ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 38 : PALI ROMAN Ja.A.4 tika-pancakanipata

                        bakajatakam
     parapanaghateti idam sattha jetavane viharanto puranasanthatam
arabbha kathesi. Vatthupi vinaye vittharato agatameva. Ayam
Panettha sankhepo. Ayasma upaseno duvassiko ekavassikena
saddhiviharina saddhim sattharam upasankamitva satthara garahito
nivattitva pakkanto vipassanam patthapetva arahattam patva
appicchatadigunayutto terasa dhutangani samadaya parisam terasadhutangadharam
katva bhagavati temasam patisalline sapariso sattharam upasankamitva
parisampi nissaya pathamam garaham labhitva dhammikaya katikaya
anuvattane dutiyam sadhukaram labhitva ito patthaya dhutangadhara
bhikkhu yathasukham upasankamitva mam passantuti satthara katanuggaho
nikkhamitva bhikkhunam etamattham arocesi. Tato pabhuti bhikkhu
dhutangadhara hutva sattharam dassanaya upasankamitva satthari
patisallana vutthite tattha tattha pamsukulani chaddetva attano
pattacivaraneva ganhimsu. Sattha sambahulehi bhikkhuhi saddhim
senasanacarikam caramano tattha tattha patitani pamsukulani disva pucchitva
tamattham sutva bhikkhave imesam nama bhikkhunam vattasamadanam na
ciratthitikam bakassa uposathakammasadisam ahositi vatva atitam ahari.
     Atite baranasiyam brahmadatte rajjam karente bodhisatto
sakko devaraja ahosi. Atheko bako gangatire pasanapitthe
vasati. Atha gangaya mahoghodakam 1- gantva tam pasanam parikkhipi.
Bako abhiruhitva pasanapitthe nipajji. Nevassa gocaro atthi
na gocaraya gamanamaggo udakampi vaddhateva. So cintesi mayham
@Footnote: 1 himodakam.
Neva gocaro atthi na gocaraya gamanamaggo nikkammassa pana
nipajjanato uposathakammam varataranti manasava uposatham adhitthaya
silani samadayitva nipajji. Tada sakko avajjamano tassa tam
dubbalasamadanam natva etam bakam vimamsissamiti elakarupena
agantva tassavidure thatva attanam dassesi. Bako tam disva
annatarasmim divase uposathakammam janissamiti utthaya tam ganhitum
pakkhandi. Elakopi itocitoca pakkhanditva attanam gahetum
nadasi. Bako tam gahetum asakkonto nivattetva agamma
uposathakammam tava me na bhijjatiti tattheva puna nipajji. Sakko
sakkanubhaveneva akase thatva tadisassa dubbalajjhasayassa kim
uposathakammena tvam mama sakkabhavam ajananto elakamamsam
khaditukamositi tam garahitva devalokameva gato.
             Tissopi abhisambuddhagathava
        parapanaghate jivanto     mamsalohitabhojano
        bakova tam samadaya       upapajji uposatham
        tassa sakko vatannaya     ajarupenupagami
        vitatapo ajjhuppatto      bhijji lohitapo tapam
        evameva idhekacco      samadanasmi dubbalo
        lahum karoti attanam       bakova ajakaranati.
     Tattha upapajji uposathanti uposathavasam upagato.
Vatannayati tassa dubbalavattam annaya. Vitatapo ajjhappattoti
Vigatatapo hutva upagato tam khaditum pakkhantoti attho. Lohitapoti
lohitapayi. Tapanti tam attana samadinnatapam bhindi.
     Sattha imam dhammadesanam aharitva jatakam samodhanesi tada
sakko ahamevati.
                      Bakajatakam dasamam
                    supattavaggo pancamo
                   tikanipatavannana nitthita
                      -----------



             The Pali Atthakatha in Roman Book 38 page 221-224. http://84000.org/tipitaka/atthapali/read_rm.php?B=38&A=4616&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=4616&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=27&i=499              เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2584              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2542              The Pali Tipitaka in Roman Character :- http://84000.org/tipitaka/read/roman_read.php?B=27&A=2542              Contents of The Tipitaka Volume 27 http://84000.org/tipitaka/read/?index_27

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]