AtthaPali Vol.37

3 Vikannakajatakam kamam yahim icchasi tena gacchati idam sattha jetavane viharanto ekam ukkanthitabhikkhum arabbha kathesi. So hi dhammasabham anito, saccam kira tvam bhikkhu ukkanthitositam satthara puttho saccanti vatva kasma ukkanthitositi vutte kamagunakaranati aha. Atha nam sattha kamaguna namete bhikkhu vikannakasallasadisa sakim hadaye patittham labhamana vikannakam viya pavittham sumsumaram maranameva papentiti vatva atitam ahari. Atite bodhisatto baranasiyam dhammena rajjam karento ekadivasam uyyanam gantva pokkharanitiram sampapuni. Naccagitadisu kusala naccagitani payojesum. Pokkharaniyam macchakacchapa gitasaddasmim lolataya sannipatitva ranna saddhim gacchanti. Raja talakhandhappamanam macchaghatam disva kinnu kho ime maccha maya saddhim yeva carantiti amacce pucchi. Amacca ete devam upatthahantiti ahamsu. Raja etepi kira mam upatthahantiti tussitva tesam Niccabhattam patthapesi. Devasikam devasikam tandulammanam paccati. Atha maccha bhattavelaya ekacce agacchanti ekacce nagacchanti. Bhattam nassati. Ranno tamattham arocesum. Raja ito patthaya bhattavelaya bherim paharitva bherisannaya macchesu sannipatitesu bhattam dethati aha. Tato patthaya bhattakammiko bherim paharapetva sannipatitanam macchanam bhattam deti. Tepi bherisannaya sannipatitva bhunjanti. Tesu evam sannipatitva bhunjantesu eko sumsumaro agantva macche khadi. Bhattakammiko ranno arocesi. Raja tam sutva pavitthasumsumaram macchanam khadanakale vikannakena vijjhitva ganhahiti aha. So sadhuti gantva navaya thatva macche khaditum agatam sumsumaram vikannakena pahari. Tam tassa antopitathim pavisi. So vedanappatto hutva tam gahetva va palayi. Bhattakammiko tassa viddhabhavam natva tam alapanto pathamam gathamaha kamam yahim icchasi tena gaccha, viddhosi mammamhi vikannakena, hatosi bhattena savaditena lolo va macche anubandhamanoti. Tattha kamanti ekamsena. Yahim icchasi tena gacchati yasmim icchasi tattha gaccha. Mammamhiti mammatthane. Vikannakenati vikannakasallena. Hatosi bhattena savaditena lolova macche Anubandhamanoti tvam bherivaditasannaya bhatte diyyamane lolo hutva khadanatthaya macche anubandhamano tena savaditena bhattena hato, gatatthanepi te jivitam natthiti. So attano vasanatthanam patva jivitakkhayam patto. Sattha imam dassetva abhisambuddho hutva dutiyam gathamaha evampi lokamisam opatanto vihannati cittavasanuvatti, so hannati natisakhana majjhe, macchanugo soriva sumsumaroti. Tattha lokamisanti panca kamaguna, te hi loko itthato kantato manapato ganhati, tasma lokamisanti vuccanti ^1-. Opatantoti tam lokamisam anuvattanto kilesavasena cittavasanuvatti puggalo vihannati kilamati vinasam papunati. So hannatiti so evarupo puggalo natinanca sakhananca majjhepi vikannakena viddho macchanugo sumsumaro viya panca kamagune manapati gahetva hannati vihannati kilamati mahavinasam papunati yevati. Evam sattha imam dhammadesanam aharitva saccani pakasetva jatakam samodhasi. Saccapariyosane ukkanthitabhikkhu sotapattiphale patitthahi. Tada baranasiraja pana ahamevati. Vikannakajatakam tatiyam. @Footnote: ¹ vuccatitipi.

The Pali Atthakatha in Roman Book 37 page 302-304. http://84000.org/tipitaka/atthapali/read_rm.php?B=37&A=5984&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=5984&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=315 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1803 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1798 The Pali Tipitaka in Roman Character :- http://84000.org/tipitaka/read/roman_read.php?B=27&A=1798 Contents of The Tipitaka Volume 27 http://84000.org/tipitaka/read/?index_27