บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
sujatajatakam kimandaka ime devati idam sattha jetavane viharanto mallikam devim arabbha kathesi. Ekadivasam kira ranno taya saddhim sirivivado ahosi. Sayanakalahotipi vadantiyeva. Raja kujjhitva tassa atthibhavampi na janati. Mallika devipi sattha ranno mayi kuddhabhavam na janati manneti cintesi. Satthapi natva imesam samaggabhavam karissamiti pubbanhasamayam nivasetva pattacivaramadaya pancabhikkhusataparivaro savatthiyam pavisitva rajadvaram agamasi. Raja tathagatassa pattam gahetva nivesanam pavesetva pannattasane nisidapetva buddhappamukhassa bhikkhusanghassa dakkhinodakam datva yagukhajjakam ahari. Sattha pattam hatthena pidahitva maharaja kaham deviti aha. Kim bhante taya attano yasena mattayati. Maharaja sayameva yasam datva matugamam ukkhipitva taya katassa aparadhassa asahanam nama na yuttanti. Raja satthu vacanam sutva tam pakkosapesi. Sa sattharam parivisi. Sattha annamannam Samaggehi bhavitum vattatiti samaggirasavannam kathetva pakkami. Tato patthaya ubho samaggasamvasam vasimsu. Bhikkhu dhammasabhayam katham samutthapesum avuso sattha ekavacaneneva ubho samagge akasiti. Sattha agantva kayanuttha bhikkhave etarahi kathaya sannisinnati pucchitva imaya namati vutte na bhikkhave idaneva pubbepaham ete ekavadeneva samagge akasinti vatva atitam ahari. Atite baranasiyam brahmadatte rajjam karente bodhisatto tasseva atthadhammanusasako amacco ahosi. Athekadivasam raja mahavatapanam vivaritva rajanganam olokayamano atthasi. Tasmim khane eka pannikadhita abhirupa pathamavaye thita badarapacchim sise katva badarani ganhatha badarani ganhathati vadamana rajanganena gacchati. Raja tassa saddam sutva patibaddhacitto hutva assamikabhavam natva pakkosapetva tam aggamahesitthane thapetva mahantam yasam adasi. Sa ranno piya manapa ahosi. Athekadivasam raja suvannatattake badarani gahetva khadanto nisidi. Sujata devi rajanam badarani khadantam disva maharaja kim nametam tumhe khadathati pucchanti pathamam gathamaha kimandaka ime deva nikkhitta kamsamallake upalohitaka vaggu tam me akkhahi pucchitoti. Tattha kimandakati kimphalani nametani parimandalavasena pana andakati aha. Kamsamallaketi sovannatattake. Upalohitakati rattavanna. Vagguti pokkha 1- nimmala. Raja kujjhitva badarapakkabanijake pannikagahapatikassa dhite attano kulasantakani badaranipi na janasiti vatva dve gatha abhasi yani pure tuvam devi bhandu nantakavasini ucchangahattha pacinasi tassa te koliyam phalam udayhate na ramati bhoga vippajahanti tam tattheva tam patinetha yattha kolam pacissatiti. Tattha bhanduti mundasisa hutva. Nantakavasiniti jinnapilotikanivattha. Ucchangahattha pacinasiti atavim pavisitva ankusakena sakham onametva ocitocitam hatthena gahetva ucchange pakkhipanavasena ucchangahattha hutva pacinasi ocinasi. Tassa te koliyam phalanti tassa tava evam pacinantiya yam mayam idani khadama idam koliyam kuladattiyam phalanti attho. Udayhate na ramatiti ayam jammi imasmim rajakule vasamana lohakumbhiyam pakkhitta viya dayhati nabhiramati. Bhogati rajabhoga imam alakkhikam vippajahanti. Yattha kolam pacissatiti yattha gantva puna badarameva pacinitva vikkinanti jivitam kappessati tattheva nam nethati vadati. Bodhisatto thapetva mam anno ime samagge katum na sakkhissati rajanam sannapetva imissa anikkaddhanam karissamiti @Footnote: 1 vokkha. Cintetva catuttham gathamaha honti hete maharaja iddhippattaya nariya khama deva sujataya massa kujjha rathesabhati. Tassattho maharaja ete evarupa pamadadosa yasam pattaya nariya hontieva evarupe uccatthane thapetva idani ettakassa aparadhassa asahanam na yuttam tumhakam tasma khama deva etissa sujataya ma kujjhi rathesabha rathajetthakati attho. Raja tassa vacanena deviya tam aparadham sahitva yathatthaneyeva thapeti. Tato patthaya ubho samaggasamvasam vasimsuti. Sattha imam dhammadesanam aharitva jatakam samodhanesi tada baranasiraja kosalaraja ahosi sujata mallika amacco pana ahamevati. Sujatajatakam chattham -------The Pali Atthakatha in Roman Book 38 page 250-253. http://84000.org/tipitaka/atthapali/read_rm.php?B=38&A=5197&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=5197&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=522 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2683 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2649 The Pali Tipitaka in Roman Character :- http://84000.org/tipitaka/read/roman_read.php?B=27&A=2649 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]