ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 37 : PALI ROMAN Ja.A.3 dukanipatavannan

                     5 Khantivannanajatakam
     atthi me puriso devati idam sattha jetavane viharanto
kosalarajanam arabbha kathesi.
     Tassa kireko bahuppakaro amacco antepure padussi. Raja
upakarako meti natvapi adhivasetva satthu arocesi. Sattha
puranakarajanopi maharaja evam adhivasesum yevati vatva tena
yacito atitam ahari.
     Atite baranasiyam brahmadatte rajjam karente eko amacco
tassa antepure padussi. Amaccassapi sevako tassa gehe padussi.
So tassa aparadham adhivasetum asakkonto tam adaya ranno santikam
gantva deva eko me upatthako sabbakiccakarako, so mayham
gehe padussi, tassa kim katum vattatiti pucchanto pathamam gathamaha
        atthi me puriso deva     sabbakiccesu byavato,
        tassa cekoparadhatthi,     tattha tvam kinti mannasiti.
     Tattha tassa cekoparadhatthiti tassa ca purisassa eko aparadho
atthi. Tattha tvam kinti mannasiti tattha tassa purisassa aparadhe
tvam kim katabbanti mannasi, yatha te cittam upajjati tadanurupamassa
dandam panehiti dipeti.
      Tam sutva raja dutiyam gathamaha
         amhakam atthi puriso     ediso idha vijjati,
         dullabho angasampanno,   khanti asmaka ruccatiti.
     Tassattho amhakampi rajunam satam ediso bahuppakaro agare
dussanakapuriso atthi. So ca kho idha vijjati idanipi idheva
samvijjati, mayam rajanopi samana tassa bahuppakaratam sandhaya
adhivasema, tuyham pana arannopi sato adhivasanabharo 1- jato.
Angasampannoti sabbagunakotthasehi samannagato puriso nama dullabho, tena
karanena amhakam evarupesu thanesu adhivasanakhanti yeva ruccatiti.
     Amacco attanam sandhaya ranno 2- vuttabhavam natva tato
patthaya antepure padussitum na visahi. Sopissa sevako ranno
arocitabhavam natva tato patthaya tam kammam katum na visahi.
     Sattha imam dhammadesanam aharitva jatakam samodhanesi. Tada
ahameva baranasiraja ahosinti. Sopi amacco ranno satthu
kathitabhavam natva tato patthaya tam kammam katum nasakkhiti.
                  Khantivannanajatakam pancamam.
@Footnote: 1 adhivasanam bharotipi   2 rannatipi.



             The Pali Atthakatha in Roman Book 37 page 274-275. http://84000.org/tipitaka/atthapali/read_rm.php?B=37&A=5444&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=5444&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=27&i=299              เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1716              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1709              The Pali Tipitaka in Roman Character :- http://84000.org/tipitaka/read/roman_read.php?B=27&A=1709              Contents of The Tipitaka Volume 27 http://84000.org/tipitaka/read/?index_27

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]