บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
2 Vinathunajatakam ekacintito ayamatthoti idam sattha jetavane viharanto annataram kumarikam arabbha kathesi. Sa kireka savatthiyam setthidhita attano gehe usabharajassa sakkaram kariyamanam disva dhatim pucchi amma ko namesa evam sakkaram labhatiti. Usabharaja nama ammati. Puna sa ekadivasam vatapane thatva antaravithiyam olokenti ekam khujjam disva cintesi gunnam antare jetthakassa pitthiyam kakudham hoti, manussajetthakassapi tena bhavitabbam, ayam manussesu purisusabho bhavissati, etassa maya padaparicarikaya bhavitum vattatiti. Sa dasim pesetva setthidhita taya saddhim gantukama, asukatthanam kira gantva titthati tassa arocetva sarabhandakam adaya annatakavesena pasada otaritva @Footnote: 1 dupahanupamotitipi . 2 dupahanupatapi tassa anariyotipi. Tena saddhim palayi. Aparabhage tassa kiriyam 1- nagare ca bhikkhusanghe ca pakatam jatam. Dhammasabhayam bhikkhu katham samutthapesum avuso asuka kira setthidhita khujjena saddhim palatati. Sattha agantva kayanuttha bhikkhave etarahi kathaya sannisinnati pucchitva imaya namati vutte na bhikkhave idaneva esa khujjam kameti, pubbepi kamesi yevati vatva atitam ahari. Atite baranasiyam brahmadatte rajjam karente bodhisatto ekasmim nigamagame setthikule nibbattitva vayappatto gharavasam vasanto puttadhitahi vaddhamano attano puttassa baranasisetthissa dhitaram varetva divasam thapesi. Setthidhita attano gehe usabhassa sakkarasammanam disva ko namesoti dhatim pucchitva usabhoti sutva antaravithiya gacchantam ekam khujjam disva ayam purisusabho bhavissatiti sarabhandakam gahetva tena saddhim palayi. Bodhisattopi kho setthidhitaram geham anessamiti mahantena parivarena baranasim gacchanto tameva maggam patipajji. Te ubhopi sabbarattim maggam agamamsu. Atha khujjassa sabbarattim sitabhihatassa arunodaye sarire vato kuppi. Mahanta vedana vattanti. So magga okkamma vedanappatto hutva vinadandako viya sankutiko nipajji. Setthidhitapissa padamule nisidi. Bodhisatto setthidhitaram khujjassa padamule nisinnam disva sanjanitva upasankamitva setthidhitaya @Footnote: 1.kiriya...pakata jatati yuttataram. tam kammantipi. Saddhim sallapanto pathamam gathamaha ekacintito ayamattho, balo aparinayako, na hi khujjena vamena bhoti sangantumarahasiti. Tattha ekacintito ayamatthoti amma yam tvam attham cintetva imina khujjena saddhim palata, ayam taya ekikaya evam cintito bhavissati. Balo aparinayakoti ayam hi khujjo balo, duppannabhavena mahallakopi balova, annasmim gahetva gacchante asati gantum asamatthataya aparinayako. Na hi khujjena vamena bhoti sangantumarahasiti imina hi khujjena vamanatta vamena bhoti tvam mahakule jata abhirupa dassaniya sangantum narahasiti. Athassa tam vacanam sutva setthidhita dutiyam gathamaha purisusabham mannamana aham khujjamakamayim, soyam sankutito seti chinnatanti yatha vinati. Tassattho aham ayya ekam usabham disva gunnam jetthakassa pitthiyam kakudham hoti, imassapi tam atthi, imina purisusabhena bhavitabbanti evamaham khujjam purisusabham mannamana akamayim, svayam yatha nama chinnatanti sadoniko vinadandako evam sankutito setiti. Bodhisatto tassa annatakavesena nikkhantabhavam natva nahapetva alankaritva ratham aropetva attano gehameva agamasi. Sattha imam dhammadesanam aharitva jatakam samodhanesi. Tada setthidhita ayameva setthidhita ahosi, baranasisetthi pana ahamevati. Vinathunajatakam dutiyam. --------The Pali Atthakatha in Roman Book 37 page 299-302. http://84000.org/tipitaka/atthapali/read_rm.php?B=37&A=5925&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=5925&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=313 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1796 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1791 The Pali Tipitaka in Roman Character :- http://84000.org/tipitaka/read/roman_read.php?B=27&A=1791 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]