|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
10 Sigalavaggavannana -------- 1 sabbadathajatakam. Sigalo manathaddhoti idam sattha veluvane viharanto devadattam arabbha kathesi. Devadatto ajatasattum pasadetva uppaditalabhasakkaram ciratthitikam katum nasakkhi. Nalagiripayojane patihariyassa ditthakalato patthaya tassa so labhasakkaro antaradhayi. Athekadivasam bhikkhu dhammasabhayam katham samutthapesum avuso devadatto labhasakkaram uppadetva ciratthitikam katum nasakkhiti. Sattha agantva kayanuttha bhikkhave etarahi kathaya sannisinnati pucchitva imaya namati vutte na bhikkhave idaneva devadatto attano uppannam labhasakkaram antaradhapeti, pubbepi antaradhapesi yevati vatva atitam ahari. Atite baranasiyam brahmadatte rajjam karente bodhisatto tassa purohito ahosi tinnam vedanam attharasannam sippanam param gato. So pathavivijayamantam nama janati. Pathavivijayamantoti avajjanamanto vuccati. Athekadivasam bodhisatto tam mantam sajjhayissamiti ekasmim anganatthane pitthipasane nisiditva sajjhayamakasi. Tam kira mantam annavihitena dhitivirahitam sadhetum na sakka.--------------------------------------------------------------------------------------------- page326.
Tasma so tatharupe thane sajjhayati. Athassa sajjhayakaranakale eko sigalo ekasmim bile nipanno tam mantam sutvava pagunamakasi. So kira anantaratite attabhave pagunapathavivijayamanto eko brahmano ahosi. Bodhisatto sajjhayam katva utthaya paguno vata me ayam mantoti aha. Sigalo bila nikkhamitva ambho brahmana ayam manto tayapi mameva pagunataroti vatva palayi. Bodhisatto ayam sigalo mahantam akusalam karissatiti ganha ganhati thokam anubandhi. Sigalo palayitva arannam pavisi. So gantva ekam sigalim thokam sarire damsitva kim samiti vutte mayham janasi na janasiti aha. Sa ama janami samiti sampaticchi. So pathavivijayamantam parivattetva anekani sigalasatani anapetva sabbepi hatthiassasihabyagghasasasukaramigadayo catuppade attano santike akasi, katva ca pana sabbadatho nama raja hutva ekam sigalim aggamahesim akasi. Dvinnam hatthinam pitthe siho titthati, sihapitthe sabbadatho sigalaraja sigaliya aggamahesiya saddhim nisidati, mahanto yaso ahosi. So yasamahantena pamajjitva manam uppadetva baranasirajjam ganhissamiti sabbacatuppadehi parivuto baranasiya aviduratthanam sampapuni. Parisa dvadasayojana ahosi. So avidure thito yeva rajjam va detu yuddham vati ranno sasanam pesesi. Baranasivasino bhitatasita nagaradvarani pidahitva atthamsu. Bodhisatto rajanam upasankamitva--------------------------------------------------------------------------------------------- page327.
Ma bhayi maharaja, sabbadathasigalena saddhim yuddham mama bharo, thapetva mam anno tena saddhim yujjhitum samattho nama natthiti rajananca nagare ca samassasetva kinti katva nu kho sabbadatho rajjam gahessati, pucchissami tava nanti dvarattalakam abhiruhitva samma sabbadatha kinti katva imam rajjam ganhissasiti pucchi. Siham sihanadam nadapetva mahajanam saddena santasetva ganhissamiti. Bodhisatto attheso upayoti natva attalaka oruyha sakaladvadasayojanikabaranasinagaravasino kannachiddani masapitthena lancantuti bherim carapesi. Mahajano bhericaranam sutva antamaso bilare upadaya sabbacatuppadananceva attano ca kannachiddani yatha parassa saddam sotum na sakka evam masapitthena lanci. Atha kho bodhisatto puna attalakam abhiruhitva sabbadathati aha. Kim brahmanati. Imam rajjam kinti katva ganhissasiti. Siham sihanadam nadapetva manusse tasetva jivitakkhayam papetva ganhissamiti. Sihanadam nadapetum na sakkhissasi, jatisampanna hi surattahatthapada kesarasiharajano tadisassa jarasigalassa anam na karissantiti. Sigalo manathaddho hutva anne ca tava siha titthantu, yassaham pitthe nisinno tanneva nadapessamiti aha. Tena hi nadapehi, sace sakkositi. So yasmim sihe nisinno tassa nadahiti padena sannam adasi. So hatthikumbhe mukham uppiletva tikkhattum appativattiyam sihanadam nadi. Hatthi--------------------------------------------------------------------------------------------- page328.
Santasappatta hutva sigalam padamule patetva padenassa sisam akkamitva cunnavicunnam akamsu. Sabbadatho tattheva jivitakkhayam patto. Te hatthi sihanadam sutva maranabhayatajjita annamannam ovijjhitva tattheva jivitakkhayam papunimsu. Thapetva sihe sesapi migasukaradayo sasabilarapariyosana sabbe catuppada tattheva jivitakkhayam papunimsu. Siha palayitva arannam pavisimsu. Dvadasayojaniko mamsarasi ahosi. Bodhisatto attalaka otaritva nagaradvarani vivarapetva sabbe attano kannesu masapittham apanetva mamsatthika mamsam aharantuti nagare bherim carapesi. Manussa allamamsam khaditva sesam sukkhapetva valluramakamsu. Tasmim kira kale vallurakaranam udapaditi vadanti. Sattha imam dhammadesanam aharitva ima abhisambuddhagatha 1- vatva jatakam samodhanesi sigalo manathaddho ca parivarena atthiko papuni mahatim bhumim rajasi sabbadathinam, evameva manussesu yo hoti parivarava so hi tattha maha hoti sigalo viya dathinanti. Tattha manathaddhoti parivaram nissaya uppannena manena thaddho. Parivarena atthikoti uttarimpi parivarena atthiko hutva. Mahatim bhuminti mahantam sampattim. Rajasi sabbadathinanti sabbesam @Footnote: 1 abhisambuddho hutva ima gathatipi.--------------------------------------------------------------------------------------------- page329.
Dathinam raja asi. So hi tattha maha hotiti so parivarasampanno puriso tesu parivaresu maha nama hotiti. Sigalo viya dathinanti yatha sigalo dathinam maha ahosi, evam maha hoti. Atha so sigalo viya pamadam apajjitva tam parivaram nissaya vinasam papunatiti. Tada sigalo devadatto ahosi, raja sariputto, purohito pana ahamevati. Sabbadathajatakam pathamam. ------------The Pali Atthakatha in Roman Book 37 page 325-329. http://84000.org/tipitaka/atthapali/read_rm.php?B=37&A=6411&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=6411&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=332 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1887 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1877 The Pali Tipitaka in Roman Character :- http://84000.org/tipitaka/read/roman_read.php?B=27&A=1877 Contents of The Tipitaka Volume 27 http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]