|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
satapattajatakam
yatha manavako pantheti idam sattha jetavane viharanto
pandakalohitake arabbha kathesi.
Chabbaggiyanam hi dve jana mettiyabhummajaka rajagaham
upanissaya viharimsu. Dve assajipunabbasuka kitagirim upanissaya viharimsu.
Pandakalohitaka ime pana dve savatthim upanissaya jetavane viharimsu.
Te dhammena nihatam adhikaranam ukkotenti. Yepi tesam sanditthasambhatta
honti tesam upatthambhaka hutva na avuso tumhe etehi
jatiya va gottena va silena va vattadihi va hinatara
sace tumhe attano gaham visajjetha sutthutaram vo ete
abhibhavissantiti adini vatva gaham visajjetum na denti. Tena
---------------------------------------------------------------------------------------------
page140.
Bhandanani ceva kalahavivada ca pavattanti. Bhikkhu etamattham bhagavato
arocesum. Atha bhagava etasmim karane bhikkhusangham sannipatetva
pandakalohitake pakkosapetva saccam kira tumhe bhikkhave
attanapi adhikaranam ukkotetha annesampi gaham visajjetum na dethati
pucchitva saccam bhanteti vutte evam sante hi bhikkhave tumhakam
kiriya satapattasakunassa kiriya viya hotiti vatva atitam ahari.
Atite baranasiyam brahmadatte rajjam karente bodhisatto
annatarasmim kasikagamake ekasmim kule nibbattitva vayappatto
kasivanijjadihi jivitam akappetva pancasatamatte core gahetva
tesam jetthako hutva panthaduhanasandhicchedadini karonto jivitam
kappesi. Tada baranasiyam eko kutumbiko ekassa janapadassa
kahapanasahassam datva puna aggahetvava kalamakasi. Athassa
bhariya aparabhage gilana maranamance nipanna puttamamantetva
tata pita te ekassa sahassam datva anaharapetvava mato sace
ahampi marissami na so tuyham dassati gaccha nam mayi jivantiya
aharapetva ganhahiti aha. So sadhuti sampaticchitva
tattha gantva kahapane labhi. Athassa mata kalakiriyam katva
puttasinehena tassa agamanamagge opapatikasigali hutva
nibbatti. Tada so corajetthako maggapatipanne vilumpamano sapariso
tasmim magge atthasi. Atha sa sigali putte atavimukham
sampatte tata ma atavim abhiruhi cora ettha thita te tam
---------------------------------------------------------------------------------------------
page141.
Maretva kahapane ganhissantiti punappunam maggam occhindamana
nivareti. So tam karanam ajananto ayam kalakannisigali
mayham maggam occhindatiti tam leddumpi gahetva mataram palapetva
atavim patipajji. Atheko satapattasakuno imassa purisassa hatthe
kahapanasahassam atthi imam maretva kahapane ganhathati
viravanto corabhimukho pakkhandi. Manavo tena katakaranam ajananto
ayam mangalasakuno idani me sotthi bhavissatiti cintetva vassa
sami vassa samiti anjalim pagganhi. Bodhisatto sabbarudannu tesam
dvinnam kiriyam disva cintesi imaya sigaliya etassa matara
bhavitabbam tenesa imam maretva kahapane ganhissantiti bhayena
nivareti imina pana satapattena paccamittena bhavitabbam teneso
imam maretva kahapane ganhathati arocesi ayam pana etamattham
ajananto atthakamam mataram tajjetva palapesi anatthakamassa
satapattassa atthakamo meti sannaya anjalim pagganhati aho vatayam
baloti. Bodhisattanam hi evam mahapurisanampi parasantakaggahanam
visamapatisandhiggahanadivasena hoti. Nakkhattadosenatipi vadanti. Manavo
agantva coranam simantaram papuni. Bodhisatto tam gahapetva
kattha vasikositi pucchi. Baranasivasikomhiti. Kaham agamasiti.
Ekasmim gamake sahassam laddhabbam atthi tattha agamasinti. Laddham pana
teti. Ama laddhanti. Kena pesitositi. Sami pita me mato
matapi me gilana sa mayi mataya esa na labhissatiti
---------------------------------------------------------------------------------------------
page142.
Mannamana mam pesesiti. Idani tava matu pavuttim janasiti. Na
janami samiti. Mata te tayi nikkhante kalam katva puttasinehena
sigali hutva tava maranabhayabhita maggante occhinditva
tam varesi tam tajjetva palapesi satapattasakuno pana te
paccamitto so imam maretva kahapane ganhathati amhakam
acikkhati tvam attano balataya atthakamam mataram anatthakama
meti mannasi anatthakamam satapattam atthakamo meti taya amhakam
kataguno 1- nama natthi matu pana te mahagunaya addha mataya
kahapane gahetva gacchahiti tam vissajjesi.
Sattha imam dhammadesanam aharitva abhisambuddho hutva ima
gatha avoca
yatha manavako panthe sigalim vanagocarim
atthakamam pavedentim anatthakamati mannati
anatthakamam satapattam atthakamoti mannati
evameva idhekacco puggalo hoti tadiso
hitebhi vacanam vutto patigganhati vamato
ye ca kho nam pasamsanti bhaya ukkamsayanti va
tanhi so mannate mittam satapattamva manavoti.
Tattha hitebhiti hitam vuddhim icchamanehi. Vacanam vuttoti
hitasukhavaham ovadanusasanim vutto. Patigganhati vamatoti
@Footnote: 1 tassa tumhakam kataguno.
---------------------------------------------------------------------------------------------
page143.
Ovadam agganhanto ayam me na atthavaho hoti anatthavaho
me ayanti ganhanto vamato patigganhati nama. Ye ca kho
nanti ye ca kho tam attano gaham gahetva thitam puggalam adhikaranam
gahetva thitehi nama tumhadisehi bhavitabbanti vannenti. Bhaya
ukkamsayanti vati imassa gahassa visajjanapaccaya tumhakam idanca
bhayam uppajjissati ma visajjayittha na ete bahusaccakulaparivaradihi
tumhe sampapunantiti evam visajjanapaccaya bhayam dassetva
ukkhipanti. Tam hi so mannate mittanti ye evarupa honti
tesu yam kinci so ekacco balapuggalo attano balataya mittam
mannati ayam me atthakamo mittoti mannati. Satapattamva
manavoti yatha anatthakamanneva satapattam so manavo attano
balataya atthakamoti mannittha pandito pana evarupam anuppiyabhanim
mittoti aggahetva duratova nam vivajjeti. Tena vuttam
annadatthuharo mitto yo ca mitto vaciparo
anuppiyanca yo aha apayesu ca yo sakha
ete amitte cattaro iti vinnaya pandito
araka parivajjeyya maggam patibhayam yathati 1-.
Sattha imam dhammadesanam aharitva saccani pakasetva
jatakam samodhanesi tada corajetthako ahamevati.
Satapattajatakam navamam
@Footnote: 1 di. pa. 194.
The Pali Atthakatha in Roman Book 38 page 139-143.
http://84000.org/tipitaka/atthapali/read_rm.php?B=38&A=2901&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=38&A=2901&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=27&i=436
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=2329
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=2298
The Pali Tipitaka in Roman Character :-
http://84000.org/tipitaka/read/roman_read.php?B=27&A=2298
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]