AtthaPali Vol.38

godhajatakam tadeva me tvanti idam sattha jetavane viharanto ekam kutumbikam arabbha kathesi. Vatthu hettha vittharitameva. Idha pana nesam uddharam sodhetva agacchantanam antaramagge luddako ubhopi khadathati ekam pakkagodham adasi. So puriso bhariyam paniyatthaya pesetva sabbam godham khaditva tassa agatakale bhadde godha palatati aha. Sadhu sami pakkagodhaya palayantiya kim sakka katunti. Sa jetavane paniyam pivitva satthu santike sannisinnapi satthara kim upasike ayam te hitakamo susineho upakarakoti pucchita bhante aham etassa hitakama susineha ayampana mayi nissinehoti aha. Sattha hotu ma cintayi evam namesa karoti Yada pana te gunam sarati tada tuyhanneva sabbissariyam detiti vatva tehi yacito atitam ahari. Atitampi hettha vuttasadisameva. Idha pana tesam nivattantanam antaramagge luddaka kilantabhavam disva dvepi jana khadathati ekam pakkagodham adamsu. Rajadhita tam valliya bandhitva adaya maggam patipajji. Te ekam saram disva magga ukkamma assatthamule nisidimsu. Rajaputto gaccha bhadde sarato paduminipannena udakam ahara mamsam khadissamati aha. Sa godham sakhaya laggetva paniyatthaya gata. Itaro sabbam godham khaditva aggananguttham gahetva parammukho nisidi. So taya paniyam gahetva agatakale bhadde godha sakhaya otaritva vammikam pavisi aham dhavitva agganangutthe gahesim gahitatthanam hattheyeva thatva ^1- chijjitva bilam pavitthati aha. Hotu deva pakkagodhaya palayantiya kim karissama ehi gacchamati. Te paniyam pivitva baranasim agamamsu. Rajaputto rajjam patva tam aggamahesitthanamatte thapesi. Sakkarasammano panassa natthi. Bodhisatto tassa sakkaram karetukamo ranno santike thatva nanu mayam ayye tumhakam santika kinci na labhama kim no na olokethati aha. Tata ahameva ranno santika kinci na labhami tuyham kim dassami rajapi mayham idani kim dassati so arannato agamanakale pakkagodham ekakova khaditi. Ayye na devo evarupam @Footnote: ¹ katva. Karissati ma evam avacutthati. Atha nam devi tuyham tam tata na pakatam rannoyeva mayhanca pakatanti vatva pathamam gathamaha tadeva me tvam vidito vanamajjhe rathesabho yassa te khaggabandhassa sannaddhassa tiritino assatthadumasakhaya pakka godha palayathati. Tattha tadevati asmimyeva kale ayam mayham adayako akarakoti evam tvam vidito anne pana tava sabhavam na janantiti attho. Khaggabandhassati bandhakhaggassa. Tiritinoti tiritivatthassa maggagamanakale. Pakkati angarapakkagodha palayathati. Evam ranna katadosam parisamajjhe pakatam katva kathesi. Tam sutva bodhisatto ayye devassa appiyakalato pabhuti ubhinnampi aphasukam katva kasma idha vasathati vatva ima dve gatha abhasi name namantassa bhaje bhajantam kiccanukubbassa kareyya kiccam nanatthakamassa kareyya attham asambhajantampi na sambhajeyya caje cajantam vanatham na kayira apetacittena na sambhajeyya dijo dumam khinaphalamva natva annam samekkheyya maha hi lokoti. Tattha name namantassati yo attani muducittena namati tasseva patinameyya. Kiccanukubbassati attano uppannam kiccam anukubbantasseva. Nanatthakamassati avuddhikamassa. Vanatham na kayirati tasmim cajante tanhasineham na kareyya. Apetacittenati apagatacittena virattacittena. Na sambhajeyyati na samagaccheyya. Annam samekkheyyati annam olokeyya. Yatha dijo khinaphalam rukkham natva annam phalabharitam rukkham gacchati tatha khinaragam purisam natva annam susineham upagaccheyyati adhippayo. Raja bodhisatte kathenteyeva tassa gunam saritva bhadde ettakam kalam tava gune na sallakkhesim panditassayeva kathaya sallakkhetva mama aparadham sahantiya idam sakalarajjam tuyhamyeva dammiti vatva catuttham gathamaha so te karissami yathanubhavam katannutam khattiyo pekkhamano sabbanca te issariyam dadami yassicchasi tassa tuvam dadamiti. Tattha soti so aham. Yathanubhavanti yathasattim yathabalam. Yassicchasiti yassa icchasi tassa idam rajjam adim katva yam tvam icchasi tam dadamiti. Evam vatva raja deviya sabbissariyam adasi. Iminaham etissa gunam sarapitoti panditassapi mahantam issariyam adasi. Sattha imam dhammadesanam aharitva saccani pakasetva jatakam samodhanesi. Saccapariyosane ubhopi jayapatika sotapattiphale patitthahimsu. Tada jayapatika etarahi jayapatikayeva ahesum. Panditamacco pana ahamevati. Godhajatakam tatiyam ---------

The Pali Atthakatha in Roman Book 38 page 360-364. http://84000.org/tipitaka/atthapali/read_rm.php?B=38&A=7480&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=7480&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=630 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3068 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3030 The Pali Tipitaka in Roman Character :- http://84000.org/tipitaka/read/roman_read.php?B=27&A=3030 Contents of The Tipitaka Volume 27 http://84000.org/tipitaka/read/?index_27