ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 38 : PALI ROMAN Ja.A.4 tika-pancakanipata

                      brahmadattajatakam
     dvayam yacanako rajati idam sattha alavim nissaya
aggalavacetiye viharanto kutikarasikkhapadam arabbha kathesi.
     Vatthu hettha manikkhandhajatake 1- agatameva. Idha pana sattha
saccam kira tumhe bhikkhave yacanabahula vinnattibahula viharathati
vatva ama bhanteti vutte te bhikkhu vigarahitva bhikkhave
poranakapandita pathavissarena ranna pavaritapi pannacchattanca
ekam ca ekapatalikam upahanayugam yacitukama hirottapparodabhayena 2-
mahajanamajjhe akathetva raho kathayimsuti vatva atitam
ahari.
     Atite kapilaratthe uttarapancalanagare pancalaraje rajjam
karente bodhisatto ekasmim nigamagame brahmanakule nibbattitva
vayappatto takkasilam gantva sabbasippani ugganhitva
aparabhage tapasapabbajjam pabbajitva himavante unchacariyaya
@Footnote: 1 manikanthajatake  .       2 hirottappabhedabhayena.
Vanamulaphalaphalena yapento ciram vasitva lonambilasevanatthaya manussapatham
caranto uttarapancalanagaram gantva rajuyyane vasitva punadivase
bhikkham pariyesamano nagaram pavisitva rajadvaram sampapuni. Raja
tassacare pasiditva mahatale nisidapetva rajaraham bhojanam
bhojetva patinnam gahetva uyyaneyeva vasapesi. So nibaddham
rajageheyeva bhunjanto vassanassaccayena himavantameva gantukamo
hutva cintesi mayham maggam gacchantassa ekapatalika upahana
ceva pannacchattanca laddhum vattati rajanam yacissamiti. So
ekadivasam rajanam uyyanam agantva vanditva nisinnam disva
upahananca chattanca yacissamiti cintetva puna cintesi param
imam nama dehiti yacanto rodati nama paropi natthiti vadanto
patirodati nama ma kho pana mam rodantam mahajano addasa
ma rajananti raho paticchannatthane ubhopi roditva tunhi
bhavissamati. Atha nam maharaja raho paccasimsamiti aha.
Raja tam sutva rajapurise apasakki. Bodhisatto sace mayi
yacante raja na dassati metti no bhijjissati tasma
na yacissamiti tamdivasam namam gahetum asakkonto gaccha tava
maharaja punekadivasam janissamiti aha. Puna ekadivasam ranno
uyyanam agatakale tatheva puna tathevati evam yacitum
asakkontassevassa dvadasa vassani atikkantani. Tato raja cintesi
mayham ayyo raho paccasimsamiti vatva parisaya apagataya kinci
Vattum na visahati vattukamassevassa dvadasa vassani atikkantani
ciram kho panassa brahmacariyam carantassa ukkanthitva bhoge
bhunjitukamo rajjam paccasimsati manne rajjassa pana namam gahetum
asakkonto tunhi hoti ajja janissamiham 1- rajjam adim katva
yam icchati tam dassamiti. So uyyanam gantva vanditva
nisinno bodhisattena raho paccasimsamiti vutte parisaya
apagataya tam kinci vattum asakkontam aha tumhe dvadasa vassani
raho paccasimsamiti vatva raho laddhapi kinci vattum na sakkotha
aham vo rajjam adim vatva sabbam pavaremi nibbhaya hutva yam
vo ruccati tam yacathati. Maharaja yamaham yacami tam dassasiti.
Dassami bhanteti aha. Maharaja mayham maggam gacchantassa
ekapatalike upahanayuge pannacchattanca laddhum vattatiti. Ettakam
bhante tumhe dvadasa vassani yacitum na sakkothati. Ama
maharajati. Kimkarana bhante evamakatthati. Maharaja imam
nama me dehiti yacanto rodati nama natthiti vadanto patirodati
nama sace tvam maya yacito na dadeyyasi tam no roditam
patiroditam mahajano ma passatuti etadattham raho paccasimsamiti
vatva adito tisso gatha abhasi
         dvayam yacanako raja    brahmadatta nigacchati
         alabham dhanalabham va     evamdhamma hi yacana
@Footnote: 1 danissaham.
         Yacanam rodanam ahu     pancalanam rathesabha
         yo yacanam paccakkhati   tamahu patirodanam
         mam maddasamsu rodantam    pancala susamagata
         tuvam va patirodantam     tasma icchamaham rahoti.
     Tattha raja brahmadattati dvihipi rajanam alapati.
Nigacchatiti patilabhati vindati. Evamdhammati evamsabhava. Ahuti
pandita kathenti. Pancalanam rathesabhati pancalaratthassa issara.
Yo yacanam paccakkhatiti yo pana tam yacanakam natthiti patikkhipati.
Tamahuti tam patikkhipanam patirodananti ahu kathenti. Mam maddasamsuti
tava ratthavasino pancala susamagata amham rodantam ma addasamsuti.
    Raja bodhisattassa garavalakkhane pasiditva varam dadamano
catuttham gathamaha
              dadami te brahmana rohininam
              gavam sahassam saha pungavena
              ariyo hi ariyassa katham na dajje
              sutvana gatha tava dhammayuttati.
     Tattha rohininanti rattavannanam. Ariyoti acarasampanno.
Ariyassati acarasampannassa. Katham na dajjeti kena karanena na
dadeyya. Dhammayuttati karanayutta.
     Bodhisatto pana naham maharaja vatthukamehi atthiko yamaham
yacami tadeva dehiti ekapatalikam upahanam pannacchattanca gahetva
Maharaja appamatto hohi silam rakkhahi uposathakammam karohiti
rajanam ovaditva tassa yacantasseva himavantam agamasi. Tattha
abhinna ca samapattiyo ca nibbattetva brahmalokaparayano
ahosi.
     Sattha imam dhammadesanam aharitva jatakam samodhanesi tada
raja anando ahosi tapaso pana ahamevati.
                    Brahmadattajatakam tatiyam
                     -------------



             The Pali Atthakatha in Roman Book 38 page 325-329. http://84000.org/tipitaka/atthapali/read_rm.php?B=38&A=6753&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=6753&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=27&i=590              เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2928              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2884              The Pali Tipitaka in Roman Character :- http://84000.org/tipitaka/read/roman_read.php?B=27&A=2884              Contents of The Tipitaka Volume 27 http://84000.org/tipitaka/read/?index_27

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]