|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Kesavajatakam
manussindam jahitvanati idam sattha jetavane viharanto vissasabhojanam
arabbha kathesi.
Anathapindikassa kira gehe pancannam bhikkhusatanam nivaddham bhattam
hoti. Geham niccakalam bhikkhusanghassa opanabhutam kasavapajjotam
isivatapativatam. Athekadivasam raja nagaram padakkhinam karonto setthino
nivesane bhikkhusangham disva ahampi ariyasanghassa nivaddham bhikkham dassamiti
viharam gantva sattharam vanditva pancannam bhikkhusatanam nivaddham bhikkham
patthapesi. Tato patthaya rajanivesane niccam bhikkha diyyati
tivassikagandhasalibhojanam panitam. Vissasenapi sinehenapi sahattha dayaka
natthi. Rajayutta dapenti. Bhikkhu nisiditva bhunjitum na icchanti.
Nanaggarasabhattam gahetva attano attano upatthakakulam gantva tam
bhattam tesam datva tehi dinnam lukham va panitam va bhunjanti.
Athekadivasam ranno bahu phalaphale aharimsu. Raja bhikkhusanghassa
dethati aha. Manussa bhattaggam gantva ekabhikkhumpi adisva
eko bhikkhupi natthiti ranno arocesum. Nanu velayeva tavati.
Ama vela bhikkhu pana tumhakam gehe bhattam gahetva attano
vissasikaupatthakanam gehe gantva tam bhattam tesam datva tehi
dinnam lukham va panitam va bhunjantiti. Raja amhakam bhattam
panitam kena nukho karanena tam abhutva annam bhunjanti sattharam
Pucchissamiti cintetva viharam gantva sattharam vanditva pucchi.
Sattha maharaja bhojanam nama vissasaparamam tumhakam gehe vissasam
paccupatthapetva sinehena dayakanam abhava bhikkhu bhattam gahetva
attano vissasikatthane paribhunjanti maharaja vissasasadiso
anno raso nama natthi avissasikena dinnam catumadhurampi
vissasikena dinnatakkamattam 1- na agghati poranakapanditapi roge
uppanne ranna panca vejjakulani gahetva bhesajje karitepi
roge avupasamamane vissasikanam santikam gantva alonakam
samakanivarayagunceva udakamattasittam alonakam pannanca paribhunjitva
niroga jatati vatva tena yacito atitam ahari.
Atite baranasiyam brahmadatte rajjam karente bodhisatto
kasikaratthe brahmanakule nibbatti. Kappakumarotissa namam karimsu.
So vayappatto takkasilayam sabbasippani ugganhitva aparabhage
isipabbajjam pabbaji. Tada kesavo nama tapaso pancahi tapasasatehi
parivuto ganasattha hutva himavante vasati. Bodhisatto tassa
santikam gantva pancannam antevasikasatanam jetthantevasiko hutva
vihasi. Kesavatapasassa hi tajjhasayo sineho ahosi. Te
annamannam ativissasika ahesum. Aparabhage kesavo te tapase
adaya lonambilasevanatthaya manussapatham gantva baranasim patva
rajuyyane vasitva punadivase nagaram bhikkhaya pavisitva rajadvaram
@Footnote: 1. samakabhattam.
Agamasi. Raja isiganam disva pakkosapetva antonivesane
bhojetva patinnam gahetva uyyane vasapesi. Atha vassaratte
atikkante kesavo rajanam apucchi. Raja bhante tumhe mahallaka
amhe tava upanissaya vasatha daharatapase himavantam pesethati
aha. So sadhuti jetthantevasina saddhim te himavantam pesetva sayam
ekakova ohiyi. Kappopi himavantam gantva tapasehi saddhim vasi.
Kesavo kappena vina vasanto ukkanthitva tam datthukamo hutva
niddam na labhati. Tassa niddam alabhamanassa na samma aharo
parinamam gacchati. Lohitapakkhandika ahosi. Balha vedana
vattanti. Raja panca vejjakulani gahetva tapasam patijaggi.
Rogo neva vupasammati. Kesavo rajanam aha maharaja kim mayham
maranam icchatha udahu arogabhavanti. Arogabhavam bhanteti. Tenahi
mam himavantam pesethati. Sadhu bhanteti raja naradam nama amaccam
bhadantam gahetva vanacarakehi saddhim himavantam yahiti pesesi. Narado
tam tattha netva paccagamasi. Kesavassapi kappe ditthamatteyeva
cetasikarogo vupasanto ukkantha patippassambhi. Athassa
kappo alonena adhupanena udakamattasittapannena saddhim
samakanivarayagum adasi. Tassa tamkhananneva lohitapakkhandika
patippassambhi. Puna raja naradam pesesi gaccha kesavatapasassa pavuttim
janahiti. So gantva tam arogam disva bhante baranasiraja
panca vejjakulani gahetva patijagganto tumhe aroge katum nasakkhi
Katham te kappo patijaggiti vatva pathamam gathamaha
manussindam jahitvana sabbakamasamiddhinam
katham nu bhagava kesi kappassa ramati assameti.
Tattha manussindanti manussanam indam baranasirajanam. Katham
nu bhagava kesiti kena nukho upayena ayam amhakam bhagava
kesavatapaso kappassa assame ramatiti. Evam annena saddhim
sallapanto viya kesavassa abhiratikaranam pucchi.
Tam sutva kesavo dutiyam gathamaha
sadhuni ramaniyani santi vakkha 1- manorama
subhasitani kappassa narada ramayanti manti.
Tattha vakkhati rukkha. Paliyam pana rukkhatve likhitam.
Subhasitaniti kappena kathitani subhasitani mam ramayantiti attho.
Evanca pana vatva evam mam abhiramapento kappo alonakam
adhupanam udakasittapannamissam samakanivarayagum payesi taya me
sarire byadhi vupasamito nirogo jatomhiti aha. Tam sutva
narado tatiyam gathamaha
salinam odanam bhunje sucimamsupasecanam
katham samakanivaram alonam nadayanti 2- tanti.
Tattha bhunjeti bhunji. Ayameva va patho. Nadayantiti
nadayati pineti toseti. Gathabandhasukhattham pana anunasiko kato.
@Footnote: 1. rakkha rukkha. 2. chadayanti. sadayanti.
Idam vuttam hoti yo tvam sucimamsupasecanam rajakule rajaraham
salibhattam bhunji tam kathamidam samakanivaram alonam pineti toseti
katham te evam ruccatiti.
Tam sutva kesavo catuttham gathamaha
sadhum va yadivasadhum 1- appam va yadiva bahum
vissattho yattha bhunjeyya vissasaparama rasati.
Tattha yadivasadhunti yadiva asadhum. Vissatthoti nirasanko
vissasappatto hutva. Yattha bhunjeyyati yasmim nivesane evam
bhunjeyya tattha evam bhuttam yam kinci bhojanam sadhumeva. Kasma.
Yasma vissasaparama rasati vissaso paramo uttamo etesanti
vissasaparama rasa. Vissasarasasadiso hi raso nama natthi.
Avissasikena hi dinnam catumadhurampi vissasikena dinnam ambilakanjiyam
na agghatiti.
Narado tassa vacanam sutva ranno santikam gantva kesavo
idam nama kathetiti acikkhi.
Sattha imam dhammadesanam aharitva jatakam samodhanesi tada
raja anando ahosi narado sariputto kesavo bakamahabrahma
kappo pana ahamevati.
Kesavajatakam chattham
--------
@Footnote: 1. asadum yadiva sadum.
The Pali Atthakatha in Roman Book 38 page 405-409.
http://84000.org/tipitaka/atthapali/read_rm.php?B=38&A=8407&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=38&A=8407&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=27&i=682
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=3255
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=3225
The Pali Tipitaka in Roman Character :-
http://84000.org/tipitaka/read/roman_read.php?B=27&A=3225
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]