บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
2 Sunakhajatakam balo vatayam sunakhoti idam sattha jetavane viharanto ambanakotthakesu asanasalaya bhattabhunjanasunakham arabbha kathesi. Tam kira jatakalato patthaya paniyaharaka gahetva tattha posesum. So aparabhage tattha bhattam bhunjanto thulasariro ahosi. Athekadivasam eko gamavasi puriso tam thanam patto sunakham disva paniyaharakanam uttarisatakanca kahapananca datva gaddalena 1- bandhitva tam adaya pakkami. So gahetva niyamano na vassi, dinnam dinnam khadanto pacchato pacchato agamasi. Atha so puriso ayam @Footnote: 1 gaddulenatipi. Idani mam piyayatiti gaddalam 1- moceti. So vissatthamattova ekavegena asanasalameva gato. Bhikkhu tam disva tena katakaranam janitva sayanhasamaye dhammasabhayam katham samutthapesum avuso asanasalayam sunakho bandhanamokkhakusalo vissatthamattova puna agatoti. Sattha agantva kayanuttha bhikkhave etarahi kathaya sannisinnati pucchitva imaya namati vutte na bhikkhave so sunakho idaneva bandhanamokkhakusalo, pubbepi bandhanamokkhakusalo yevati vatva atitam ahari. Atite baranasiyam brahmadatte rajjam karente bodhisatto kasikaratthe ekasmim mahabhogakule nibbattitva vayappatto gharavasam aggahesi. Tada baranasiyam ekassa manussassa sunakho ahosi. So pindabhattam labhanto thulasariro jato. Atheko gamavasi baranasim agato tam sunakham disva tassa manussassa uttarisatakanca kahapananca datva sunakham gahetva cammayottena bandhitva yottakotiyam gahetva gacchanto atavimukhe ekam nalasalam pavisitva sunakham bandhitva phalake nipajjitva niddam okkami. Tasmim kale bodhisatto kenacideva karaniyena atavim patipanno tam sunakham yottena bandhitva thapitam disva pathamam gathamaha balo vatayam sunakho yo varattam na khadati, bandhana ca pamoceyya asitova gharam vajeti. @Footnote: 1 gaddulantipi. Tattha pamoceyyati pamunceyya. Ayameva va patho. Asito va gharam vajeti asito chato 1- suhito hutva attano vasanatthanam gaccheyya. Tam sutva sunakho dutiyam gathamaha atthitam me manasmim me atho me hadaye katam, kalanca patikankhami yava pasupatujjanoti. Tattha atthitam me manasmim meti yam tumhe kathetha, tam maya manasmim adhitthitameva manasmim yeva me etam adhitthitanti. Atho me hadaye katanti atha pana me tumhakampi vacanam hadaye katameva. Kalanca patikankhamiti kalanca patimanemi. Yava pasupatujjanoti yavayam mahajano pasupatu niddam okkamatu, tavaham kalam patimanemi. Itaratha hi ayam sunakho palayatiti attano manoratho 2- uppajjeyya, tasma rattibhage sabbesam suttakale cammayottam khaditva palayissamiti. So evam vatva mahajane niddam okkamante yottam khaditva suhitova palayitva attano samikanam gharameva gato. Sattha imam dhammadesanam aharitva jatakam samodhanesi. Tada sunakho etarahi sunakhova, panditapuriso pana ahamevati. Sunakhajatakam dutiyam. @Footnote: 1 dhatotipi . 2 ravotipi.The Pali Atthakatha in Roman Book 37 page 329-331. http://84000.org/tipitaka/atthapali/read_rm.php?B=37&A=6502&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=6502&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=334 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1895 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1886 The Pali Tipitaka in Roman Character :- http://84000.org/tipitaka/read/roman_read.php?B=27&A=1886 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]