AtthaPali Vol.37

7 Guthapanajatakam suro surena sangammati idam satta jetavane viharanto annataram bhikkhum arabbha kathesi. Tasmim kira kale jetavanato gavutaddhayojanamatte ^1- eko nigamagamo ahosi. Tattha bahuni salakabhattapakkhikabhattani atthi. @Footnote: ¹ gavutadviyojanamattetipi. Tattheko panhapucchako kondo vasati. So salakabhattapakkhikabhattanam atthaya gate daharabhikkhu ca samanere ca ke pivanti, ke khadanti, ke bhunjantiti panham pucchitva kathetum asakkonte lajjapesi. Te tassa kondassa bhayena salakabhattapakkhikabhattatthaya tam gamam na gacchanti. Athekadivasam ekopi bhikkhu salakaggam gantva bhante asukagame salakabhattam va pakkhikabhattam va atthiti pucchitva atthavuso, tattha paneko kondo panham pucchati, kathetum asakkonte akkosati paribhasati, tassa bhayena keci gantum na sakkontiti vutte bhante tattha bhattani mayham papetha, ahantam dametva nibbisevanam katva tato patthaya amhe disva palayanakam karissamiti aha. Bhikkhu sadhuti sampaticchitva tassa tattha bhattani papesum. So tattha gantva gamadvare civaram parupi. Tam disva kondo candamendako viya vegena upagantva panham me samana kathehiti aha. Upasaka game caritva yagum adaya asanasalantava agantum me dehiti. So yagum adaya asanasalam agatepi tasmim tatheva aha. Sopi tam yagum tava me patum dehi, asanasalam sammajjitum dehi, salakabhattam tava me aharitum dehiti vatva salakabhattam aharitva tameva pattam gahapetva ehi, panham te kathessamiti bahigamam netva civaram samharitva anse thapetva tassa hatthato pattam gahetva atthasi. Tatthapi nam so samana panham me kathehiti aha. Atha nam kathemi te panhanti ekappahareneva Patetva atthini sancunnanto viya pothetva gutham mukhe pakkhipitva itodani patthaya imam gamam agatabhikkhum kinci panham pucchitakale janissamiti santajjetva pakkami. So tato patthaya bhikkhum disva palayati. Aparabhage tassa bhikkhuno sa kiriya bhikkhusanghe pakata jata. Athekadivasam bhikkhu dhammasabhayam katham samutthapesum avuso asukabhikkhu kira kondassa mukhe gutham pakkhipitva gatoti. Sattha agantva kayanuttha bhikkhave etarahi kathaya sannisinnati pucchitva imaya namati vutte na bhikkhave so bhikkhu idaneva tam milhena asadesi, pubbepi asadesi yevati vatva atitam ahari. Atite angamagadhavasino annamannassa rattham gacchanta ekadivasam dvinnam ratthanam simantare ekam gharam nissaya vasitva suram pivitva macchamamsam khaditva patova yanani yojetva pakkamimsu. Tesam gatakale eko guthakhadakapanako guthagandhena agantva tesam nisinnatthane chadditasuram disva paniyam pipasaya pivitva matto hutva guthapunjam abhiruhi. Allagutham tasmim arulhe thokam onami. So pathavi mam dharetum na sakkotiti viravati. Tasminneva khane eko mattavarano tam padesam patva guthagandham ghayitva jigucchanto patikkami. So tam disva esa mama bhayena palayiti sanni hutva imina me saddhim sangamam katum vattatiti tam avhayanto pathamam gathamaha Suro surena sangamma vikkantena paharina ehi naga nivattassu, kinnu bhito palayasi, passantu angamagadha mamam tuyhanca vikkamanti. Tassattho tvam suro maya surena saddhim samagantva viriyavikkamena vikkantena paharadanasamatthataya paharina kimkarana asangamatthaya gacchasi, nanu nama ekasampaharo databbo siya, tasma ehi naga nivattassu, ettakeneva maranabhayatajjito hutva kinnu bhito palayasi, ime imam simantaram katva vasanta passantu angamagadha mama tuyhanca vikkamam ubhinnampi amhakam parakkamam passantuti. So hatthi uccaretva tassa vacanam sutva nivattitva tassa santikam gantva tam apasadento dutiyam gathamaha na tam pada vadhissami na dantena na sondiya, milhena tam vadhissami, puti hannatu putinati. Tassattho na tam padadihi vadhissami, tuyham pana anucchavikena milhena tam vadhissamiti evanca pana vatva putiguthapanako putina va hannatuti. Tassa matthake mahantam landam patetva udakam vissajjetva tattheva tam jivitakkhayam papetva koncanadam nadanto arannameva pavisi. Sattha imam dhammadesanam aharitva jatakam samodhanesi. Tada Guthapanako kondo ahosi, varano so bhikkhu, tam karanam paccakkhato disva tasmim vanasande nibbattadevata pana ahamevati. Guthapanakajatakam sattamam. -----------

The Pali Atthakatha in Roman Book 37 page 278-282. http://84000.org/tipitaka/atthapali/read_rm.php?B=37&A=5533&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=5533&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=303 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1734 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1726 The Pali Tipitaka in Roman Character :- http://84000.org/tipitaka/read/roman_read.php?B=27&A=1726 Contents of The Tipitaka Volume 27 http://84000.org/tipitaka/read/?index_27