AtthaPali Vol.38

kayanibbindajatakam phutthassa meti idam sattha jetavane viharanto annataram purisam arabbha kathesi. Savatthiyam kireko puriso pandurogena aturo vejjehi patikkhitto. Puttadaropissa ko imam patijaggitum sakkotiti cintesi. Tassa etadahosi sacaham imamha roga vutthahissami pabbajissamiti. So katipaheneva kinci sappayam labhitva arogo hutva jetavanam gantva sattharam pabbajjam yaci. So satthu santike pabbajjanca upasampadanca labhitva nacirasseva arahattam papuni. Athekadivasam bhikkhu dhammasabhayam katham samutthapesum avuso asuko nama pandurogi imamha roga vutthito pabbajissamiti cintetva @Footnote: ¹ ekam tandulammanam. Pabbajito ceva arahattanca pattoti. Sattha agantva kayanuttha bhikkhave etarahi kathaya sannisinnati pucchitva imaya namati vutte na bhikkhave ayameva pubbepi pandita evam vatva panduroga vutthaya pabbajitva attano vuddhimakamsuti vatva atitam ahari. Atite baranasiyam brahmadatte rajjam karente bodhisatto brahmanakule nibbattitva vayappatto kutumbam santhapetva vasanto pandurogi ahosi. Vejjapi patijaggitum nasakkhimsu. Puttadaropissa vippatisari ahosi. So imamha roga vutthito pabbajissamiti cintetva evam vatva kincideva sappayam labhitva arogo hutva himavantam pavisitva isipabbajjam pabbajitva samapattiyo ca abhinnayo ca uppadetva jhanasukhena viharanto ettakam kalam evarupam sukham nalatthanti udanam udanento ima gatha abhasi phutthassa me annatarena byadhina rogena balham dukkhitassa ruppato parisussati khippamidam kalevaram puppham yatha pamsuni atape katam ajannam jannasankhatam asucim sucisammatam nanakunapaparipuram jannarupam apassato dhiratthumam aturam putikayam jigucchiyam asucim byadhidhammam Yatthappamatta adhimucchita paja hapenti maggam sugatupapattiyati. Tattha annatarenati channavutiya ^1- rogesu ekena pandurogabyadhina. Rogenati rujjanasabhavatta evam laddhanamena. Ruppatoti ghattiyamanassa piliyamanassa. Pamsuni atape katanti yatha atape tattavalikaya thapitam sukhumapuppham parisusseyya evam parisussatiti attho. Ajannam jannasankhatanti patikulam amanapameva balanam manapanti sankhatam ^2-. Nanakunapaparipuranti kesadihi dvattimsaya kunapehi paripunnam. Jannarupam apassatoti apassantassa andhabalassa puthujjanassa manapam sadhurupam paribhogasabhavam hutva upatthati. Akkhimha akkhiguthakoti ^3- adina nayena pakasito asucibhavo balanam na upatthati. Aturanti niccagilanam. Adhimucchitati kilesamucchaya ativiya mucchita. Pajati andhabala puthujjana. Hapenti maggam sugatupapattiyati imasmim putikaye laggita hutva apayamaggam purenta devamanussabhedaya sugatiupapattiya maggam parihapenti. Iti mahasatto nanappakarato asucibhavam niccaturabhavanca parigganhanto kaye nibbinditva yavajivam cattaro brahmavihare bhavetva brahmalokaparayano ahosi. Sattha imam dhammadesanam aharitva saccani pakasetva jatakam samodhanesi. Saccapariyosane bahu jana sotapattiphaladini @Footnote: ¹ atthanavutiya . ² sankham gatam . ³ khu. su. 295. Papunimsu. Tada tapaso ahamevati. Kayanibbindajatakam tatiyam ----------

The Pali Atthakatha in Roman Book 38 page 204-207. http://84000.org/tipitaka/atthapali/read_rm.php?B=38&A=4251&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=4251&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=478 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2503 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2463 The Pali Tipitaka in Roman Character :- http://84000.org/tipitaka/read/roman_read.php?B=27&A=2463 Contents of The Tipitaka Volume 27 http://84000.org/tipitaka/read/?index_27