AtthaPali Vol.38

culladhanuggahajatakam sabbam bhandanti idam sattha jetavane viharanto puranadutiyikaya palobhanam (bhikkhum) arabbha kathesi. Kena bhikkhu ukkanthapitoti vutte puranadutiyikaya bhanteti vutte sattha esa bhikkhu itthi na idaneva tuyham anatthakarika pubbepi te etam nissaya asina sisam chinnanti vatva bhikkhuhi yacito atitam ahari. Atite baranasiyam brahmadatte rajjam karente bodhisatto sakko ahosi. Tada eko baranasivasi brahmanamanavo takkasilayam sabbasippani ugganhitva dhanukamme nipphattim patto culladhanuggahapandito nama ahosi. Athassa acariyo ayam maya Sadisam sippam ugganhiti attano dhitaram adasi. So tam gahetva baranasim gamissamiti maggam patipajji. Antaramagge eko varano ekam padesam sunnamakasi. Tam thanam abhiruyhitum na koci ussahati. Culladhanuggahapandito manussanam varentananneva bhariyam gahetva atavimukham abhiruyhi. Athassa atavimajjhe varano utthahi. So tam kumbhe sarena vijjhi. Saro vinivijjhitva pacchabhagena nikkhami. Varano tattheva pati. Dhanuggahapandito tam thanam khemam katva purato annam atavim papuni. Tatthapi pannasa cora maggam hananti. Tampi so manussehi variyamano abhiruyhi. Tesam coranam mige vadhitva maggasamipe mamsam pacitva khadantanam thitatthanam papuni. Tada tam cora alankatapatiyattaya bhariyaya saddhim agacchantam disva ganhissama nanti ussaham karimsu. Corajetthako purisalakkhanakusalo. So tam oloketvava uttamapuriso ayanti natva ekassapi utthahitum nadasi. Dhanuggahapandito gaccha amhakampekam mamsasulam dethati vatva mamsam aharati tesam santikam bhariyam pesesi. Sa gantva ekam kira mamsasulam dethati aha. Corajetthako anaggho purisoti mamsasulam dapesi. Cora amhehi kira pakkam khaditanti apakkamamsasulam adamsu. Dhanuggaho attanam sambhavetva mayham apakkamamsam dadantiti coranam kujjhi. Cora kim ayameva eko puriso mayam itthiyoti kujjhitva utthahimsu. Dhanuggaho ekunapannasa jane Ekunapannasakandehi vijjhitva patesi. Corajetthakam vijjhitum kandam nahosi. Tattha ^1- kira kandanaliyam samapannasameva kandani. Tesu ekena varanam vijjhi. Ekunapannasakandehi core vijjhitva corajetthakam patetva tassa ure nisinno sisamassa chindissamiti bhariyaya hatthato asim aharapesi. Sa tamkhanamyeva corajetthakalobham katva corassa hatthe tanum ^2- samikassa hatthe talam ^3- thapesi. Coro tanudandam paramasitva asim niharitva dhanuggahassa sisam chindi. So tam ghatetva itthim adaya gacchanto jatigottam pucchi. Sa takkasilayam disapamokkhassa acariyassa dhitamhiti aha. Kena tvam imina laddhati. Mayham pita ayam maya sadisam katva sippam sikkhatiti tusitva mampi imassa adasi saham tayi sineham katva attano kuladattiyam samikam marapesinti. Corajetthako kuladattiyam tavesa samikam marapesi annam panekam disva mampi evameva karissati imam chaddetum vattatiti cintetva gacchanto antaramagge ekam kunnadim uttanatalam tamkhanagatam puram ^4- disva bhadde imissa nadiya sumsumara kakkhala kim karomati aha. Sami tvam abharanabhandam mama uttarasangena bhandikam katva paratiram netva puna agantva mam gahetva gacchati. So sadhuti sabbam abharanabhandam adaya nadim otaritva taranto viya paratiram patva tam chaddetva payasi. Sa tam disva sami kim mam @Footnote: ¹ tassa. ² tharum. ³ thalam. ⁴ tamkhanodakapuram. Chaddetva viya gacchasi kasma evam karosi ehi mampi adaya gacchati tena saddhim sallapanti pathamam gathamaha sabbam bhandam samadaya param tinnosi brahmana paccha gaccha lahum khippam mampi tarehi dani bhoti ^1-. Tattha lahum khippanti lahum paccha gaccha khippam mampi tarehi idani bhoti attho. Coro tam sutva paratire thitoyeva dutiyam gathamaha asanthutam mam cirasanthutena nimisi bhoti adhuvam dhuvena mayapi bhoti nimineyya annam ito aham durataram gamissanti. Sa hettha vuttatthayeva. Coro pana itopi aham durataram gamissam tittha tvanti vatva tassa viravantiyava abharanabhandam adaya palayi. Tato sa bala atricchataya evarupam byasanam patta anatha hutva avidure ekam elaganigumbam ^2- upasankamitva rodamana nisidi. Tasmim khane sakko lokam volokento tam atricchatahatam samika ca cora ca parihinam rodamanam disva etam nigganhitva lajjapetva agamissamiti matalinca pancasikhanca adaya tattha @Footnote: ¹ tarehi danito. ² elagalagumbam. Agantva naditire thatva matali tvam maccho bhava pancasikha tvam sakuno bhava aham pana sigalo hutva mukhena mamsapindam gahetva etissa sammukhatthanam gamissami tvam mayi tattha gate udakato ullanghitva mama purato pata athaham mukhena gahitamamsapindam chaddetva maccham gahetum pakkhandissami tasmim khane tvam pancasikha tam mamsapindam gahetva akase uppati tvam matali udake patati anapesi. Sadhu devati. Matali maccho ahosi. Pancasikho sakuno ahosi. Sakko sigalo hutva mamsapindam mukhenadaya tassa sammukhatthanam agamasi. Maccho udaka uppatitva sigalassa purato pati. So mukhena gahitam mamsapindam chaddetva macchassatthaya pakkhandi. Maccho uppatitva udake pati. Sakuno mamsapindam gahetva akase uppati. Sigalo ubhopi alabhitva elaganigumbam olokento dummukho nisidi. Sa tam disva ayam atricchatahato neva mamsam na maccham labhatiti kutam bhindanti viya mahahasitam hasi. Tam sutva sigalo tatiyam gathamaha kayam elaganigumbe karoti ahuhasiyam nayidha naccam va gitam va talam va susamahitam anamhikale sussoni kinnu jagghasi sobhaneti. Tattha kayanti ka ayam. Elaganigumbeti gumbopagumbe ^1-. Ahuhasiyanti dantavidamsakam mahahasitam vuccati. Tam ka esa @Footnote: ¹ gumbojigumbe. Etasmim gumbe karotiti pucchati. Nayidha naccam vati imasmim thane kassaci naccantassa naccam va gayantassa gitam va hatthe susamahite katva vadentassa susamahitam hatthatalam va natthi yam disva tvam haseyyasiti dipeti. Anamhikaleti rodanakale. Sussoniti sundarasoni. Kinnu jagghasiti kena nu karanena tvam roditum yuttakale arodamanava mahahasitam hasi. Sobhaneti tam pasamsanto alapati. Tam sutva sa catuttham gathamaha sigala bala dummedha appapannosi jambuka jinno macchanca pesinca kapano viya jhayasiti. Tattha jinnoti janippatto hutva. Pesincati mamsapesim. Kapano viya jhayasiti sahassabhandikam parajito kapano viya jhayasi socasi cintesi. Tato sigalo pancamam gathamaha sudassam vajjamannesam attano pana duddasam jinna patinca jaranca mampi tvanneva jhayasiti. Tattha mampi tvanneva jhayasiti papadhamme dussile aham tava mama gocaram na labhissami tvam pana atricchataya hata tam muhuttaditthake core patibaddhacitta hutva tanca jaram kuladattikanca patim jinna mam upadaya satagunena sahassagunena kapanatara hutva jhayasi rodasi paridevasiti lajjapetva vippakaram papento Mahasatto evamaha. Sa tassa vacanam sutva gathamaha evametam migaraja yatha bhasasi jambuka sa nunaham ito gantva bhattu hessam vasanugati. Tattha nunati ekamsatthe nipato. Sa aham ito gantva puna annam bhattaram labhitva ekamseneva tassa vasanuga vasavattini bhavissamiti. Athassa anacaraya dussilaya katham sutva sakko devaraja osanagathamaha yo hare mattikam thalam kamsathalampi so hare katamyeva taya papam punapevam karissasiti. Tassattho anacare kim kathesi yo mattikam thalam harati suvannathalarajatathaladibhedam kamsathalampi so harateva idanca taya papam katameva na sakka tava suddhatum ^1- sa tvam punapi evam karissasiyevati. Evam so tam lajjapetva vippakaram papetva sakatthanameva agamasi. Sattha imam dhammadesanam aharitva saccani pakasetva jatakam samodhanesi. Saccapariyosane ukkanthitabhikkhu sotapattiphale patitthahi. Tada dhanuggaho ukkanthitabhikkhu ahosi sa itthi @Footnote: ¹ sandharetum. Puranadutiyika sakko devaraja pana ahamevati. Culladhanuggahajatakam catuttham ------------

The Pali Atthakatha in Roman Book 38 page 506-513. http://84000.org/tipitaka/atthapali/read_rm.php?B=38&A=10513&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=10513&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=818 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3777 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3727 The Pali Tipitaka in Roman Character :- http://84000.org/tipitaka/read/roman_read.php?B=27&A=3727 Contents of The Tipitaka Volume 27 http://84000.org/tipitaka/read/?index_27