhovitva tadanurupehi bhesajjehi na cirasseva vanam phasukam karimsu. Hatthi arogo hutva cintesi maya ime vaddhaki nissaya jivitam laddham, idani tesam maya upakaram katum vattatiti. So tato patthaya vaddhakihi saddhim rukkhe niharitva tacchantanam parivattetva deti vasiadini upasamharati. Sondaya vethetva kalasuttakotiyam ganhati. Vaddhakipissa bhojanavelaya ekekam pindam datva panca pindasatani denti. Tassa pana hatthissa putto sabbaseto hatthajaniyapotako atthi. Tenassa etadahosi aham etarahi mahallako idani maya imesam vaddhakinam kammakaranatthaya puttam datva gantum vattatiti. So vaddhakinam anacikkhitvava arannam pavisitva puttam anetva ayam hatthipotako mama putto, tumhehi mayham jivitam dinnam, aham vo vejjavetanatthaya imam dammi, ayam tumhakam ito patthaya kammani karissatiti vatva ito patthaya puttaka maya kattabbam kammam tvam karohiti puttam ovaditva vaddhakinam Datva sayam arannam pavisi. Tato patthaya hatthipotako vaddhakinam vacanam karoti ovadakkhamo hutva sabbakiccani karoti. Tepi tam pancahi pindasatehi posenti. So kammam katva nadim otaritva nhayitva kilitva agacchati. Vaddhakidarakapi tam sondadisu gahetva udakepi thalepi tena saddhim kilanti. Ajaniya pana hatthinopi assapi purisapi udake uccaram va passavam va na karonti. Tasmapi so udake uccaram va passavam va akatva bahinaditire yeva karoti. Athekasmim divase uparinadiya devo vassi. Atha sukkham hatthilandam udakena nadim otaritva gacchantam baranasinagare titthe ekasmim gumbe laggitva atthasi. Atha ranno hatthigopaka hatthi nhapessamati panca hatthisatani nayimsu. Te ajaniyalandassa gandham ghayitva ekopi hatthi nadim otaritum na ussahi, sabbepi nanguttham ukkhipitva palayitum arabhimsu. Hatthigopaka hatthacariyanam arocesum. Te udake paripanthena bhavitabbanti udakam sodhapetva tasmim gumbe tam ajaniyalandam disva idamettha karananti natva patim aharapetva udakassa puretva tam tattha madditva hatthinam sariresu sincapesum. Sarirani sugandhani ahesum. Tasmim kale te nadim otaritva nhayimsu. Hatthacariya ranno tam pavattim arocetva tam hatthajaniyam pariyesitva anetum vattati devati ahamsu. Raja navasanghatehi Nadim pakkhanditva uddhamgamihi navasanghatehi vaddhakinam vasanatthanam sampapuni. Hatthipotako nadiyam kilanto bherisaddam sutva gantva vaddhakinam santike atthasi. Vaddhaki ranno paccuggamanam katva deva sace daruhi attho, kimkarana agatattha, kim pesetva aharapetum na vattatiti ahamsu. Naham bhane darunam atthaya agatomhi, imassa pana hatthissa atthaya agatomhiti. Gahapetva gaccha devati. Hatthipotako gantum na icchi. Kim karapeti bhane hatthiti. Vaddhakinam posavanikam aharapeti devati. Sadhu bhaneti raja hatthissa catunnam padanam sondaya nangutthassa ca santike satasahassasatasahassa kahapane thapapesi. Hatthi ettakenapi agantva sabbesam vaddhakinam dussayugesu dinnesu vaddhakibhariyanam nivasanasatakesu dinnesu ettakenapi agantva saddhim kilitadarakananca darikananca darakaparihare kate nivattitva vaddhaki ca itthiyo ca darake ca oloketva ranna saddhim agamasi. Raja tam adaya nagaram gantva nagaranca hatthisalanca alankarapetva hatthim nagaram padakkhinam karetva hatthisalam pavesetva sabbalankarena alankaritva abhisekam katva upavuyham katva attano sahayatthane thapetva upaddharajjam hatthissa datva attana samanapariharam akasi. Hatthissa agatakalato patthaya ranno sakalajambudipe rajjam hatthagatameva ahosi. Evam kale gacchante bodhisatto tassa ranno aggamahesiya kucchimhi patisandhim ganhi. Tassa gabbhaparipakakale raja kalamakasi. Hatthi pana sace ranno kalakatabhavam janeyya, tatthevassa hadayam phaleyya, tasma hatthim ranno kalakatabhavam ajanapetva va upatthahimsu. Ranno pana kalakatabhavam sutva tuccham kira rajjanti anantarasamanto kosalaraja mahatiya senaya agantva nagaram parivaresi. Nagaravasino nagaradvarani pidahitva kosalaranno sasanam pahinimsu amhakam ranno aggamahesi paripunnagabbha, ito kira sattame divase puttam vijayissatiti angavijjapathaka ahamsu, sace sa puttam vijayissati, mayam sattame divase yuddham dassama na rajjam, ettakam kalam agamethati. Raja sadhuti sampaticchi. Devi sattame divase puttam vijayi. Namaggahanadivase pana mahajanassa linacittam pagganhanto jatoti alinacittakumarotvevassa namam karimsu. Jatadivasato patthaya panassa nagara kosalaranna saddhim yujjhimsu. Vinayakatta sangamassa mahantampi balam yujjhamanam thokam thokam osakkati. Amacca deviya tamattham arocetva ayye mayam evam osakkamane bale parajayabhavassa bhayama, amhakam pana ranno kalakatabhavam puttassa jatabhavam kosalaranno agantva yujjhanabhavanca ranno sahayako mangalahatthi na janati, janapema nanti pucchimsu. Sa sadhuti sampaticchitva puttam alankaritva dukulacumbatake nipajjapetva pasada oruyha amaccaganaparivuta hatthisalam gantva bodhisattam hatthissa padamule nipajjapetva Sami sahayo te kalakato, mayam tumhakam hadayaphalanabhayena narocayimha, ayante sahayassa putto, kosalaraja agantva nagaram parivaretva tava puttena saddhim yujjhati, balam osakkati, tava puttam tvanneva ma marehi rajjamassa ganhitva dehiti aha. Tasmim kale hatthi bodhisattam sondaya paramasitva ukkhipitva kumbhe thapetva roditva paridevitva bodhisattam otaretva deviya hatthe nipajjapetva kosalarajanam ganhissamiti hatthisalato nikkhami. Athassa amacca cammam ^1- patimuncitva alankaritva nagaradvaram apapuritva tam parivaretva nikkhamimsu. Hatthi nagara nikkhamitva koncanadam katva mahajanam santasetva palapetva balakotthakam bhinditva kosalarajanam culaya gahetva anetva bodhisattassa padamule nipajjapetva maranatthayassa utthite varetva ito patthaya appamatto hohi, kumaro daharoti sannam ma kariti ovaditva uyyojesi. Tato patthaya sakalajambudipe rajjam bodhisattassa hatthagatameva jatam. Anno patisattu nama utthatum samattho nahosi. Bodhisatto sattavassikakale abhisekam patva alinacittaraja nama hutva dhammena rajjam karetva jivitapariyosane saggapadam puresi. Sattha imam atitam aharitva abhisambudadho hutva ima gatha abhasi @Footnote: ¹ vammantipi. Alinacittam nissaya pahattha mahati camu kosalam senasantuttham jivagaham agahayi, evam nissayasampanno bhikkhu araddhaviriyo bhavayam kusalam dhammam yogakkhemassa pattiya papune anupubbena sabbasamyojanakkhayanti. Tattha alinacittam nissayati alinacittam rajakumaram nissaya. Pahattha mahati camuti pavenirajjam no laddhanti hatthatuttha hutva mahati sena. Kosalam senasantutthanti kosalarajanam sena rajjena asantuttham pararajjalobhena agatam. Jivagaham agahayiti amaretva va sa camu tam rajanam hatthina jivagaham ganhapesi. Evam nissayasampannoti yatha sa camu evam annopi kulaputto nissayasampanno kalyanamittam buddham va buddhasavakam va paccekabuddham va nissayam labhitva. Bhikkhuti parisuddhadhivacanametam. Araddhaviriyoti paggahitaviriyo catudosapagatena viriyena samannagato. Bhavayam kusalam dhammanti kusalam niralayam dhammam sattatimsabodhipakkhiyasankhatadhammam bhavento. Yogakkhemassa pattiyati catuhi yogehi khemassa nibbanassa papunatthaya tam dhammam bhavento. Papune anupubbena sabbasamyojanakkhayanti evam vipassanato patthaya imam kusalam dhammam bhavento so kalyanamittupanissayasampanno bhikkhu anupubbena vipassanananani ca hetthimani maggaphalani ca papunanto pariyosane dasannampi samyojananam khayante uppannatta sabbasamyojanakkhayasankhatam arahattam Papunati. Yasma ca nibbanamagamma sabbe samyojana khiyanti tasma tampi sabbasamyojanakkhayameva. Evam anupubbena nibbanasankhatam sabbasamyojanakkhayam papunatiti attho. Iti bhagava amatamahanibbanena dhammadesanaya kutam gahetva uttarampi saccani pakasetva jatakam samodhanesi. Saccapariyosane osatthaviriyo bhikkhu arahatte patitthahi. Tada mata mahamaya ahosi, pita suddhodano maharaja ahosi, rajjam gahetva dinnahatthi ^1- ayam osatthaviriyo bhikkhu, hatthissa pita sariputto, alinacittakumaro pana ahamevati. Alinacittajatakam chattham. ------------

The Pali Atthakatha in Roman Book 37 page 23-30. http://84000.org/tipitaka/atthapali/read_rm.php?B=37&A=452&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=452&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=161 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1059 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1046 The Pali Tipitaka in Roman Character :- http://84000.org/tipitaka/read/roman_read.php?B=27&A=1046 Contents of The Tipitaka Volume 27 http://84000.org/tipitaka/read/?index_27