AtthaPali Vol.37

3 Putabhattajatakam name namantassati idam sattha jetavane viharanto ekam kutumbikam arabbha kathesi. Savatthinagaravasi kireko kutumbiko ekena janapadakutumbikena saddhim voharam akasi. So attano bhariyam adaya tassa dharanakassa santikam agamasi. Dharanako datum na sakkomiti na kinci adasi. Itaro kujjhitva bhattam abhunjitvava nikkhami. Atha nam antaramagge chatajjhattam disva maggapatipanna purisa bhariyayapi datva bhunjahiti bhattaputam adamsu. So tam gahetva tassa adatukamo hutva bhadde idam coranam titthanatthanam, tvam purato yahiti tam uyyojetva sabbam bhattam bhunjitva tucchaputam dassetva bhadde Abhattakatucchaputam adamsuti aha. Sa tena ekena bhuttabhavam natva domanassappatta ahosi. Te ubhopi jetavanapitthiviharena gacchanta paniyam pivissamati jetavanam pavisimsu. Satthapi tesanneva agamanam olokento migam gahetva thitaluddako viya gandhakuticchayaya nisidi. Te sattharam disva upasankamitva vanditva nisidimsu. Sattha tehi saddhim patisantharam katva kim upasike ayam te bhatta hitakamo sasnehoti pucchi. Bhante aham etassa sasneha, ayam pana mayham nisneho, titthantu anne divasa, ajjevesantaramagge putabhattam labhitva mayham adatva attanava bhunjatiti. Upasike niccakalampi tvam etassa hitakama sasneha, ayam nisnehova, yada pana pandite nissaya tava gune janati, tada sabbissariyam niyyadetiti vatva taya yacito atitam ahari. Atite baranasiyam brahmadatte rajjam karente bodhisatto amaccakule nibbattitva vayappatto tassa atthadhammanusasako ahosi. Atha nam raja padubbheyyapi me ayanti attano puttam asankanto nihari. So attano bhariyam gahetva nagara nikkhamma ekasmim kasikagame vasam kappesi. So aparabhage pitu kalakatabhavam sutva kulasantakam rajjam ganhissamiti baranasim paccagacchanto antaramagge bhariyayapi datva bhunjahiti putabhattam labhitva tassa adatva sayameva bhunji. Sa kakkhalo vatayam purisoti domanassappatta ahosi. So baranasiyam rajjam gahetva tam aggamahesitthane Thapetva ettakameva etissa alanti na annam sakkaram va sammanam va karoti, katham yapesitipi nam na pucchati. Bodhisatto cintesi ayam devi ranno bahuppakara sasneha, raja panetam kisminci na mannati, sakkarasammanamassa karessamiti tam upasankamitva upacaram katva ekamantam thatva kintatati vutte katham samutthapetum mayam devi tumhe upatthahama, kim nama mahallakanam matapitunam vatthakkhandam va bhattapindam va datum na vattatiti aha. Tata aham attanapi kinci na labhami, tumhakam kim dassami, nanu labhanakale adasim, idani pana me raja na kinci deti, titthatu annam danam, rajjam ganhitum agacchanto antaramagge bhattaputam labhitva bhattamattampi me adatva attanava bhunjiti. Kim pana amma ranno santike evam kathetum sakkhissathati. Sakkhissami tatati. Tena hi ajjeva mama ranno santike thitakale mayi pucchante evam kathetha, ajjeva vo gunam janapessamiti. Evam vatva bodhisatto purimataram gantva ranno santike atthasi. Sapi gantva ranno santike atthasi. Atha nam bodhisatto amma tumhe ativiya kakkhala, kinnama pitunam vatthakkhandam va bhattapindamattam va datum na vattatiti. Tata ahameva ranno santika kinci na labhami, tumhakam kim dassamiti. Nanu aggamahesitthanam vo laddhanti. Tata kisminci sammane asati aggamahesitthanam kim karissati, idani me tumhakam raja kim dassati, so antaramagge Bhattaputam labhitva tato kinci adatva sayameva bhunjiti. Bodhisatto evam kira maharajati pucchi. Raja adhivasesi. Bodhisatto tassa adhivasanam viditva tena hi amma ranno appiyakalato patthaya kim tumhakam idha vasena, lokasmim hi appiyasampayogova dukkho, tumhakam idha vase sati ranno appiyasampayogo dukkham bhavissati, ime satta nama bhajantam bhajanti, abhajantam abhajanabhavam natva annattha gantabbam, mahanto hi lokasannivasoti vatva ima gatha avoca name namantassa, bhaje bhajantam, kiccanukubbassa kareyya kiccam, nanatthakamassa kareyya attham, asambhajantampi na sambhajeyya. Caje cajantam, vanatham na kayira, apetacittena na sambhajeyya, dijo dumam khinaphalamva natva annam samekkheyya, maha hi lokoti. Tattha name namantassa bhaje bhajantanti yo attano namati tasseva patinameyya, yo ca bhajati tanneva bhajeyya. Kiccanukubbassa kareyya kiccanti attano uppannam kiccam anukubbantasseva tassapi uppannakiccam patikareyya. Caje cajantam, vanatham na kayirati attanam jahantam jahetheva, kinci tasmim tanhasankhatam vanatham na kareyya. Apetacittenati vigatacittena vipallatthacittena. Na sambhajeyyati tatharupena saddhim na samagaccheyya. Dijo dumanti yatha sakuno pubbe phalitampi rukkham phale khine khinaphalo ayanti natva tam chaddetva annam samekkhati pariyesati evam annam samekkheyya, maha hi esa loko, avassam tumhesu sasneham ekam purisam labhissathati. Tam sutva baranasiraja deviya sabbissariyam adasi. Tato patthaya samagga sammodamana vasimsu. Sattha imam dhammadesanam aharitva saccani pakasetva jatakam samodhanesi. Saccapariyosane dve jayapatika sotapattiphale patitthahimsu. Tada jayapatika imeva dve jayapatika ahesum, panditamacco pana ahamevati. Putabhattajatakam tatiyam. -------

The Pali Atthakatha in Roman Book 37 page 269-273. http://84000.org/tipitaka/atthapali/read_rm.php?B=37&A=5344&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=5344&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=295 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1700 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1690 The Pali Tipitaka in Roman Character :- http://84000.org/tipitaka/read/roman_read.php?B=27&A=1690 Contents of The Tipitaka Volume 27 http://84000.org/tipitaka/read/?index_27