AtthaPali Vol.37

9 Morajatakam udetayancakkhuma ekarajati idam sattha jetavane viharanto ukkanthitabhikkhum arabbha kathesi. So pana bhikkhuhi satthu santikam nito saccam kira tvam bhikkhu ukkanthitoti vutte saccam bhanteti vatva kim disvati vutte ekam alankatapatiyattasariram matugamam oloketvati aha. Atha nam sattha bhikkhu matugamo nama kasma tumhadisanam cittam nalulessati, poranakapanditanampi hi matugamasaddam sutva satta vassasatani asamudacinnakilesa okasam labhitva khaneneva samudacarimsu, visuddhapi satta sankilissanti uttamayasasamanginopi anayabyasanam ^1- papunanti, pageva aparisuddhati vatva atitam ahari. Atite baranasiyam brahmadatte rajjam karente bodhisatto morayoniyam patisandhim gahetva andakalepi kanikaramakulavannaandakoso hutva andam bhinditva nikkhanto suvannavanno ahosi dassaniyo pasadiko pakkhanam antare surattarajihi virajito. So attano jivitam anurakkhanto tisso pabbatarajiyo atikkamma catutthaya pabbatarajiya ekasmim dandakahirannapabbatatale vasam kappeti. So pabhataya rattiya pabbatamatthake nisinnova suriyam uggacchantam oloketva attano gocarabhumiyam rakkhavaranatthaya @Footnote: ¹ ayasakyantipi. Brahmamantam bandhanto udetayanti adimaha udetayancakkhuma ekaraja harissavanno pathavippabhaso, tam tam namassami harissavannam pathavippabhasam, tayajja gutta viharemu divasanti. Tattha udetiti pacinalokadhatuto uggacchati. Cakkhumati sakalacakkavalavasinam andhakaram vadhitva cakkhupatilabhakaranena yantena tesam dinnam cakkhu tena cakkhuma. Ekarajati sakalacakkavale alokakaranam antare setthavisitthatthena ekaraja. Harissavannoti harissamanavanno suvannavannoti attho. Pathavippabhasoti pathaviobhaso. Tam tam namassamiti tasma tam evarupam bhavantam namassami vandami. Tayajja gutta viharemu divasanti taya ajja rakkhitagopita hutva imam divasam catuiriyapathaviharena sukham vihareyyama. Evam bodhisatto imaya gathaya suriyam namassitva dutiyagathaya atite parinibbute buddhe ceva buddhagune ca namassati ye brahmana vedagu sabbadhamme te me namo te ca mam palayantu, namatthu buddhanam, namatthu bodhiya, namo vimuttanam, namo vimuttiya, imam so parittam katva moro carati esanati. Tattha ye brahmanati ye bahitapapa visuddhibrahmana. Vedaguti vedanam param gatati vedagu. Vedehi param gatatipi vedagu. Idha pana sabbe sankhatasankhate dhamme vidite pakate katva gata tinnam maranam matthakam bhinditva dasasahassilokadhatum unnadetva bodhitale sammasambodhim patva samsaraparam atikkantati attho. Te me namoti te mama imam namakaram paticchantu. Te ca mam palayantuti evam maya namassita ca te bhagavanto mam palayantu rakkhantu gopentu. Namatthu buddhanam, namatthu bodhiya, namo vimuttanam, namo vimuttiyati ayam mama namakaro atitanam parinibbutanam buddhanam atthu. Tesanneva catusu maggesu catusu phalesu nanasankhataya bodhiya atthu. Tatha tesanneva arahattaphalavimuttiya vimuttanam atthu. Ya ca nesam tadangavimutti vikkhambhanavimutti samucchedavimutti patipassaddhivimutti nissaranavimuttiti pancavidha vimutti, tassa nesam pancavimuttiyapi ayam mayham namakaro atthuti. Imam so parittam katva moro carati esanati idam pana padadvayam sattha abhisambuddho hutva aha. Tassattho bhikkhave so moro imam parittam imam rakkham katva attano gocarabhumiyam pupphaphaladinam atthaya nanappakaraya esanaya carati. Evam divasam caritva sayam pabbatamatthake nisiditva atthamgacchantam suriyam oloketva buddhagune avajjetva nivasanatthane rakkhavaranatthaya puna brahmamantam bandhanto apetayanti adimaha Apetayancakkhuma ekaraja harissavanno pathavippabhaso, tam tam namassami harissavannam pathavippabhasam, tayajja gutta viharemu rattim, ye brahmana vedagu sabbadhamme te me namo te ca mam palayantu, namatthu buddhanam, namatthu bodhiya, namo vimuttanam, namo vimuttiya, imam so parittam katva moro vasamakappayiti. Tattha apetiti apayati atthamgacchati. Imam so parittam katva moro vasamakappayiti idampi abhisambuddho hutva aha. Tassattho bhikkhave so moro imam parittam imam rakkham katva nivasanatthane vasam kappayittha, tassa rattim va diva va imassa parittassanubhavena neva bhayam na lomahamso ahosi. Atheko baranasiya avidure nesadagamavasi nesado himavantappadese vicaranto tasmim dandakahirannapabbatamatthake nisinnam bodhisattam disva agantva puttassa arocesi. Athekadivasam khema nama baranasiranno devi supinena suvannavannam moram dhammam desentam disva pabujjhitakale ranno arocesi aham deva suvannavannassa morassa dhammam sotukamati. Raja amacce pucchi. Amacca brahmana janissantiti ahamsu. Brahmana Sutva suvannavanna mora hontiti vatva kattha hontiti vutte nesada janissantiti ahamsu. Raja nesade sannipatapetva pucchi. Atha so nesadaputto ama maharaja dandakahirannapabbato nama atthi, tattha suvannavanno, moro vasatiti. Tena hi tam moram amaretva bandhitva va anehiti. Nesado gantva tassa gocarabhumiyam pasam oddesi. Morena akkantatthanepi paso na sancarati. Nesado tam ganhitum asakkonto satta vassani vicaritva tattheva kalamakasi. Devipi khema patthanam alabhamana kalamakasi. Raja moram nissaya devi kalamakasiti kujjhitva himavantappadese dandakahirannapabbato nama atthi, tattha suvannavanno moro vasati, ye tassa mamsam khadanti te ajara amara dighayuka hontiti suvannapatte akkharam likhapetva suvannapattam suvannamanjusaya nikkhipapesi. Tasmim kalakate anno raja rajjam patva suvannapatatam vacetva ajaro amaro bhavissamiti annam nesadam pesesi. Sopi tattha gantva bodhisattam gahetum asakkonto tattheva kalamakasi. Eteneva niyamena cha rajaparivatta gata. Atha sattamo raja rajjam patva ekam nesadam pahini. So gantva bodhisattena akkantatthanepi pasassa asancaranabhavam attano parittam katva gocarabhumigamanabhavancassa natva paccantam otaritva ekam morim gahetva yatha hatthatalasaddena naccati accharasaddena ca vassati, evam susikkhitam sikkhapetva Tam adaya gantva morena paritte akate pato yeva pasayatthiyo ropetva pasam oddetva morim vassapesi. Moro visabhagamatugamasaddam sutva kilesaturo hutva parittam katum asakkunitva vegena gantva pase bajjhi. Atha nam nesado gahetva gantva baranasiranno adasi. Raja tassa rupasampattim disva tutthamanaso asanam dapesi. Bodhisatto pannattasane nisiditva maharaja kasma mam ganhapesiti pucchi. Ye kira tava mamsam khadanti te ajara amara honti, tasmaham tava mamsam khaditva ajaro amaro hotukamo tam gahapesinti. Maharaja mama tava mamsam khadanta ajaramara honti, aham pana marissamiti. Ama marissasiti. Maharaja mayi marante mama mamsameva khaditva kinti katva na marissantiti. Tvam suvannavanno tasma kira tava mamsani khaditva ajaramara bhavissantiti. Maharaja aham na akarana suvannavanno jato, pubbe panaham imasmim yeva nagare cakkavattiraja hutva sayampi pancasilani rakkhim, sakalacakkavalavasinopi rakkhapesim, svaham kalam katva tavatimsabhavane nibbatto, tattha yavatayukam thatva tato cuto annassekassa akusalassa nissandena morayoniyam nibbattitva poranakapancasilanubhavena suvannavanno `jatoti. Tvam cakkavattiraja hutva silam rakkhitva silaphalena suvannavanno jatoti kathesi kathamidam amhehi saddhatabbam, atthi koci sakkhiti. Atthi maharajati. Ko namati. Maharaja aham cakkavattikale sattaratanamaye rathe nisiditva akase vicarim, so me ratho mangalapokkharaniya antobhumiyam nidahapito, tam mangalapokkharanito ukkhipapehi, so me sakkhi bhavissatiti. Raja sadhuti patisunitva pokkharanito udakam niharapetva ratham niharapetva bodhisattassa vacanam saddahi. Bodhisatto maharaja thapetva amatamahanibbanam avasesa sabbe sankhatadhamma hutva abhavato ^1- anicca khayavayadhamma yevati ranno dhammam desetva rajanam pancasu silesu patitthapesi. Rajapi pasanno bodhisattam rajjena pujetva mahantam sakkaram akasi. So rajjam tasseva patidatva katipaham vasitva appamatto hohi maharajati ovaditva akase uppatitva dandakahirannapabbatameva agamasi. Rajapi bodhisattassa ovade thito danadini punnani katva yathakammam gato. Sattha imam dhammadesanam aharitva saccani pakasetva jatakam samodhanesi. Saccapariyosane ukkanthitabhikkhu arahatte patitthahi. Tada raja anando ahosi, suvannamoro pana ahamevati. Morajatakam navamam. @Footnote: ¹ abhavinotipi

The Pali Atthakatha in Roman Book 37 page 42-48. http://84000.org/tipitaka/atthapali/read_rm.php?B=37&A=844&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=844&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=167 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1086 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1070 The Pali Tipitaka in Roman Character :- http://84000.org/tipitaka/read/roman_read.php?B=27&A=1070 Contents of The Tipitaka Volume 27 http://84000.org/tipitaka/read/?index_27