AtthaPali Vol.37

8 Kutavanijajatakam sathassa satheyyamidanti idam sattha jetavane viharanto ekam kutavanijam arabbha kathesi. Savatthivasino hi kutavanijo ca panditavanijo ca dve jana pattika hutva pancasakatasatani bhandassa puretva pubbantato aparantam vicaramana voharam katva bahulabham labhitva savatthim paccagamimsu. Panditavanijo kutavanijam aha samma bhandam bhajemati. Kutavanijo ayam digharattam dukkhaseyyaya dubbhojanena kilamanto attano ghare nanaggarasabhattam bhunjitva ajirakena marissati, Athassa sabbametam bhandam mayhameva bhavissatiti cintetva nakkhattam na manapam, divaso na manapo, sve janissami punadivase janissamiti kalam khepeti. Atha nam panditavanijo nippiletva bhajapetva gandhamalam adaya satthu santikam gantva sattharam pujetva vanditva ekamantam nisidi. Sattha kada agatositi pucchi. Addhamasamattam ^1- me bhante agatassati vatva atha kasma evam papancetva buddhupatthanam na agatositi puttho tam pavattim arocesi. Sattha na kho upasaka idaneva pubbepesa kutavanijo yevati vatva tena yacito atitam ahari. Atite baranasiyam brahmadatte rajjam karente bodhisatto amaccakule nibbattitva vayappatto tassa vinicchayamacco ahosi. Tada gamavasi ca nagaravasi ca dve vanija mitta ahesum. Gamavasi nagaravasissa santike panca phalasatani thapesi. So te phale vikkinitva mulam gahetva phalanam thapitatthane musikavaccam akiritva thapesi. Aparabhage gamavasi agantva phale me dehiti aha. Kutavanijo phala te musikahi khaditati musikavaccam dasseti. Itaro khaditava hontu, musikahi khadite kim sakka katunti nahanatthaya tassa puttam adaya gacchanto ekassa sahayakassa gehe imassa darakassa katthaci gantum madatthati vatva antogabbhe @Footnote: ¹ addhamasamattotipi. Nisidapetva sayam nahatva kutavanijassa geham agamasi. So putto me kahanti aha. Samma tava puttam tire thapetva mama udake nimuggakale eko kulalo agantva tava puttam nakhapanjarena gahetva akasam pakkhandi, aham panim paharitva viravitva vayamantopi mocetum nasakkhinti. Tvam musa bhanasi, kulalo darake gahetva gantum samattho nama natthiti. Samma yuttampi hotu ayuttampi hotu, aham kim karomi, kulaleneva te putto nitoti. So tam santajjetva are dutthacora manussamaraka idani tam vinicchayam gantva kathapessamiti nikkhami. So mama ^1- ruccanameva kathesiti ^2- teneva saddhim vinicchayatthanam agamasi. Kutavanijo bodhisattam aha ayam sami mama puttam gahetva nahayitum gato kaham me puttoti vutte kulalena hatoti aha, vinicchinatha me attanti. Bodhisatto saccam bhanasiti itaram pucchi. So aha sami aham tam adaya gatoti. Senena pana hatabhavo saccamevati. Saccameva samiti. Kim pana loke kulala nama darakam harantiti. Sami ahampi tumhe pucchami kulala darake gahetva akase gantum na sakkonti, musika pana ayaphale khadantiti. Idam kinnamati. Sami maya etassa ghare panca phalasatani thapitani, svayam phala te musikahi khaditati vatva idante phale khaditamusikanam vaccanti vaccam dasseti, sami musika sace phale khadanti, kulalapi darake harissanti, @Footnote: ¹ tavatipi . ² karositipi. Sace na khadanti, senapi tam na harissanti, eso pana phala te musikahi khaditati vadati, tesam khaditabhavam va akhaditabhavam va janatha, attam me vinicchinathati. Bodhisatto sathassa patisatheyyam katva jinissamiti imina cintitam bhavissatiti natva sutthu te cintitanti vatva ima gatha avoca sathassa satheyyamidam sucintitam, paccodditam patikutassa kutam, phalam ce adeyyum musika, kasma kumaram kulala no hareyyum. Kutassa hi santi kutakuta, bhavati paro nikatino nikatya, dehi puttanattha phalanatthassa phalam, ma te puttamahasi phalanatthoti. Tattha sathassati sathabhavena keratikena ekam upayam katva parasantakam khaditum vattatiti sathassa. Satheyyamidam sucintitanti idam patisatheyyam cintentena taya sutthu cintitam. Paccodditam patikutassa kutanti kutassa puggalassa taya patikutam sutthu paccodditam, patibhagam katva odditasadisameva katanti attho. Phalam ce adeyyum musikati yadi musika phale khadeyyum, kasma kumaram kulala no hareyyunti, musikasu phale khadantisu kulala kimkarana kumaram no hareyyum. Kutassa hi santi kutakutati tvam ahameva musikahi phale khadapitapuriso Kutoti mannasi, tadisassa pana kutassa imasmim loke bahukuta santi. Kutassa ^1- kutapatikutanam etam namam. Kutassa patikuta nama santiti vuttam hoti. Bhavati paro nikatino nikatyati nikatino nekatikassa vancanakarakassa puggalassa nikatya aparo nikatikarako vancanakapuriso bhavati yeva. Dehi puttanattha phalanatthassa phalanti ambho natthaputtapurisa etassa natthaphalassa phale dehi. Ma te puttamahasi phalanatthoti sace hissa phalam na dassasi, puttante harissati, tante esa ma haratu, phalamassa dehiti. Demi sami, sace me puttam detiti. Demi sami, sace phale me detiti. Evam natthaputto puttam natthaphalo ca phalam patilabhitva ubhopi yathakammam gata. Sattha imam dhammadesanam aharitva jatakam samodhanesi. Tada kutavanijo idani kutavanijo, panditavanijo panditavanijo yeva, vinicchayamacco pana ahamevati. Kutavanijajatakam atthamam. @Footnote: ¹ kutassa kutatipi.

The Pali Atthakatha in Roman Book 37 page 240-244. http://84000.org/tipitaka/atthapali/read_rm.php?B=37&A=4755&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=4755&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=285 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1650 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1638 The Pali Tipitaka in Roman Character :- http://84000.org/tipitaka/read/roman_read.php?B=27&A=1638 Contents of The Tipitaka Volume 27 http://84000.org/tipitaka/read/?index_27