AtthaPali Vol.38

mahapanadajatakam panado nama so rajati idam sattha gangatire nisinno bhaddajittherassa anubhavam arabbha kathesi. Ekasmim samaye sattha savatthiyam vassam vasitva bhaddajikumarassa sangaham karissamiti bhikkhusanghaparivuto carikam caramano bhaddiyanagaram patva jatiyavane tayo mase vasi bhaddajikumarassa nanaparipakam agamayamano. Bhaddajikumaro mahayaso asitikotivibhavassa bhaddiyasetthino ekaputtako. Tassa tinnam utunam anucchavika tayo pasada ahesum. Ekekasmim cattaro mase vasati. Ekasmim vasitva natakaparivuto mahantena yasena annam pasadam gacchati. Tasmim khane kumarassa yasam passissamati sakalanagaram sankhubhi. Pasadantare cakkaticakkam mancatimancam bandhanti. Sattha tayo mase vasitva mayam gacchamati nagaravasinam arocesi. Nagara bhante sve gamissathati sattharam nimantetva dutiyadivase buddhappamukhassa bhikkhusanghassa mahadanam sajjetva nagaramajjhe danamandapam katva alankaritva asanani pannapetva kalam arocesum. Sattha bhikkhusanghaparivuto tattha gantva nisidi. Manussa mahadanam adamsu. Sattha nitthitabhattakicco madhurassarena anumodanam arabhi. Tasmim khane bhaddajikumaro pasadato pasadam gacchati. Tassa sampattim dassanatthaya tamdivasam na koci agamasi. Attano manussayeva parivaresum. So manusse pucchi annasmim kale mayi pasadato pasadam gacchante sakalanagaram sankhubhati cakkaticakkadini bandhanti ajja pana thapetva mayham manusse anno koci natthi kinnukho karananti. Sami sammasambuddho imam nagaram upanissaya tayo mase vasitva ajja gacchissati so bhattakiccam nitthapetva mahajanassa dhammam desesi sakalanagaravasino tassa dhammakatham sunantiti. So tenahi etha mayampi sunissamati sabbabharanapatimanditova mahantena parivarena upasankamitva parisapariyante thito dhammakatham sunanto sabbakilese khepetva aggaphalam arahattam papuni. Sattha bhaddiyasetthi amantetva mahasetthi putto te alankatapatiyattova dhammakatham sunanto arahatte patitthito tenassa ajjeva pabbajitum Vattati parinibbayitum vati aha. Bhante mayham puttassa parinibbanena kiccam natthi pabbajetha nam bhante pabbajitva ca pana nam gahetva sve amhakam geham upasankamathati. Bhagava nimantanam adhivasetva kulaputtam adaya viharam gantva pabbajetva upasampadesi. Tassa matapitaro sattaham mahasakkaram karimsu. Sattha sattaham vasitva kulaputtam adaya carikam caranto kotigamam papuni. Kotigamavasino manussa buddhappamukhassa bhikkhusanghassa mahadanam adamsu. Sattha bhattakiccavasane anumodanam arabhi. Kulaputto anumodanakale bahigamam gantva satthu agamanakaleyeva utthahissamiti gangatirasamipe ekasmim rukkhamule jhanam samapajjitva nisiditva mahallakesu theresu agacchantesupi avutthahitva satthu agamanakaleyeva utthahi. Puthujjana bhikkhu ayam pure viya pabbajitva mahathere agacchante disvapi na utthahiti kujjhimsu. Kotigamavasino navasanghatam bandhimsu. Sattha navasanghate sanghamajjhe thatva kaham bhaddajiti pucchi. Esa bhante idhevati. Ehi bhaddaji amhehi saddhim ekanavam abhiruyhati. Thero uppatitva ekanavaya atthasi. Atha nam gangaya majjhagatakale sattha aha bhaddaji taya mahapanadarajakale ajjhavuttho pasado kahanti. Imasmim thane nimuggo bhanteti. Puthujjana bhikkhu bhaddajitthero annam byakarositi ahamsu. Sattha tenahi bhaddaji sabrahmacarinam kankham chindahiti Aha. Tasmim khane thero sattharam vanditva iddhibalena gantva pasadathupikam padanguliya gahetva pancavisatiyojanam pasadam uggahetva akase uppati. Uppatito pana hetthapasade thitanam pasadam bhinditva pannayi. So ekayojanam dviyojanam tiyojananti yava visatiyojana udakato pasadam ukkhipi. Athassa purimabhave nataka pasadalobhena macchakacchapanagamanduka hutva tasmimyeva pasade nibbatta pasade utthahante parivattetva udakeyeva patimsu. Sattha te patante disva nataka te bhaddaji kilamantiti aha. Thero satthu vacanam sutva pasadam visajji. Pasado yathatthaneyeva patitthahi. Sattha pana gangato uttari. Athassa gangatireyeva asanam pannapayimsu. So pannatte pavarabuddhasane tarunasuriyo viya ramsiyo muncanto nisidi. Atha nam bhikkhu kismim kale bhante ayam pasado bhaddajittherena ajjhavutthoti pucchimsu. Sattha mahapanadarajakaleti vatva atitam ahari. Atite videharatthe mithilayam suruci nama raja ahosi. Puttopissa suruciyeva. Tassa pana putto mahapanado nama ahosi. Te imam pasadam patilabhimsu. Patilabhatthaya panassa pubbakammam dve pitaputta nalehi ca udumbaradaruhi ca paccekabuddhassa vasanapannasalam karimsuti. Imasmim jatake sabbam atitavatthum pakinnakanipate surucijatake avibhavissatiti. Sattha imam dhammadesanam aharitva abhisambuddho hutva ima gatha avoca panado nama so raja yassa yupo suvanniyo tiriyam solasubbedho uccamahu sahassadha sahassakando sattagendu dhajalu haritamayo anaccum tattha gandhabba cha sahassani sattadha evametam tada asi yatha bhasasi bhaddaji sakko aham tada asim veyyavaccakaro tavati. Tattha yupoti pasado. Tiriyam solasubbedhoti vittharato solasakandapatavittharo ahosi. Uccamahu sahassadhati ubbedhena sahassakandagamanamattam uccam ahu sahassakandagamanagananayapancavisatiyojanappamanam hoti. Vittharo panassa addhayojanamatto. Sahassakando sattagenduti so panesa sahassakandubbedho pasado sattabhumiko ahosi. Dhajaluti dhajasampanno. Haritamayoti haritamaniparikkhitto. Atthakathayam pana sahalu ^1- haritamayotipi patho. Haritamanimayehi dvarakavatavatapanehi samannagatoti attho. Sahati kira dvarakavatavatapananam namam. Gandhabbati nata. Cha sahassani sattadhati cha gandhabbasahassani sattadha hutva tassa pasadassa sattasu thanesu ranno rativaddhanatthaya naccimsuti attho. Te evam naccantapi gayamanapi rajanam hasetum nasakkhimsu. Atha sakko @Footnote: ¹ samalu. jhyalu. sasalu. Devaraja devanatam pesetva samajjam karesi. Tada mahapanado hasi. Yatha bhasasi bhaddajiti bhaddajittherena hi bhaddaji taya mahapanadarajakale ajjhavuttho pasado kahanti vutte imasmim thane nimuggo bhanteti vadantena tasmim kale attano atthaya tassa pasadassa nibbattabhavo ca mahapanadarajabhavo ca bhasito ahosi. Tam gahetva sattha yatha tvam bhaddaji bhasasiti aha. Evametam tada asiti tada evametam tatheva ahosi aham tada tava veyyavaccakaro sakko devanamindo ahosinti aha. Tasmim khane puthujjanabhikkhu nikkankha ahesum. Sattha imam dhammadesanam aharitva jatakam samodhanesi tada mahapanado raja bhaddaji ahosi sakko pana ahamevati. Mahapanadajatakam catuttham --------

The Pali Atthakatha in Roman Book 38 page 72-77. http://84000.org/tipitaka/atthapali/read_rm.php?B=38&A=1501&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=1501&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=391 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2148 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2126 The Pali Tipitaka in Roman Character :- http://84000.org/tipitaka/read/roman_read.php?B=27&A=2126 Contents of The Tipitaka Volume 27 http://84000.org/tipitaka/read/?index_27