AtthaPali Vol.37

8 Ekapadajatakam ingha ekapadam tatati idam sattha jetavane viharanto ekam kutumbikam arabbha kathesi. Savatthivasiko kireko kutumbiko ahosi. Athassa ekadivasam anke nisinno putto atthassa dvaram nama panham pucchi. So ca buddhavisayo esa panho, na tam anno kathetum sakkhissatiti Puttam gahetva jetavanam gantva sattharam vanditva bhante ayam me darako urumhi nisinno atthassa dvaram nama panham pucchi, aham tam ajananto idhagato, kathetha bhante imam panhanti. Sattha na kho upasaka ayam darako idaneva atthagavesako, pubbepi atthagavesako hutva imam panham pandite pucchi, poranakapanditapissa kathesum, bhavasankhepagatatta pana na sallakkhesiti vatva atitam ahari. Atite baranasiyam brahmadatte rajjam karente bodhisatto setthikule nibbattitva vayappatto pitu accayena setthitthanam labhi. Athassa putto daharakumaro urumhi nisiditvava tata mayham ekam padam anekatthapadanissitam ^1- ekam karanam kathethati pucchanto pathamam gathamaha ingha ekam padam tata anekatthapadanissitam kinci sangahitam bruhi, yenatthe sadhayemaseti. Tattha inghati yacanatthe codanatthe va nipato. Ekam padanti ekam karanapadam, ekam karanasangahitam va byanjanapadam. Anekatthapadanissitanti anekani atthapadani karanapadani nissitam. Kinci sangahitam bruhiti kinci ekam bahunnam padanam sangahikam bruhi. Ayameva va patho. Yenatthe sadhayemaseti yena kena padena anekatthanissitena mayam attano vuddhim sadheyyama, tam me kathehiti pucchati. @Footnote: ¹ ekapadam anekatthanissitantipi. Athassa pita kathento dutiyam gathamaha dakkheyyekapadam tata anekatthapadanissitam tanca silena samyuttam khantiya upapaditam alam mitte sukhapetum amittanam dukhaya vati. Tattha dakkheyyekapadam tatati dakkheyyam ekapadam. Dakkheyyam nama labhuppadakassa chekassa kusalassa nanasampayuttam viriyam. Anekatthapadanissitanti evam vuttappakaraviriyam anekehi atthapadehi nissitam. Katarehiti siladihi. Teneva tanca silena samyuttanti adimaha. Tassattho tanca panetam viriyam acarasilasamyuttam adhivasanakhantiya upetam mitte sukhapetum amittanam dukkhaya alam samattham, ko hi nama labhuppadakananasampayuttakusalaviriyasamannagato acara- khantisampanno mitte sukhapetum amitte va dukkhapetum na sakkotiti. Evam bodhisatto puttassa panham kathesi. So pitara kathitanayeneva attano attham sadhayitva yathakammam gato. Sattha imam dhammadesanam aharitva saccani pakasetva jatakam samodhanesi. Saccapariyosane pitaputta sotapattiphale patitthita. Tada putto ayameva ahosi, baranasisetthi pana ahamevati. Ekapadajatakam atthamam. ------------

The Pali Atthakatha in Roman Book 37 page 314-316. http://84000.org/tipitaka/atthapali/read_rm.php?B=37&A=6234&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=6234&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=325 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1848 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1840 The Pali Tipitaka in Roman Character :- http://84000.org/tipitaka/read/roman_read.php?B=27&A=1840 Contents of The Tipitaka Volume 27 http://84000.org/tipitaka/read/?index_27