บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Romajatakam vassani pannasa samadhikaniti idam sattha veluvane viharanto bhagavato vadhaya parisakkanam arabbha kathesi. Paccuppannavatthu uttanatthameva. Atite pana baranasiyam brahmadatte rajjam karente bodhisatto paravato 1- hutva bahuhi paravatehi parivuto aranne pabbataguhayam vasam kappesi. Annataropi kho tapaso silava acarasampanno tesam paravatanam vasanatthanato avidure ekam paccantam gamam upanissaya assamapadam mapetva pabbataguhayam vasam kappesi. Bodhisatto antarantara tassa santikam agantva sotabbayuttakam sunati. Tapaso tattha ciram vasitva pakkami. Athanno kutajatilo agantva tattha vasam kappesi. Bodhisattopi paravatehi parivuto tam upasankamitva vanditva patisantharam katva assamapade vicaritva girikandarasamipe gocaram gahetva sayam attano vasanatthanam gacchati. Kutatapaso tattha atirekapannasavassani vasi. Athassa ekadivasam paccantagamavasino paravatamamsam abhisankharitva adamsu. So tassa 2- rasatanhaya bajjhitva kim mamsam nametanti pucchitva paravatamamsanti sutva cintesi mayham assamapadam bahu paravata agacchanti te maretva mamsam khaditum vattatiti. So tandulasappidadhikhiramaricadini aharitva ekamante @Footnote: 1 parapatotipi . 2 tattha. Thapetva muggaram civarakannena paticchadetva paravatanam agamanam olokento pannasaladvare nisidi. Bodhisatto paravataparivuto agantva tassa kutajatilassa dutthakiriyam oloketva ayam dutthatapaso annenakarena nisinno kacci nukho amhakam samanajatiyanam mamsam khadi parigganhissami nanti anuvate thatva tassa sariragandham ghayitva ayam amhe maretva mamsam khaditukamo na tassa santikam gantum vattatiti paravate adaya patikkamitva cari. Tapaso tam anagacchantam disva madhurakatham tehi saddhim kathetva vissasena upagate maretva mamsam khaditum vattatiti cintetva purima dve gatha avoca vassani pannasa samadhikani vasimhi selassa guhaya romaka asankamana abhinibbutacitta hatthatthamayanti mamandaja pure tedani vankanga 1- kimatthamussukka bhajanti annam girikandaram dija nu na mannanti mamam yatha pure cirampavuttha athava na te imeti. Tattha samadhikaniti samaadhikani. Romakati romaya uppanna 2-. Sudhotapavalasamanavannarattapadataya bodhisattam paravatam @Footnote: 1 vakkanga . 2 dumaya uppanna. Alapati. Asankamanati evam atirekapannasa vassani imissa pabbataguhaya vasantesu amhesu ete andaja ekadivasampi mayi asankam akatva abhinibbutacittava hutva pubbe mama hatthattham pasaranokasam hatthapasam agacchantiti attho. Tedaniti te idani. Vankangati bodhisattam alapati. Sabbepi pana pakkhino uppatanakale givam vankam katva uppatanato vankangati vuccanti. Kimatthanti kim karanam sampassamana. Ussukkati ukkanthitarupa hutva. Girikandaranti girito annam pabbatakandaram. Yatha pureti yatha pubbe ete pakkhino mam garum katva piyam katva mannanti tatha idani nu na mannanti pubbe idha nivutthatapasopi anno ayam annoti evam manne mam mannantiti dipeti. Cirampavuttha athava na te imeti kinnukho ime ciram vippavasitva dighassa addhuno accayena agatatta mam soeva ayanti na sanjananti udahu ye amhesu abhinibbutacitta na te ime anneva agantukapakkhino ime tena mam na upasankamantiti pucchati. Tam sutva mahasatto nivattitva thitova tatiyam gathamaha janama tam na mayam sammulha sveva tvam te mayamasma nanne cittanca te asmi jane paduttham ajivaka tena tam uttasamati. Tattha na mayam sammulhati mayam mulha pamatta na homa. Cittanca te asmi jane padutthanti tvam soyeva mayampi teyeva tam sanjanama apica kho pana (te) tava cittam asmim jane paduttham amhe maretum uppannam. Ajivakati ajivahetu pabbajita dutthatapasa. Tena tam uttasamati tena karanena tam uttasama bhayama na upasankamamati. Kutatapaso nato aham imehiti muggaram khipitva virajjhitva gaccha bho viraddhomhiti aha. Atha nam bodhisatto mam tava viraddhosi cattaro pana apaye na virajjhasi sace idheva vasissasi gamavasinam coro ayanti acikkhitva tam ganhapessami sigham palayassuti tam tajjetva pakkami. Kutajatilopi tattha vasitum nasakkhi annattha agamasi. Sattha imam dhammadesanam aharitva saccani pakasetva jatakam samodhanesi tada kutatapaso devadatto ahosi purimo silavantatapaso sariputto paravatajetthako pana ahamevati. Romajatakam sattamam ----------The Pali Atthakatha in Roman Book 38 page 133-136. http://84000.org/tipitaka/atthapali/read_rm.php?B=38&A=2765&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=2765&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=430 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2305 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2272 The Pali Tipitaka in Roman Character :- http://84000.org/tipitaka/read/roman_read.php?B=27&A=2272 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]