บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Kurudhammajatakam tava saddhanca silancati idam sattha jetavane viharanto ekam hamsaghatakam bhikkhum arabbha kathesi. Savatthivasino dve sahayaka bhikkhusu pabbajitva laddhupasampada yebhuyyena ekato vicaranti. Te ekadivasam aciravatim gantva nhatva valukapuline atapam tappamana saraniyakatham kathenta nisidimsu. Tasmim khane dve hamsa akasenagacchanti. Atheko daharabhikkhu sakkharam gahetva ekassa hamsapotakassa akkhim paharamiti aha. Itaro na sakkhissasiti aha. Titthatu imasmim passe akkhi parapasse akkhim paharissamiti. Idampi na sakkhissasiyevati. Tenahi upadharehiti tikhinasakkharam 1- gahetva hamsassa pacchabhage khipi. Hamso sakkharasaddam sutva nivattitva olokesi. Atha nam itaram sakkharam 2- gahetva parapasse akkhimhi paharitva orimakkhina nikkhamesi. Hamso viravanto parivattitva tesam padamuleyeva pati. Tattha thita bhikkhu disva agantva avuso buddhasasane pabbajitva ananucchavikam te katam panatipatam karontenati vatva tam adaya tathagatasseva dassesum. Sattha saccam kira taya bhikkhu panatipato katoti pucchitva saccam bhanteti vutte bhikkhu kasma evarupe niyyanikasasane pabbajitva evamakasi poranakapanditapi anuppannepi @Footnote: 1 tiyamsam sakkharam . 2 vattasakkharam. Buddhe agaramajjhe sankilitthavasam vasamana appamattakesupi thanesu kukkuccam karimsu tvam pana evarupe sasane pabbajitva kukkuccamattampi na akasi nanu bhikkhuna nama kayavacacittasannatena bhavitabbanti vatva atitam ahari. Atite kururatthe indapattanagare 1- dhananjayakorabye nama raje 2- rajjam karente bodhisatto tassa aggamahesiya kucchimhi patisandhim gahetva anupubbena vinnutam patto takkasilayam sabbasippani ugganhitva pitara uparajje patitthapito aparabhage pitu accayena rajje thatva dasa rajadhamme akopetva kurudhamme pavattati. Kurudhammo nama panca silani. Tani bodhisatto parisuddhani katva rakkhati. Yatha ca bodhisatto evamassa mata aggamahesi kanitthabhata uparaja purohito brahmano rajjuggaho amacco sarathi setthi donamapako mahamatto dovariko nagarasobhini vannadasiti evamete. Raja mata mahesi ca uparaja purohito rajjuko sarathi setthi dono dovariko tatha ganika ekadasa jana kurudhamme patitthita. Iti ime sabbepi parisuddhani katva panca silani rakkhimsu. Raja catusu nagaradvaresu ca nagaramajjhe ca nivesanadvare cati cha danasalayo karapetva devasikam devasikam cha satasahassani visajjento @Footnote: 1 indapattanagare . 2 ranne. Sakalajambudipam unnangalam katva danam adasi. Tassa pana danajjhasayata danabhiratata sakalajambudipam ajjhotthari. Tasmim kale kalingaratthe dantapuranagare kalingaraja rajjam karesi. Tassa ratthe devo na vassi. Tasmim avassante sakalaratthe chatakam jatam. Aharavipattiya ca manussanam rogo udapadi. Chatakabhayam rogabhayam dubbhikkhabhayanti tini bhayani uppajjimsu. Manussa niggahana darake hatthesu gahetva tattha tattha vicaranti. Sakalaratthavasino ekato hutva dantapuram gantva rajadvare ukkutthimakamsu. Raja vatapanam nissaya thito tam saddam sutva kimkarana ete vicarantiti pucchi. Maharaja sakalaratthe tini bhayani uppannani devo na vassati sassani vipannani chatakam jatam manussa dubbhojana rogabhibhuta niggahana putte hatthesu gahetva vicaranti devam vassapehi maharajati. Poranakarajano deve avassante kim karontiti. Poranakarajano maharaja deve avassante danam datva uposatham adhitthaya samadinnasila sirigabbham pavisitva dabbasanthare sattaham nipajjanti tada devo vassatiti. Raja sadhuti sampaticchitva tatha akasi. Evam santepi devo na vassati. Raja amacce aha aham kattabbam kiccam akasim devo na vassati kinti karomati. Maharaja indapattanagare dhananjayakorabyassa ranno anjanasannibho 1- nama mangalahatthi atthi tam @Footnote: 1 anjanavasabho. Anessama evam sante devo vassatiti. So raja balabahanasampanno duppasaho kathamassa hatthim anessamati. Maharaja tena saddhim yuddhakiccam natthi danajjhasayo raja danabhirato yacito samano alankatasisampi chinditva pasadasampannani akkhinipi uppatetva sakalam rajjampi niyyadetva dadeyya hatthimhi vattabbameva natthi avassam yacito dassatiti. Ke pana tam yacitum samatthati. Brahmana maharajati. Raja brahmanavasato attha brahmane pakkosapetva sakkarasammanam katva hatthim yacanatthaya pesesi. Te paribbayam adaya addhikavesam gahetva sabbattha ekarattinivasena turitagamanam katva katipaham nagaradvare danasalasu bhunjanta sariram santappetva kada raja danaggam agacchissatiti pucchimsu. Manussa pakkhassa tayo divase catuddase pannarase atthamiyanca agacchati sve pana punnami tasma svepi agacchissatiti vadimsu. Brahmana punadivase patova gantva pacinadvare atthamsu. Bodhisatto patova nhatanulitto sabbalankarapatimandito alankatahatthikkhandhavaragato mahantena parivarena pacinadvarena danasalam gantva otaritva sattatthajananam sahattha bhattam datva iminava niharena dethati vatva hatthim abhiruyhitva dakkhinadvaram agamasi. Brahmana pacinadvare arakkhassa balavataya okasam alabhitva dakkhinadvarameva gantva rajanam agacchantam olokayamana dvarato natidure unnatatthane thita Sampattam rajanam hatthe ukkhipitva jayatu bhavam maharajati jayapesum. Raja vajirankusena varanam nivattetva tesam santikam gantva bho brahmana kim icchathati pucchi. Brahmana bodhisattassa gunam vannenta pathamam gathamahamsu tava saddhanca silanca viditvana janadhipa vannam anjanavannena kalingasmim vinimhaseti. Tattha saddhanti kammaphalanam saddahanavasena okappaniyasaddham. Silanti samvarasilam avitikkamasilam. Vannanti tada tasmim dese suvannam vuccati desanasisamevetam. Imina pana padena sabbampi hirannasuvannadhanadhannam sangahitam. Anjanavannenati anjanapunjasamanavannena imina tava nagena. Kalingasminti kalingaranno santike. Vinimhaseti vinimhayavasena ganhimha paribhogavasena va udare pakkhipimhati attho. Seti nipatamattam. Idam vuttam hoti mayam hi janadhipa tava saddhanca silanca viditva addha no eso evam saddhasilasampanno raja yacito anjanavannam nagam dassatiti imina attano santakena viya anjanavannena kalingaranno santike nagam harissamati vatva bahudhanadhannam vinimhase parivattayimha ceva udare ca pakkhipimha evam tam mayam vaniyamana idhagata tattha kattabbam devo janatuti. Aparo nayo. Tava saddhasilagunasankhatam vannam viditva ularaguno raja jivitampi yacito dadeyya pageva tiracchanagatam naganti evam kalingassa santike imina Anjanavannena tava vannam vinimhase tulayimha tenamha idhagatati. Tam sutva bodhisatto sace vo brahmana imam nagam parivattetva dhanam khaditam sukhaditam ma cintayittha yathalankatameva vo nagam dassamiti samassasetva itara dve gatha avoca annabhacca cabhacca ca yodha uddissa gacchati sabbete appatikkhippa pubbacariyavaco idam dadami vo brahmana nagametam rajaraham rajabhogam yasassinam alankatam hemajalabhichannam sasarathi gacchatha yenakamanti. Tattha annabhacca cabhacca cati purisam upanissaya jivamana yagubhattadina annena bharitabbati annabhacca ca itare tatha abharitabbatta abhacca. Sandhivasena panettha akaralopo veditabbo. Ettavata attanam upanissaya ca anupanissaya ca jivamanavasena sabbepi satta dve kotthase katva dassita honti. Yodha uddissa gacchatiti tesu sattesu idha jivaloke yo satto yam purisam yayakayacideva paccasimsamanaya uddissa agacchati. Sabbete appatikkhippati tatha uddissa agacchanta sacepi bahu honti tathapi tena purisena sabbete appatikkhippa apetha na vo dassamiti evam appatikkhitabbati attho. Pubbacariyavaco idanti pubbacariya vuccanti matapitaro idam tesam vacanam evamaham matapituhi Sikkhapitoti dipeti. Dadami voti yasma idam amhakam pubbacariyavaco tasma aham brahmana tumhakam imam nagavaram dadami. Rajarahanti ranno anucchavikam. Rajabhoganti rajaparibhogam. Yasassinanti parivarasampannam. Tam kira hatthim nissaya hatthivejjadini panca kulasatani jivanti tehi saddhinneva vo dadamiti attho. Alankatanti nanavidhena hatthialankarena alankatam. Hemajalabhichannanti suvannajalena abhicchannam. Sasarathiti yo panassa sarathi hatthidamako acariyo tena saddhinneva vo dadami tasma sasarathi hutva tumhe saparivaram imam nagam gahetva yenakamam gacchathati. Evam hatthikkhandhavaragatova mahasatto vacaya datva puna hatthikkhandhato oruyha sace analankatatthanam atthi alankaritva dassamiti tikkhattum padakkhinam karonto upaparikkhitva tassa analankatatthanam adisva tassa sondam brahmananam hatthesu thapetva suvannabhingarena pupphagandhavasitam udakam patetva adasi. Brahmana saparivaram nagam sampaticchitva hatthipitthe nisinna dantapuram gantva hatthim ranno adamsu. Hatthimhi agatepi devo na vassateva. Raja kinnukhova karananti uttarim pucchanto dhananjayakorabyaraja kurudhammam rakkhati tenassa ratthe anvaddhamasam anudasaham devo vassati ranno gunanubhaveneva vassati imassa pana tiracchanagatassa guna hontapi kittaka bhaveyyunti sutva tenahi yathaalankatameva saparivaram hatthim patinetvava ranno datva yam so Kurudhammam rakkhati tam suvannapatte likhitva anethati brahmane ca amacce ca pesesi. Te gantva ranno hatthim niyyadetva deva imasmim hatthimhi gatepi amhakam ratthe devo na vassati tumhe kira kurudhammam nama rakkhatha amhakampi raja nam rakkhitukamo imasmim suvannapatte likhitva anethati pesesi detha no kurudhammanti. Tata saccaham etam kurudhammam rakkhami idani pana me tattha kukkuccam atthi na me so kurudhammo cittam aradheti tasma tumhakam datum na sakkomiti. Kasma pana tam silam rajanam na aradhetiti. Tada kira rajunam tatiye tatiye samvacchare kattikamasassa chano nama hoti. Tam chanam kilanta rajano sabbalankarapatimandita devavesam gahetva cittarajassa nama yakkhassa santike thatva catuddisa pupphapatimandite cittasare khipanti. Ayampi raja tam chanam kilanto ekissa talakapaliya cittarajassa santike thatva catuddisa cittasare khipi. Tesu sesadisa gate tayo sare disva udakapitthiyam khittasaram na addasa. Ranno kacci nukho maya khitto saro macchasarire patitoti kukkuccam ahosi. Panatipatakammena silabhedamarabhi. Tasma silam nam naradheti. So evamaha tata mayham kurudhamme kukkuccam atthi mata pana me surakkhitam rakkhati tassa santike ganhathati. Maharaja tumhakam panam vadhissamiti cetana natthi tam vina panatipato nama na hoti detha no rakkhitam kurudhammanti. Tenahi likhatha tatati suvannapatte likhapesi Pano na hantabbo adinnam nadatabbam kamesumicchacaro na caritabbo musavado na bhasitabbo majjapanam na patabbanti. Likhapetva capana evam santepi neva mam silam aradheti matu me santike gacchathati aha. Duta rajanam vanditva tassa santikam gantva devi tumhe kira kurudhammam rakkhatha tam no dethati vadimsu. Tata saccaham kurudhammam rakkhami idani pana me tattha kukkuccam uppannam na me so kurudhammo aradheti tena vo datum na sakkomiti. Tassa kira dve putta jettho raja kanittho uparaja. Atheko raja bodhisattassa satasahassagghanikam candanasaram sahassagghanikam suvannamalam pesesi. So mataram pujessamiti tam sabbam matu pesesi. Sa cintesi aham neva candanam vilimpami na malam dharemi sunisanam tam dassamiti. Athassa etadahosi jetthasunisa me issara aggamahesitthane thita tassa suvannamalam dassami kanitthasunisa pana duggata tassa candanasaram dassamiti. Sa ranno deviya suvannamalam datva uparajabhariyaya candanasaram adasi. Datva capanassa aham kurudhammam rakkhami etasam duggataduggatabhavo mayham appamanam jetthapacayikakammameva pana katum mayham anurupam kacci nukho me tassa akatatta silam bhinnanti kukkuccam ahosi. Tasma evamaha. Atha nam duta attano santakam nama yatharuciya diyati tumhe ettakenapi kukkuccam kurumana kim annam papakammam karissatha silam nama evarupena na bhijjati Detha no kurudhammanti vatva tassapi santike gahetva suvannapatte likhimsu. Tata evam santepi neva kurudhammo mam aradheti sunisa pana me tam sutthu rakkhati tassa santike ganhathati vutta capana aggamahesim upasankamitva purimanayeneva kurudhammam yacimsu. Sapi purimanayeneva vatva idani mam silam nama naradheti tena vo datum na sakkati aha. Sa kira ekadivasam sihapanjare thita ranno nagaram padakkhinam karontassa pacchato hatthipitthe nisinnam uparajanam disva lobham uppadetva sacaham imina saddhim santhavam kareyyam bhatu accayena rajje patitthito mam esa sanganheyyati cintesi. Athassaham kurudhammam rakkhamana sasamika hutva kilesavasena annam purisam olokesim silena me bhinnena bhavitabbanti kukkuccam ahosi. Tasma evamaha. Atha nam duta aticaro nama ayye cittuppadamattena na hoti tumhe ettakenapi kukkuccam kurumana kim vitikkamam karissatha na ettakena silam bhijjati detha no kurudhammanti vatva tassapi santike gahetva suvannapatte likhimsu. Tata evam santepi neva mam aradheti uparaja pana sutthu rakkhati tassa santike ganhathati vutta capana uparajanam upasankamitva purimanayeneva kurudhammam yacimsu. So pana sayam rajupatthanam gacchanto ratheneva gacchanto rajanganam patva sace ranno santike bhunjitva tattheva sayitukamo hoti rasmiyo ca patodanca antaradhure chaddeti. Taya sannaya mahajano patikkamitva punadivase patova Gantva tassa nikkhamanam olokentova titthati. Sarathipi tam ratham vahayitva 1- punadivase patova ratham adaya rajadvare titthati. Sace tamkhananneva nikkhantukamo hoti rasmiyo ca patodanca antoratheyeva thapetva rajupatthanam gacchati. Mahajano taya sannaya idaneva nikkhamissatiti rajadvareyeva titthati. So ekadivasam evam katva rajanivesanam pavisi. Pavitthamattassevassa devo pavassi. Raja devo vassatiti tassa nikkhamitum nadasi. So tattheva paribhunjitva sayi. Mahajano idani nikkhamissatiti sabbarattim temento atthasi. Uparaja dutiyadivase nikkhamitva temiyamanam thitam mahajanam disva aham kurudhammam rakkhanto ettakam janam kilamesim silena me bhinnena bhavitabbanti kukkuccam uppadesi. Tena tesam dutanam saccaham kurudhammam rakkhami idani pana me kukkuccam atthi tena vo na sakka datunti vatva tamattham arocesi. Atha nam duta tumhakam deva ete kilamantuti cittam natthi acetanakam kammam nama na hoti ettakenapi kukkuccam karontanam katham tumhakam vitikkamo bhavissatiti vatva tassapi santike silam gahetva suvannapatte likhimsu. Evam santepi neva mam aradheti purohito pana sutthu rakkhati tassa santike ganhathati vutta capana purohitam upasankamitva yacimsu. Sopi ekadivasam rajupatthanam gacchanto ekena ranna tassa ranno pesitam tarunaruciravannam 2- @Footnote: 1 gopayitva. gahayitva . 2 tarunaravivannam. Ratham antaramagge disva kassayam rathoti pucchitva ranno abhatoti sutva aham mahallako sace me raja imam ratham dadeyya sukham imam aruyha vicareyyanti cintetva rajupatthanam gato. Tassa jayapetva thitakale ranno ratham dassesum. Raja disva ativiya sundaro ayam me ratho acariyassa no dethati aha. Purohito na icchi punappunam vuccamanopi na icchiyeva. Kimkarana. Evam kirassa ahosi. Aham kurudhammam rakkhantova parasantake lobham akasim bhinnena me silena bhavitabbanti. So tamattham acikkhitva tata kurudhamme me kukkuccam atthi na me so kurudhammo mam aradheti tasma na sakka datunti aha. Atha nam duta ayya lobhuppadamattena silam na bhijjati tumhe ettakenapi kukkuccam karonta kim vitikkamam karissathati vatva tassapi santike silam gahetva suvannapatte likhimsu. Evam santepi neva kurudhammo mam aradheti rajjuggahako amacco pana sutthu rakkhati tassa santike ganhathati vutta capana tampi upasankamitva yacimsu. Sopi ekadivasam janapade khettam minanto rajjum dandake bandhitva ekam kotim khettasamikena gahapetva ekam attana aggahesi. Tena gahitarajjukotiya bandhadandako ekassa kakkatakassa bilamajjham papuni. So cintesi sace dandakam bile otaressami antobile kakkatako nassissati sace pana purato karissami ranno santakam nassissati sace orato karissami Kutumbikassa santakam nassissati kinnukho katabbanti. Athassa etadahosi bile kakkatakena bhavitabbam sace bhaveyya pannayeyya ettheva nam otaressamiti bile tam dandakam otaresi. Kakkatako kiriti saddamakasi. Athassa etadahosi dandako kakkatakapitthe otinno bhavissati kakkatako mato bhavissati ahanca kurudhammam rakkhami tena me silena bhinnena bhavitabbanti. So etamattham acikkhitva imina me karanena kurudhamme kukkuccam atthi tena vo na sakka datunti aha. Atha nam duta tumhakam kakkatako maratuti cittam natthi acetanakam kammam nama na hoti tumhe ettakenapi kukkuccam karonta kim vitikkamam karissathati vatva tassapi santike silam gahetva suvannapatte likhimsu. Evam santepi neva mam aradheti sarathi pana sutthu rakkhati tassa santike ganhathati vutta capana tampi upasankamitva yacimsu. So ekadivasam rajanam rathena uyyanam nesi. Raja tattha divasam kilitva sayam nikkhamitva ratham aruhi. Tassa nagaram asampattasseva suriyatthangamanavelaya megho utthahi. Sarathi ranno temanabhayena sindhavanam patodasannam adasi. Te sindhava javena pakkhandimsu. Tato patthaya capana te uyyanam puna gacchantapi tato agacchantapi tam thanam patva javena gacchanti. Kimkarana. Tesam kira etadahosi imasmim thane parissayeneva bhavitabbam tena no sarathi tada patodasannam adasiti. Sarathissapi etadahosi ranno Temane va atemane va mayham doso natthi aham pana atthane susikkhitasindhavanam patodasannam adasim tenime idani aparaparam javanta kilamanti ahanca kurudhammam rakkhami tena me silena bhinnena bhavitabbanti. So tamattham acikkhitva imina me karanena kurudhamme kukkuccam atthi tena vo na sakka datunti aha. Atha nam duta tumhakam sindhava kilamantuti cittam natthi acetanakam kammam nama na hoti ettakenapi ca tumhe kukkuccam karonta kim vitikkamam karissathati vatva tassa santike silam gahetva suvannapatte likhimsu. Evam santepi neva mam aradheti setthi pana sutthu rakkhati tassa santike ganhathati vutta capana tam upasankamitva yacimsu. Sopi ekadivasam gabbhato nikkhantasalisise attano salikkhettam gantva paccavekkhitva nivattamano vihimalam bandhapessamiti ekam salisisamutthim gahapetva culaya 1- bandhapesi. Athassa etadahosi imamha kedara maya ranno bhago databbo adinnabhagatoyeva ca me kedarato salisisamutthi gahapita ahanca kurudhammam rakkhami tena me bhinnena silena bhavitabbanti. So etamattham acikkhitva imina me karanena kurudhamme kukkuccam atthi tena vo na sakka datunti aha. Atha nam duta tumhakam theyyacittam natthi tena vina adinnadanam nama pannapetum na sakka ettakenapi ca kukkuccam karonta @Footnote: 1 thunaya. Tumhe parasantakam nama kim ganhissathati vatva tassapi santike silam gahetva suvannapatte likhimsu. Evam santepi neva mam aradheti donamapako pana mahamatto sutthu rakkhati tassa santike ganhathati vutta capana nam upasankamitva yacimsu. So kira ekadivasam dvarakotthake 1- nisiditva rajabhage vihim minapento amitavihirasito vihim gahetva lakkham thapesi. Tasmim khane devo pavassi. Mahamatto vihilakkhani vaddhitva mitavihi ettaka nama hotiti vatva lakkhavihim sankaddhitva mitarasimhi pakkhipitva vegena gantva dvarakotthake thatva cintesi kinnukho maya lakkhavihi mitavihirasimhi pakkhitta udahu amitarasimhiti. Athassa etadahosi sace me mitavihirasimhi pakkhitta akaranena ranno santakam vaddhitam gahapatikanam santakam nasitam ahanca kurudhammam rakkhami tena me bhinnena silena bhavitabbanti. So tamattham acikkhitva imina me karanena kurudhamme kukkuccam atthi tena vo na sakka datunti aha. Atha nam duta tumhakam theyyacittam natthi tena vina adinnadanam nama pannapetum na sakka ettakenapi ca kukkuccam karonta tumhe kim parasantakam ganhissathati vatva tassapi santike silam gahetva suvannapatte likhimsu. Evam santepi neva mam aradheti dovariko pana sutthu rakkhati tassa santike ganhathati vutta capana tampi @Footnote: 1 kotthagaradvare. Upasankamitva yacimsu. Sopi ekadivasam nagaradvaram pidhanavelaya tikkhattum saddamanussavesi. Atheko daliddakamanusso attano kanitthabhaginiya saddhim darupannatthaya arannam gantva nivattento tassa saddam sutva bhaginim adaya vegena sampapuni. Atha nam dovariko tvam nagare ranno atthibhavam kim na janasi sakalasseva imassa nagarassa dvaram pithiyatiti na janasi attano matugamam gahetva aranne vicarasi ratikilam kilanto divasam vicarasiti aha. Athassa itarena na me sami bhariya bhagini me esati vutte etadahosi akaranam vata me katam bhaginim bhariyati vadantena ahanca kurudhammam rakkhami tena me bhinnena silena bhavitabbanti. So etamattham acikkhitva imina me karanena kurudhamme kukkuccam atthi tena vo na sakka datunti aha. Atha nam duta etam tumhehi tathasannaya kathitam ettha vo silabhedo natthi ettakenapi ca tumhe kukkuccayanta kurudhamme sampajanamusavadam nama kim karissathati vatva tassapi santike silani gahetva suvannapatte likhimsu. Evam santepi neva mam aradheti vannadasi pana sutthu rakkhati tassapi santike ganhathati vutta capana tampi upasankamitva yacimsu. Sapi purimanayeneva patikkhipi. Kimkarana. Sakko kira devanamindo tassa silam vimamsissamiti manavakavannena agantva aham agamissamiti sahassam datva devalokameva gantva tini samvaccharani nagacchati. Sa attano silabhedabhayena tini Samvaccharani annassa purisassa hatthato tambulamattampi na ganhi. Sa anukkamena duggata hutva cintesi mayham sahassam datva gatapurisassa tini samvaccharani anagacchantassa duggatamhi jata jivitavuttimpi ghatetum na sakkomi itodani patthaya maya vinicchayamahamattanam arocetva paribbayam gahetum vattatiti. Sa vinicchayam gantva sami paribbayam datva gatapurisassa me tini samvaccharani matabhavamatabhavamassa na janami jivitam ghatetum na sakkomi kim karomi samiti aha. Tini samvaccharani anagacchante kim karissasi ito patthaya paribbayam ganhati. Tassa laddhavinicchayaya vinicchayato nikkhamamanayaeva eko puriso sahassabhandikam upanamesi. Tassa gahanatthaya hattham pasaranakale sakko attanam dassesi. Sa tam disvava mayham samvaccharattayamatthake sahassadayako puriso agato tata natthi me tava kahapanehi atthoti hattham samminjesi. Sakko attano sariranneva abhinimminitva tarunasuriyo viya jalanto akase atthasi. Sakalanagaram sannipati. Sakko mahajanamajjhe aham etissa vimamsanavasena samvaccharattayamatthake sahassam adasim silam rakkhanta nama evarupa hutva rakkhathati ovadam datva tassa nivesanam sattaratanehi puretva ito patthaya appamatta hohiti tam anusasetva devalokameva agamasi. Imina karanena sa aham gahitabhatim ajirapetvava annena diyyamanaya bhatiya hattham pasaresim imina karanena mam silam naradheti Tena vo datum na sakkati patikkhipi. Atha nam duta hattham pasaranamattena silabhedo natthi silam nama evam paramavisuddham hotiti vatva tassapi santike silam gahetva suvannapatte likhimsu. Iti tesam ekadasannam jananam rakkhanasilam 1- suvannapatte likhitva dantapuram gantva kalingaranno suvannapattam datva tam pavuttim arocesum. Raja tasmim kurudhamme vattamano panca silani paripuresi. Tasmim kale sakalakalingaratthe devo vassi tini bhayani vupasantani ratthanca khemam subhikkham ahosi. Bodhisatto yavajivam danadini punnani katva saparivaro saggapuram puresi. Sattha imam dhammadesanam aharitva saccani pakasetva saccapariyosane keci sotapanna ahesum keci sakadagamino keci anagamino keci arahantoti jatakam samodhanesi ganika uppalavanna punno dovariko tada rajjuggahako kaccayano moggallano donamapako sariputto tada setthi anuruddho ca sarathi brahmano kassapo thero uparaja nandapandito mahesi rahulamata mayadevi janettiya kururaja bodhisatto evam dharetha jatakanti. Kurudhammajatakam chattham @Footnote: 1 rakkhitasilam.The Pali Atthakatha in Roman Book 38 page 115-132. http://84000.org/tipitaka/atthapali/read_rm.php?B=38&A=2389&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=2389&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=427 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2293 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2259 The Pali Tipitaka in Roman Character :- http://84000.org/tipitaka/read/roman_read.php?B=27&A=2259 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]