AtthaPali Vol.38

tiritivacchajatakam nayimassa vijjati idam sattha jetavane viharanto ayasmato anandassa kosalaranno matugamanam hatthato pancasatani ranno hatthato pancasataniti dussasahassapatilabhavatthum arabbha kathesi. Vatthu hettha dukanipate sigalajatake vittharitameva. Atitam ahari. Atite baranasiyam brahmadatte rajjam karente bodhisatto kasikaratthe brahmanakule nibbattitva namaggahanadivase tiritivacchakumaroti katanamo ahosi. So anupubbena vayappatto takkasilayam sabbasippani ugganhitva agaram ajjhavasanto matapitunam kalakiriyaya samviggamanaso hutva nikkhamitva isipabbajjam pabbajitva arannayatane vanamulaphalaharo hutva vasam kappesi. Tasmim tattha vasante baranasiranno paccanto kuppito. So tattha gantva yuddhe parajito maranabhayabhito hatthikkhandhavaragatova ekena passena palayitva aranne vicaranto pubbanhasamayeyeva tiritivacchassa phalaphalatthaya gatakale tassa assamapadam pavisi. So tapasanam vasanatthananti hatthikkhandhato otaritva vatatapena kilanto pipasito paniyaghatam olokento katthaci adisva Cankamanakotiyam udapanam addasa. Udakam ussincanatthaya pana rajjum ghatakanca pariyesanto adisva pipasam sahitum asakkonto hatthissa kucchiyam bandhanayottam gahetva hatthim udapanavate thapetva tassa pade yottam bandhitva yottena udapanam otaritva yotte apapunante puna uttaritva uttarisatakam yottakotiya ghatetva puna otari. Tathapi nappahotiyeva. So aggapadehi udakam phusitva atipipasitova pipasam avinodetva maranampi sumarananti cintetva udapane patitva yavadattham pivitva paccuttaritum asakkonto tattheva atthasi. Hatthipi susikkhitatta annattha agantva rajanam olokento tattheva atthasi. Bodhisatto sayanhasamaye phalaphalani aharitva hatthim disva raja agato bhavissati dhammikahatthiyeva ^1- pannayati kinnukho karananti (so) hatthisamipam upasankami. Hatthipi tassa upasankamanabhavam natva ekamantam atthasi. Bodhisatto udapanavatam gantva rajanam disva ma bhayi maharajati samassasetva nissenim bandhitva rajanam uttaretva kayamassa sambahitva telena makkhetva nhapetva phalaphalani khadapetva hatthissa sannaham mocesi. Raja dviham tiham vissametva bodhisattassa attano santikam agamanatthaya patinnam gahetva pakkami. Rajabalanikayo nagarassa avidure khandhavaram bandhitva thito rajanam agacchantam disva parivaresi. Raja @Footnote: ¹ vammitahatthiyeva. Nagaram pavisi. Bodhisattopi kho addhamasaccayena baranasim gantava uyyane vasitva punadivase bhikkham caramano rajadvaram gato. Raja mahavatapanam ugghatetva rajanganam olokayamano bodhisattam disva sanjanitva pasada oruyha vanditva mahatalam aropetva samussitasetacchatte rajapallanke nisidapetva attano patiyaditam aharam bhojetva sayampi bhunjitva uyyanam netva tatthassa cankamanadiparivaram vasanatthanam karetva sabbe pabbajitaparikkhare datva uyyanapalam paticchapetva vanditva pakkami. Tato patthaya bodhisatto rajanivesaneyeva paribhunjati mahasakkarasammano ahosi. Tam asahamana amacca evarupam sakkaram ekopi yodho labhamano kim nama kareyyati vatva uparajanam upasankamitva vanditva deva amhakam raja ekam tapasam ativiya mamayati kim nama tena tasmim dittham tumhepi tava ranna saddhim mantethati. So sadhuti sampaticchitva amaccehi saddhim rajanam upasankamitva vanditva pathamam gathamaha nayimassa vijjamayamatthi kinci na bandhavo no pana te sahayo atha kena vannena tiritivaccho tedandiko bhunjati aggapindanti. Tattha nayimassa vijjamayamatthi kinciti imassa tapasassa vijjamayam kinci kammam natthi. Na bandhavoti Puttabandhavasippabandhavagottabandhavanatibandhavesu annataropi na hoti. No pana te sahayoti sahapamsukilito sahayakopi (no) te na hoti. Kena vannenati kena karanena. Tiritivacchoti tassa namam. Tedandikoti kundikatthapanatthaya tidandam gahetva caranto. Aggapindanti rasasampannam rajaraham aggabhojanam bhunjati. Tam sutva raja puttam amantetva tata mama paccantam gantva yuddhaparajitassa dviham tiham anagatabhavam sarasiti vatva sarami bhaddanteti vutte tada maya imam nissaya jivitam laddhanti sabbam pavuttim acikkhitva tata mama jivitadayake mama santikam agate rajjam dadantopi aham neva etena katagunanurupam katum sakkomiti vatva itara dve gatha avoca apasu me yuddhaparajitassa ekassa katva vivanasmi ghore pasarayi kicchagatassa panim tenuddhatarim dukhasampareto etassa kicchena idhanupatto veyyasino ^1- visayajivaloke labharaho tata tiritivaccho dethassa bhogam yajitanca yannanti. Tattha apasuti apadasu. Ekassati adutiyassa. Katvati @Footnote: ¹ vesayino. Anukampam karitva pemam uppadetva. Vivanasmiti paniyarahite aranne. Ghoreti darune. Pasarayi kicchagatassa paninti nissenim bandhitva kupam otaritva dukkhitassa mayham uttaranatthaya viriyapatisamyuttam hattham pasaresi. Tenuddhatarim dukhasamparetoti tena karanenamhi dukkhaparitopi tamha kupa uttinno. Etassa kicchena idhanupattoti aham etassa tapasassa kicchena etena katassa kicchassanubhavena idhanuppatto. Veyyasino visayati veyyasi vuccati yamo tassa visayo. Jivaloketi manussaloke. Aham hi imasmim jivaloke thitova yamavisayam maccuvisayam paralokam gato nama ahosim somhi etassa karana tato puna idhagatoti vuttam hoti. Labharahoti labhassa araho catupaccayalabhassa anucchaviko. Dethassa bhoganti etena paribhunjitabbam catupaccayasamanaparikkharasankhatam bhogam etassa detha. Yajitanca yannanti tvanca amacca ca nagara cati sabbepi tumhe etassa bhoganca detha yannanca yajatha. Tassa hi diyyamano deyyadhammo tena bhunjitabbatta bhogo hoti itaresam danayannatta yannam. Tenaha dethassa bhogam yajitanca yannanti. Evam ranna gaganatale candam utthapentena viya bodhisattassa gune pakasite tassa guno sabbatthakameva pakato jato. Atirekataro cassa labhasakkaro udapadi. Tato patthaya uparaja va amacca va anno va koci kinci rajanam vattum na visahi. Raja bodhisattassa ovade thatva danadini punnani katva saggapuram puresi. Bodhisattopi abhinna ca samapattiyo ca uppadetva brahmalokaparayano ahosi. Sattha poranakapanditapi upakaravasena karimsuti imam dhammadesanam aharitva jatakam samodhanesi tada raja anando ahosi tapaso pana ahamevati. Tiritivacchajatakam navamam --------

The Pali Atthakatha in Roman Book 38 page 52-57. http://84000.org/tipitaka/atthapali/read_rm.php?B=38&A=1073&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=1073&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=376 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2075 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2061 The Pali Tipitaka in Roman Character :- http://84000.org/tipitaka/read/roman_read.php?B=27&A=2061 Contents of The Tipitaka Volume 27 http://84000.org/tipitaka/read/?index_27