บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
7 Padanjalijatakam addha padanjali sabbeti idam sattha jetavane viharanto loludayittheram 1- arabbha kathesi. Ekasmim divase dve mahasavaka panham vinicchinanti. Bhikkhu panham sunanta there pasamsanti. Loludayitthero parisantare nisinno ete amhehi samam kim janantiti ottham bhanji. Tam disva thera utthayasana pakkamimsu. Parisa bhijji. Dhammasabhayam bhikkhu katham samutthapesum avuso loludayi dve aggasavake garahitva ottham bhanjatiti. Sattha na bhikkhave idaneva pubbepi loludayi thapetva otthabhanjanam tato uttarim annam na janatiti vatva atitam ahari. Atite baranasiyam brahmadatte rajjam karente bodhisatto tassa atthadhammanusasako amacco ahosi. Ranno pana padanjali nama putto lolo 2- dandhaparisakkano ahosi. Aparabhage raja kalamakasi. Amacca ranno matakiccani katva tam rajje abhisincissamati mantayamana rajaputtam padanjalinti 3- ahamsu. Bodhisatto pana ayam kumaro lolo dandhaparisakkano, pariggahitva nam abhisincissamati aha. Amacca vinicchayam sajjetva kumaram samipe nisidapetva attam vinicchinanta na samma vinicchinimsu. Te assamikam samikam katva kumaram pucchimsu kidisam kumara sutthu @Footnote: 1 lalu...itipi. pa . 2 lalotipi. pa . 3 padanjalikantipi. Vinicchinimhati. So ottham bhanji. Bodhisatto pandito manne kumaro, asammavinicchitabhavo tena nato bhavissatiti mannamano pathamam gathamaha addha padanjali sabbe pannaya atirocati, tatha hi ottham bhanjati uttarim nuna passatiti. Tassattho ekamsena padanjali kumaro sabbe amhe pannaya atirocati. Tatha hi ottham bhanjati nuna uttarim annam karanam passatiti. Te aparasmim divase vinicchayam sajjetva annam attam sutthu vinicchinitva kidisam te deva sutthu vinicchitanti pucchimsu. So punapi otthameva bhanji. Athassa andhabalabhavam natva bodhisatto dutiyam gathamaha nayam dhammam adhammam va atthanatthanca bujjhati, annatra otthanibbhoga nayam janati kincananti. Amacca padanjalikumarassa lolabhavam natva bodhisattam rajje abhisincimsu. Sattha imam dhammadesanam aharitva jatakam samodhanesi. Tada padanjali loludayi ahosi, panditamacco pana ahamevati. Padanjalijatakam sattamam. ----------The Pali Atthakatha in Roman Book 37 page 351-352. http://84000.org/tipitaka/atthapali/read_rm.php?B=37&A=6941&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=6941&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=344 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1934 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1921 The Pali Tipitaka in Roman Character :- http://84000.org/tipitaka/read/roman_read.php?B=27&A=1921 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]