บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Padumavaggavannana ------ padumajatakam yatha kesa ca massu cati idam sattha jetavane viharanto anandabodhimhi malapujakarake bhikkhu arabbha kathesi. Vatthu kalingabodhijatake avibhavissati. So pana anandattherena ropitatta anandabodhi nama jato. Therena hi jetavanadvarakotthake bodhino ropitabhavo sakalajambudipam patthari. Athekacce janapadavasino bhikkhu anandabodhimhi malapujam karissamati jetavanam gantva sattharam vanditva punadivase savatthiyam pavisitva uppalavithim gantva malam alabhitva agantva anandattherassa arocesum avuso mayam bodhimhi malapujam karissamati uppalavithim gantva ekam malampi na labhimhati. Thero aham vo avuso aharissamiti uppalavithim gantva bahu niluppalakalape ukkhipapetva agamma tesam pesesi. Te tani gahetva bodhimhi pujam karimsu. Tam pavuttim natva dhammasabhayam bhikkhu therassa gunakatham samutthapesum avuso janapada bhikkhu appapunna uppalavithim gantva malam na labhimsu thero pana gantvava aharapesiti. Sattha agantva kayanuttha bhikkhave etarahi kathaya sannisinnati pucchitva imaya namati vutte na bhikkhave idaneva vuttaccheka kathakusala malam labhanti pubbepi pandita labhimsuyevati vatva atitam ahari. Atite baranasiyam brahmadatte rajjam karente bodhisatto setthiputto ahosi. Antonagare ca ekasmim sare padumani pupphanti. Eko chinnanaso puriso tam saram rakkhati. Athekadivasam baranasiyam ussave sanghutthe malam pilandhitva ussavam kilitukama tayo setthiputta nasacchinnassa abhutena gune vannetva malam yacissamati tassa padumani bhanjanakale sarassa santikam gantva ekamantam atthamsu. Tesu eko tam amantetva pathamam gathamaha yatha kesa ca massu ca chinnam chinnam viruhati evam ruhatu te nasa padumam dehi yacitoti. So tassa kujjhitva padumam na adasi. Athassa dutiyo dutiyam gathamaha yatha saradikam vijam khette vuttam viruhati evam ruhatu te nasa padumam dehi yacitoti. Tattha saradikanti saradasamaye gahetva nikkhittam sarasampannam vijam. So tassapi kujjhitva padumam na adasi. Athassa tatiyo tatiyam gathamaha ubhopi vilapantete api padmani dassati vajjum va te na va vajjum natthi nasaya ruhana dehi samma padumani padma me dehi yacitoti. Tattha ubhopi vilapanteteti ete dvepi musa vadanti. Api padmaniti api nama no padumani dassatiti cintetva evam Vadanti. Vajjum va te na va vajjunti tava nasa ruhatuti evam ete vadeyyum va na va vadeyyum etesam vacanam nama appamanam sabbathapi natthi nasaya ruhana aham pana te nasam paticca na kinci vadami kevalam yacami tassa me dehi samma padumani yacitoti. Tam sutva padumagopako imehi dvihi musavado kato tumhehi sabhavo kathito tumhakam anucchavikani padumaniti mahantam padumakalapam adaya tassa datva attano padumasarameva gato. Sattha imam dhammadesanam aharitva jatakam samodhanesi tada padumalabhi setthiputto ahameva ahositi. Padumajatakam pathamam --------The Pali Atthakatha in Roman Book 38 page 60-62. http://84000.org/tipitaka/atthapali/read_rm.php?B=38&A=1237&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=1237&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=382 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2112 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2097 The Pali Tipitaka in Roman Character :- http://84000.org/tipitaka/read/roman_read.php?B=27&A=2097 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]