AtthaPali Vol.38

kamavilapajatakam ucce sakuna demanati idam sattha jetavane viharanto puranadutiyikapalobhanam arabbha kathesi. Paccuppannavatthu puppharattajatake kathitam. Atitavatthu indriyajatake avibhavissati. Tam pana purisam jivasule uttapesum ^1-. So tattha nisinno akasena agacchantam kakam disva tava kharampi vedanam aganetva piyabhariyaya sasanam pesetum tam kakam amantento ima gatha abhasi ucce sakuna demana pattayana vihangama vajjasi kho tvam vamurum ciram kho sa karissati @Footnote: ¹ uttasesum. Idam kho sa na janati asisattinca oditam sa candi kahati kodham tam me tappati no idha esa uppalasannaho nikkhancussisake katam kasikanca mudum vattham tappetu dhanakamiyati. Tattha demanati deyamana gacchamana. Pattayanati tameva alapati tatha vihangamati. So hi pattehi yanam katva gamanato pattayano akasena gamanato vihangamo. Vajjasiti vadeyyasi. Vamurunti kadalikkhandhasamanaurum mama sule nisinnabhavam vadeyyasi. Ciram kho sa karissatiti sa imam pavuttim ajanamana mama agamanam ciram karissati cirameva gatassa piyassa na ca agacchatiti evam cintessatiti attho. Asisattincati asisamanataya sattisamanataya ca sulameva sandhaya vadati. Tanhi tassa uttasanatthaya oditam thapitam. Canditi kodhana. Kahati kodhanti aticirayatiti mayham kodham karissati. Tam me tappatiti tam tassa kujjhanam mam tappati. No idhati idha pana imam sulam mam na tappatiti dipeti. Esa uppalasannahoti adihi ghare ussisake thapitam attano bhandam acikkhati. Tattha uppalasannahoti uppalo ca sannaho ca uppalasadiso kanayo ca sannahappatto ^1- cati attho. Nikkhancati pancahi suvannehi katam anguliyakam. Kasikanca mudum vatthanti mudukasikasatakayugam sandhayaha ettakam kira tena ussisake nikkhittam. @Footnote: ¹ sannahasajjo. Tappetu dhanakamiyati etam sabbam gahetva sa mama piya dhanatthika imina dhanena tappetu puretu santuttha hotuti. Evam so paridevamanova kalam katva niraye nibbatti. Sattha imam dhammadesanam aharitva saccani pakasetva jatakam samodhanesi. Saccapariyosane ukkanthitabhikkhu sotapattiphale patitthahi. Tada bhariya ca etarahi bhariya. Yena devaputtena tam karanam dittham so ahamevati. Kamavilapajatakam sattamam ---------

The Pali Atthakatha in Roman Book 38 page 213-215. http://84000.org/tipitaka/atthapali/read_rm.php?B=38&A=4440&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=4440&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=490 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2546 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2506 The Pali Tipitaka in Roman Character :- http://84000.org/tipitaka/read/roman_read.php?B=27&A=2506 Contents of The Tipitaka Volume 27 http://84000.org/tipitaka/read/?index_27