บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
silavimamsajatakam silam kireva kalyananti idam sattha jetavane viharanto ekam silavimamsakam brahmanam arabbha kathesi. Vatthu pana paccupannampi atitampi hettha ekanipate silavimamsajatake vittharitameva. Idha pana baranasiyam brahmadatte rajjam karente tassa purohito attano silam vimamsissamiti hirannaphalakato dve divase ekekam kahapanam ganhi. Atha nam Tatiyadivase coroti gahetva ranno santikam nayimsu. So antaramagge ahitundike sappam kilayante addasa. Atha nam raja disva kasma evarupam akasiti pucchi. Brahmano attano silam vimamsitukamatayati vatva imam gathamaha silam kireva kalyanam silam loke anuttaram passa ghoraviso nago silavati na hannati soham silam samadissam loke anumatam sivam ariyavuttisamacaro yena vuccati silava natinanca piyo hoti mittesu ca virocati kayassa bheda sugatim upapajjati silavati. Tattha silanti acaro. Kirati anussavanatthe nipato. Kalyananti sobhanam. Silam kireva kalyananti evam pandita vadantiti attho. Passati attanameva vadati. Na hannatiti parampi na vihetheti parepi na vihetheyyati 1-. Samadissanti samadayissami. Anumatam sivanti khemam nibbhayanti evam panditehi sampaticchitam. Yena vuccatiti yena silena silava puriso ariyanam buddhadinam patipattim samacaranto ariyavuttisamacaroti vuccati tamaham samadayissamiti attho. Virocatiti pabbatamatthake aggikkhandho viya virocati. Evam bodhisatto tihi gathahi silassa vannam pakasento ranno dhammam desetva maharaja mama gehe pitu santakam (2)- attana @Footnote: 1 parena pana na vihethiyati . 2 matu santakam. Uppaditam taya dinnanca bahu dhanam atthi pariyanto na pannayati aham pana silam vimamsanto hirannaphalakato kahapane ganhim idani maya imasmim loke jatigottakulappadesanam lamakabhavo silasseva ca jetthakabhavo nato aham pabbajissami pabbajjam me anujanahiti pabbajjam anujanapetva ranna punappunam yaciyamanopi nikkhamma himavantam pavisitva isipabbajjam pabbajitva abhinna ca samapattiyo ca nibbattetva brahmalokaparayano ahosi. Sattha imam dhammadesanam aharitva jatakam samodhanesi tada silavimamsako purohito brahmano ahamevati. Silavimamsajatakam dasamam abbhantaravaggo catuttho --------The Pali Atthakatha in Roman Book 38 page 194-196. http://84000.org/tipitaka/atthapali/read_rm.php?B=38&A=4056&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=4056&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=469 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2463 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2426 The Pali Tipitaka in Roman Character :- http://84000.org/tipitaka/read/roman_read.php?B=27&A=2426 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]