AtthaPali Vol.38

cullapalobhajatakam abhijjamane varisminti idam sattha jetavane viharanto ekam ukkanthitabhikkhumeva arabbha kathesi. Tam hi sattha dhammasabhayam anitam saccam kira tvam bhikkhu ukkanthitositi pucchitva saccanti vutte bhikkhu itthiyo nameta na idaneva puranake suddhasattepi sankilessantiti vatva tehi yacito atitam ahari atite baranasiyam brahmadatto raja pana aputtako hutva attano itthiyo puttapatthanam karothati aha. Ta putte patthenti. Evam addhane gate bodhisatto brahmaloka cavitva aggamahesiya kucchimhi nibbatti. Tam jatamattam nhapetva thannam payanatthaya dhatiya adamsu. Dhatihi so payamano rodati. Atha nam annissa adamsu. Matugamahatthe neva tunhi hoti. Atha nam ekassa padamulikassa adamsu. Tena gahitamattoyeva tunhi

--------------------------------------------------------------------------------------------- page69.

Ahosi. Athassa namaggahanadivase anitthigandhakumaroti namam karimsu. Tato patthaya purisava tam gahetva caranti thannam payenta pidahitva ca parupitva ca payenti saniantarena va thanam mukhe thapenti. Tassa aparaparam parivattamanassapi matugamam nama dassetum na sakka tenassa raja visunneva nisajjaditthanam bahi jhanagaranca karapesi. So tassa solasavassikakale cintesi mayham putto anno natthi ayam pana kumaro kame na paribhunjati rajjampi na icchissati dulladdho vata me puttoti. Atha nam eka naccagitavaditakusala purise palobhetva attano vase katum patibala tarunanatakitthi upasankamitva deva kim tumhe cintayitthati aha. Raja pana tam karanam acikkhi. Hotu deva ahantam palobhetva kamarasam janapessamiti. Sace me puttam anitthigandhakumaram palobhetum sakkhissasi so raja bhavissati tvam aggamahesiti. Sami mayham palobhabhavo bharo tumhe ma cintayitthati vatva arakkhamanusse upasankamitva aha aham paccusasamaye agantva ayyaputtassa sayitatthane bahisaniya jhanagare thatva gayissami sace kujjhissati mayham katheyyatha aham apagaccheyyami sace sunati mameva katheyyathati. Te sadhuti sampaticchimsu. Sapi paccusakale tasmim padese thatva tantissarena gitassaram gitassarena tantissaram anatikkamitva madhurena saddena gayi. Kumaro sunantova nipajjitva sadhu sadhuti sampaticchi. Punadivase

--------------------------------------------------------------------------------------------- page70.

Asannatthane thatva gayitum anapesi punadivase jhanagare thatva gayitum anapesi punadivase attano samipe thatvati evam anukkameneva tanham uppadetva lokadhammam sevitva kamarasam natva matugamam nama annesam na dassamiti asim gahetva antaravithim otaritva purise anubandhanto vicarati. Atha nam raja gahapetva taya kumarikaya saddhim nagara niharapesi. Ubhopi arannam pavisitva adhogangam gantva ekasmim passe gangam ekasmim samuddam katva ubhinnamantare assamapadam mapetva vasam kappayimsu. Kumarikapi pannasalayam nisiditva kandamulaphalani pacati. Bodhisatto arannato phalaphalam ahari. Athekadivasam tasmimpi phalaphalatthaya gate samuddadipako eko tapaso bhikkhacaravelaya akasena agacchanto tam dhumam disva assamapadam otari. Atha nam sa nisida yava paccatiti nisidapetva itthikutena palobhetva jhana hapetva brahmacariyamassa antaradhapesi. So pakkhacchinnakako viya hutva tam jahitum asakkonto sabbadivasam tattheva thatva sayanhasamaye bodhisattam agacchantam disva vegena samuddabhimukho palayi. Atha nam so paccamitto me ayam bhavissatiti asim abbahitva anubandhi. Tapaso akase uppatanakaram dassetva samudde pati. Bodhisatto esa tapaso akasenagato bhavissati jhanassa parihinatta samudde patito maya idanissa avassayena bhavitum vattatiti cintetva velante thatva ima gatha avoca

--------------------------------------------------------------------------------------------- page71.

Abhijjamane varismim sayam agamma iddhiya missibhavitthiya gantva samsidasi mahannave avattani mahamaya brahmacariyavikopana sidanti nam viditvana araka parivajjaye yam eta upsevanti chandasa va dhanena va jatavedova santhanam khippam anudahanti nanti. Tattha abhijjamane varisminti imasmim udake acalamane akampamane udakam anamasitva sayam akaseneva iddhiya agantva. Missibhavitthiyati lokadhammasevanavasena itthiya saddhim missibhavam. Avattani mahamayati itthiyo nameta kamavattena avattanato avattani anantahi itthimayahi samannagatatta mahamaya nama. Vuttanhetam maya ceta mariciva soka roga cupaddava khara ca bandhana ceta maccupasa guhasaya tasu yo vissase poso so naresu naradhamoti. Tattha brahmacariyavikopanati setthacariyassa methunaviratibrahmacariyassa vikopana. Sidantiti itthiyo nameta isinam brahmacariyassa vikopanena apayesu sidanti. Sesam purimanayeneva yojetabbanti. Evam pana bodhisattassa vacanam sutva tapaso samuddamajjhe thitoyeva nattham jhanam puna uppadetva akasena attano vasanatthanameva gato. Bodhisatto cintesi ayam tapaso evambhavito

--------------------------------------------------------------------------------------------- page72.

Samano simbalitulam viya akasena gato mayapi imina viya jhanam uppadetva akasena caritum vattatiti. So assamapadam gantva tam itthim manussapatham netva gaccha tvanti uyyojetva arannam pavisitva manunne bhumibhage assamapadam mapetva isipabbajjam pabbajitva kasinaparikammam katva abhinna ca samapattiyo ca nibbattetva brahmalokaparayano ahosi. Sattha imam dhammadesanam aharitva saccani pakasetva jatakam samodhanesi. Saccapariyosane ukkanthitabhikkhu sotapattiphale patitthahi. Tada anitthigandhakumaro pana ahamevati. Cullapalobhajatakam tatiyam ---------

The Pali Atthakatha in Roman Book 38 page 68-72. http://84000.org/tipitaka/atthapali/read_rm.php?B=38&A=1413&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=1413&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=388 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2137 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2117 The Pali Tipitaka in Roman Character :- http://84000.org/tipitaka/read/roman_read.php?B=27&A=2117 Contents of The Tipitaka Volume 27 http://84000.org/tipitaka/read/?index_27