AtthaPali Vol.37

5 Mulapariyayajatakam kalo ghasati bhutaniti idam sattha ukkattham nissaya subhagavane viharanto mulapariyayasuttantam arabbha kathesi. Tada kira pancasata brahmana tinnam vedanam paragu sasane pabbajitva tini pitakani ugganhitva manamadamatta hutva sammasambuddhopi tini pitakani janati, mayampi tani janama, evam sante kim tassa amhehi nanakarananti buddhupatthanam na gacchanti patipakkha hutva caranti. Athekadivasam sattha tesu agantva attano santike sannisinnesu atthahi bhumihi patimanditva mulapariyayasuttam kathesi. Te na kinci sallakkhimsu. Atha nesam etadahosi mayam amhehi sadisa pandita natthiti manam karoma, idani pana na kinci janama, buddhehi sadiso pandito nama natthi, aho buddhaguna namati. Te tato patthaya Nihatamana hutva uddhatadatha viya sappa nibbisevana jata. Sattha ukkatthayam yathabhirantam viharitva vesalim gantva gotamake cetiye gotamakasuttantam kathesi. Dasasahassi lokadhatu kampi. Tam sutva te bhikkhu arahattam papunimsu. Mulapariyayasuttantapariyosane pana satthari ukkatthayam viharante yeva bhikkhu dhammasabhayam katham samutthapesum avuso aho buddhanam anubhavo, te nama brahmana pabbajitva tatha manamadamatta bhagavata mulapariyayadesanaya nihatamana katati. Sattha agantva kayanuttha bhikkhave etarahi kathaya sannisinnati pucchitva imaya namati vutte na bhikkhave idaneva pubbepaham ime evam manapaggahitasire vicarante nihatamane akasim yevati vatva atitam ahari. Atite baranasiyam brahmadatte rajjam karente bodhisatto brahmanakule nibbattitva vayappatto tinnam vedanam paragu disapamokkho acariyo hutva pancamanavakasatanam mante vacesi. Te pancasata nitthitasippa sippesu anuyogam datva yattakam amhe janama, acariyopi tattakameva, viseso natthiti manathaddha hutva acariyassa santikam na gacchanti vattapativattam na karonti. Te ekadivasam acariye badararukkhamule nisinne tam vambhetukama badararukkham nakhena akotetva nissaro cayam rukkhoti ahamsu. Bodhisatto attano vambhanabhavam natva antevasika ekam vo panham pucchissamiti aha. Te hatthapahatthava vadetha, Kathessamati. Acariyo panham pucchanto pathamam gathamaha kalo ghasati bhutani sabbaneva sahattana, yo ca kalaghaso bhuto sa bhutapacanim paciti. Tattha kaloti purebhattakalopi pacchabhattakalopiti evamadi. Bhutaniti sattadhivacanametam. Na kalo bhutanam cammamamsadini luncitva khadati, api ca kho nesam ayuvannabalani khepento yobbanam maddanto arogyam vinasento ghasati khadatiti vuccati. Evam ghasanto ca na kinci vajjento sabbaneva ghasati. Na kevalanca bhutaneva api ca kho sahattana attanampi ghasati, purebhattakalo pacchabhattakalam na papunati. Esa nayo pacchabhattakaladisu. Yo ca kalaghaso bhutoti khinasavassetam adhivacanam. So hi ariyamaggena ayatim patisandhikalam khepetva khaditva thitatta kalaghasoti vuccati. Sa bhutapacanim paciti yayam tanha apayesu bhute pacati tam nanaggina paci dahi bhasmamakasi. Tena bhutapacanim paciti vuccati. Pajanintipi patho. Janitam nibbattitanti attho. Imam panham sutva manavesu ekopi janitum samattho nahosi. Atha ne bodhisatto ma kho tumhe ayam panho tisu vedesu atthiti sannam akarittha, tumhe yamaham janami, tam sabbam janamati mannamana mam badararukkhasadisam karotha, mama tumhehi annatassa bahuno pajananabhavam na janatha, gacchatha, sattame divase kalam Dammi, ettakena kalena imam panham cintethati. Te bodhisattam vanditva attano attano vasanatthanam gantva sattaham cintetvapi panhassa neva antam na kotim passimsu. Te sattame divase acariyassa santikam agantva vanditva nisiditva kim bhaddamukha janatha panhanti vutte na janamati vadimsu. Puna bodhisatto te garahamano dutiyam gathamaha bahuni narasisani lomasani brahani ca givasu patimukkani kocidevettha kannavati. Tassattho bahuni naranam sisani dissanti, sabbani ca tani lomasani, sabbani mahantani, givasu yeva thapitani, na talaphalam viya hatthena gahitani, natthi tesam imehi dhammehi nanakaranam. Ettha pana kocideva kannavati attanam sandhayaha. Kannavati pannava. Kannachiddam pana na kassaci natthi. Iti te manavake kannachiddamattameva tumhakam balanam atthi, na pannati garahitva panham vissajjesi. Te sutva aho acariya nama mahantati khamapetva nihatamana bodhisattam upatthahimsu. Sattha imam dhammadesanam aharitva jatakam samodhanesi. Tada pancasata manavaka ime bhikkhu ahesum, acariyo pana ahamevati. Mulapariyayajatakam pancamam. ---------

The Pali Atthakatha in Roman Book 37 page 345-348. http://84000.org/tipitaka/atthapali/read_rm.php?B=37&A=6827&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=6827&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=340 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1920 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1907 The Pali Tipitaka in Roman Character :- http://84000.org/tipitaka/read/roman_read.php?B=27&A=1907 Contents of The Tipitaka Volume 27 http://84000.org/tipitaka/read/?index_27