AtthaPali Vol.38

byagghajatakam yena mittena samsaggati idam sattha jetavane viharanto kokalikam arabbha kathesi. Kokalikavatthu terasanipate takkariyajatake avibhavissati. Kokaliko pana sariputtamoggallane gahetva agamissamiti kasikaratthato jetavanam agantva sattharam vanditva there upasankamitva avuso ratthavasino manussa tumhe pakkosanti etha gacchamati aha. Gaccha tvam avuso mayam na gacchamati. So therehi patikkhitto sayameva agamasi. Atha bhikkhu dhammasabhayam katham samutthapesum avuso kokaliko sariputtamoggallanehi sahapi vinapi vattitum na sakkoti samyogampi na sahati visamyogampi na sahatiti. Sattha agantva kayanuttha bhikkhave etarahi kathaya sannisinnati pucchitva imaya namati vutte na bhikkhave idaneva Pubbepi kokaliko sariputtamoggallanehi neva saha na vina vattitum sakkotiti vatva atitam ahari. Atite baranasiyam brahmadatte rajjam karente bodhisatto annatarasmim arannayatane rukkhadevata hutva nibbatti. Tassa vimanato avidure annatarasmim vanappatijetthake annatara rukkhadevata hutva vasati. Tasmim vanasande siho ca byaggho ca vasanti. Tesam bhayena na koci tattha khettam kasati na rukakham chindati nivattetva oloketum samattho nama natthi. Te pana sihabyaggha nanappakarepi mige vadhetva khadanti khaditavasesam tattheva pahaya gacchanti. Tesam gandhena so vanasando asucikunapagandho hoti. Atha itara rukkhadevata andhabala karanakaranam ajanamana ekadivasam bodhisattam aha samma ete no sihabyagghe nissaya vanasando asucikunapagandho jato aham ete palapemiti. Bodhisatto samma ime dve nissaya amhakam vimanani rakkhiyanti etesu palayantesu vimanani no nassissanti sihabyagghanam padam apassanta manussa sabbam vanam chinditva ekanganam katva khettani kasanti ma te evam rucciti vatva purima dve gatha abhasi yena mittena samsagga yogakkhemo vihiyati pubbevajjhabhavantassa rakkhe akkhimva pandito yena mittena samsagga yogakkhemo pavaddhati kareyyattasamam vuttim sabbakiccesu panditoti. Tattha yena mittena samsaggati yena papamittena saddhim samsaggahetu samsaggakarana dassanasamsaggo savanasamsaggo kayasamsaggo samullapasamsaggo paribhogasamsaggo cati imassa pancavidhassa samsaggassa katattati attho. Yogakkhemoti kayacittasukham. Tam hi dukkhayogato khematta idha yogakkhemoti adhippetam. Vihiyatiti parihayati. Pubbevajjhabhavantassa rakkhe akkhimva panditoti tassa papamittassa ajjhabhavam tena abhibhavitabbam attano labhayasajivitam yatha nam so na ajjhabhavati tatha pathamatarameva attano akkhim viya pandito puriso rakkheyya. Dutiyagathaya. Yenati yena kalyanamittena saha samsaggahetu samsaggakarana. Yogakkhemo pavaddhatiti kayacittasukham vaddhati. Kareyyattasamam vuttinti tassa kalyanamittassa sabbakiccesu pandito puriso yatha attano jivitavuttinca upabhogaparibhogavuttinca karoti evameva sabbam kareyya adhikarampi kareyya hinam pana na kareyyati. Evam bodhisattena karane kathitepi sa baladevata anupadharetvava ekadivasam bheravaruparammanam dassetva te sihabyagghe palapesi. Manussa tesam padavalanjam adisva sihabyaggha annam vanasandam gatati natva vanasandassa ekapassam chindimsu. Devata bodhisattam upasankamitva aham samma tava vacanam akatva te palapesim idani tesam gatabhavam natva manussa vanasandam chindanti kinnukho kattabbanti vatva idani te asukavanasande nama Vasanti gantva te anehiti vutta tattha gantva tesam purato thatva anjalim paggayha tatiyam gathamaha etha byaggha nivattavho paccupetha mahavanam ma no vanam chindi nibyaggha byaggha mahesu nibbanati. Tattha byagghati ubhopi te byagghanamenalapanti aha. Nivattavhoti nivattetha. Paccupetha mahavananti tam mahavanam paccupetha puna upagacchatha. Ayameva va patho. Ma no vanam chindi nibyagghati amhakam vasanavanasandam idani tumhakam abhavena nibyaggham manussa ma chindimsu. Byaggha mahesu nibbanati tumhadisa dve byaggharajano attano vasanatthana palayitatta nibbana vasanatthanabhutena vanena virahita ma ahesum. Te evam taya devataya yaciyamanapi gaccha tavam na mayam gamissamati patikkhipimsuyeva. Devata ekikava vanasandam paccagami. Manussapi katipaheneva sabbam vanam chinditva khettani karitva kasikammam karimsu. Sattha imam dhammadesanam aharitva saccani pakasetva jatakam samodhanesi tada apanditadevata kokaliko ahosi siho sariputto byaggho moggallano panditadevata pana ahamevati. Byagghajatakam dutiyam ----------

The Pali Atthakatha in Roman Book 38 page 103-106. http://84000.org/tipitaka/atthapali/read_rm.php?B=38&A=2147&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=2147&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=415 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2249 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2221 The Pali Tipitaka in Roman Character :- http://84000.org/tipitaka/read/roman_read.php?B=27&A=2221 Contents of The Tipitaka Volume 27 http://84000.org/tipitaka/read/?index_27