AtthaPali Vol.38

Kokilavaggavannana --------- kokalikajatakam yo ve kale asampatteti idam sattha jetavane viharanto kokalikam arabbha kathesi. Vatthu takkariyajatake vittharitam. Atite baranasiyam brahmadatte rajjam karente bodhisatto tassa amaccaratanam ahosi. Raja bahubhani ahosi. Bodhisatto tassa bahubhanitam nisedhessamiti ekam upamam upadharento carati. Athekadivasam raja uyyanam gato mangalasilapatte nisidi. Tassa upari ambarukkho atthi. Tatthekasmim kakakulavake kalakokila attano andakam nikkhipitva agamasi. Kaki tam kokilaandakam patijaggi. Aparabhage tato kokilapotako nikkhami. Kaki putto meti sannaya mukhatundakena gocaram aharitva tam patijaggi. So avirulhapakkho akaleyeva kokilaravam ravi. Kaki ayam idaneva tava annam ravam ravati vaddhanto kim karissatiti tundena kottetva maretva kulavaka patesi. So ranno padamule pati. Raja bodhisattam pucchi kimetam sahayati. Bodhisatto aham rajanam nivaretum ^1- ekam upamam pariyesissami @Footnote: ¹ vinetum. Laddhadani me sati cintetva maharaja atimukhara nama akale bahubhanino evarupam labhanti ayam maharaja kokilapotako kakiya vaddho avirulhapakkho akaleyeva kokilaravam ravi atha nam kaki nayam mama puttoti natva mukhatundena paharitva patesi manussa va hontu tiracchana va akaleyeva bahubhanino evarupam dukkham labhantiti vatva ima gatha abhasi yo ve kale asampatte ativelam pabhasati evam so nihato seti kokilo viya atrajo na hi sattham sunisitam visam halahalammiva evam nikkadhe ^1- patesi vaca dubbhasita yatha tasma kale akale ca vacam rakkheyya pandito nativelam pabhaseyya api attasamamhi va yo ca kale mitam bhase matipubbo vicakkhano sabbe amitte adeti supanno uragammivati. Tattha kale asampatteti attano vacanakale asampatte. Ativelanti velatikkantam katva atirekappamanam bhasati. Halahalammivati halahalam iva. Nikkadheti tasmimyeva khane appatte ^2- kale. Tasmati yasma sunisitasatthahalahalavisatopi khippataram dubbhasitavacanameva pateti tasma. Kale akale cati vattum yuttam kale ca akale ca vacam rakkhetheva ativelam na bhaseyya api attana @Footnote: ¹ nikatthe . ² appamattake. Same ninnanakaranepi puggaleti attho. Matipubboti matim purecarikam katva kathanena matipubbo. Vicakkhanoti nanena vicaretva atthavindanapuggalo vicakkhano nama. Uragammivati uragam iva. Idam vuttam hoti yatha supanno samuddam khobhetva mahabhogam uragam adeti ganhati adiyitva ca tamkhananneva nam simbalim aropetva mamsam khadati evameva yo matipubbangamo vicakkhano vattum yuttakale mitam bhasati so sabbe amitte adeti ganhati attano vase vattetiti. Raja bodhisattassa dhammadesanam sutva tato patthaya mitabhani ahosi. Yasancassa vaddhetva mahantataram adasi. Sattha imam dhammadesanam aharitva jatakam samodhanesi tada kokilapotako kokaliko ahosi panditamacco pana ahamevati. Kokalikajatakam pathamam ------------

The Pali Atthakatha in Roman Book 38 page 355-357. http://84000.org/tipitaka/atthapali/read_rm.php?B=38&A=7369&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=7369&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=622 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3040 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3003 The Pali Tipitaka in Roman Character :- http://84000.org/tipitaka/read/roman_read.php?B=27&A=3003 Contents of The Tipitaka Volume 27 http://84000.org/tipitaka/read/?index_27