ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 38 : PALI ROMAN Ja.A.4 tika-pancakanipata

                        pithajatakam
     na te pithamadayimhati idam sattha jetavane viharanto annataram
bhikkhum arabbha kathesi.
     So kira janapadato jetavanam gantva pattacivaram patisametva
sattharam vanditva samaneradahare pucchi avuso savatthiyam
agantukabhikkhunam ko upakarakoti. Avuso anathapindiko nama
mahasetthi visakha nama mahaupasika ete bhikkhusanghassa upakaraka
matapitutthaniyati. So sadhuti punadivase patova ekabhikkhussapi
apavitthakale anathapindikassa gharadvaram agamasi. Avelaya
gatatta koci na olokesi. So tato kinci alabhitva visakhaya
gharadvaram gato. Tatrapi atipatova gatatta kinci na labhati.
@Footnote: 1 kim nipphattimevassa.
So tattha tattha vicaritva punagacchanto yaguya nitthitaya gato.
Punapi tattha tattha vicaritva bhatte nitthite gato. So
viharam gantva dvepi kulani assaddhani appasannaneva ime
bhikkhu pana saddhani pasannaniti kathentiti tani kulani paribhavanto
carati. Athekadivasam bhikkhu dhammasabhayam katham samutthapesum avuso
asuko kira janapado bhikkhu atikalasseva kuladvaram gato bhikkham
alabhanto kulani paribhavanto caratiti. Sattha agantva kayanuttha
bhikkhave etarahi kathaya sannisinnati pucchitva imaya namati
vutte tam bhikkhum pakkosapetva saccam kirati pucchitva saccam
bhanteti vutte kasma tvam bhikkhu kujjhasi pubbe anuppannepi
buddhe tapasapi tava kuladvaram gantva bhikkham alabhitva na
kujjhimsuti vatva atitam ahari.
     Atite baranasiyam brahmadatte rajjam karente bodhisatto
brahmanakule nibbattitva vayappatto takkasilayam sabbasippani
ugganhitva aparabhage tapasapabbajjam pabbajitva himavante ciram
vasitva lonambilasevanatthaya baranasim patva rajuyyaneyeva
vasitva punadivase nagaram bhikkhaya pavisi. Tada baranasisetthi
saddho hoti pasanno. Bodhisatto kataram kulagharam saddhanti
pucchitva setthigharanti sutva setthino gharadvaram agamasi.
Tasmim khane setthi rajupatthanam gato. Manussapi nam na passimsu.
So nivattitva gacchati. Atha nam so setthi rajakula nikkhamanto
Disva vanditva bhikkhabhajanam gahetva gharam netva nisidapetva
padadhovanamakkhanayagukhajjakadihi santappetva antarabhatte kinci
karanam apucchitva 1- katabhattakiccam vanditva ekamantam nisinno
bhante amhakam gharadvaram agata nama yacaka va dhammikasamanabrahmana
va sakkarasammanam alabhitva gatapubba nama natthi tumhe
pana ajja amhakam darakehi aditthatta asanam va paniyam
va padadhovanam va yagubhattam va alabhitvava gata ayam amhakam
doso tam no khamitum vattatiti vatva pathamam gathamaha
            na te pithamadayimha        na panam napi bhojanam
            brahmacari khamassu me       evam passama accayanti.
     Tattha na te pithamadayimhati pithampi te na dapayimha.
     Tam sutva bodhisatto dutiyam gathamaha
                 nevabhisajjami na capi kuppe
                 na capi me appiyamasi kinci
                 athopi me asi manovitakko
                 etadiso nuna kulesu dhammoti.
     Tattha nevabhisajjamiti neva laggami. Etadisoti imassa
kulassa  etadiso nuna sabhavo dayakavamso 2- esa bhavissatiti
evam me manovitakko uppanno.
     Tam sutva setthi dve  gatha abhasi
@Footnote: 1 pucchitva .            2 adayakavamso.
            Esamhakam kule dhammo        pitupitamaho sada
            asanam udakam majjam 1-         sabbetam nipadamase
            esamhakam kule dhammo        pitupitamaho sada
            sakkaccam upatitthama 2-        uttamam viya natakanti.
     Tattha dhammoti sabhavo. Pitupitamahoti pitunanca pitamahananca
santako. Udakanti padadhovanaudakam. Majjanti  padamakkhanam telam.
Sabbetanti sabbam etam. Nipadamaseti nipakara upasagga.
Damaseti attho. Dadamati vuttam hoti. Imina yava
sattama kulaparivatta dayakavamso amhakam vamsoti dasseti. Uttamam
viya natakanti mataram viya pitaram viya ca mayam dhammikam samanam
va brahmanam va disva sakkaccam sahatthena upatthahamati
attho.
     Bodhisatto pana katipaham baranasisetthino dhammam desento
tattha vasitva puna himavantameva gantva abhinna ca samapattiyo
ca nibbattesi.
     Sattha imam dhammadesanam aharitva saccani pakasetva
jatakam samodhanesi. Saccapariyosane so bhikkhu sotapattiphale
patitthahi. Tada baranasisetthi anando ahosi. Tapaso pana
ahamevati.
                      Pithajatakam sattamam
@Footnote: 1 pajjam .          2 sakkacca tam upatthahama.



             The Pali Atthakatha in Roman Book 38 page 375-378. http://84000.org/tipitaka/atthapali/read_rm.php?B=38&A=7797&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=7797&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=27&i=646              เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3124              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3093              The Pali Tipitaka in Roman Character :- http://84000.org/tipitaka/read/roman_read.php?B=27&A=3093              Contents of The Tipitaka Volume 27 http://84000.org/tipitaka/read/?index_27

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]