AtthaPali Vol.38

Pancakanipatajatakatthakatha manikundalavaggavannana -------- manikundalajatakam jinno ratthassamanikundale cati idam sattha jetavane viharanto kosalaranno antepure sabbatthasadhakam padutthamaccam arabbha kathesi. Vatthu hettha vittharitameva. Idha pana bodhisatto baranasiraja ahosi. Padutthamacco kosalarajanam anetva kasikarattham gahapetva baranasirajanam bandhapetva bandhanagare khipapesi. Raja jhanam uppadetva akase pallankena nisidi. Coraranno sarire daho uppajji. So baranasirajanam upasankamitva pathamam gathamaha jinno ^1- ratthassamanikundale ^2- ca putte ca dare ca tatheva jinno sabbesu bhogesu asesakesu kasma na santappasi sokakaleti. Tattha jinno ratthassamanikundale cati tvam maharaja ratthanca asse ca manikundalani ca jinno. Rathamanikundale catipi patho. Asesakesuti nissesakesu. @Footnote: ^1. jino. ^2. rathassamanikundala. Tam sutva bodhisatto ima dve gatha abhasi pubbeva maccam vijahanti bhoga macco va te pubbataram jahati asassata bhogino kamakami tasma na socamiham sokakale udeti pureti ^1- khiyati cando atthangametvana ^2- paleti suriyo vijita ^3- maya sattuka lokadhamma tasma na socamiham sokakaleti. Tattha pubbeva maccanti maccam va bhoga pubbeva pathamanneva vijahanti macco va te bhoge pubbataram jahati. Kamakamiti corarajanam alapati. Ambho kame kamayamana kamakami bhogino nama loke asassata bhogesu va natthesu jivamanava abhogino honti bhoge va pahaya sayam nassanti tasma aham mahajanassa sokakalepi na socamiti attho. Vijita maya sattuka lokadhammati corarajanam alapati. Ambho sattuka maya labho alabho yaso ayasoti adayo lokadhamma vijita yatheva hi cando udeti ca purati ca puna ca khiyati yatha ca suriyo andhakaram vidhamanto mahantam lokappadesam tappetvana puna sayam attham paleti attham gacchati na dissati evameva bhoga uppajjanti vinassanti ca @Footnote: ^1. apurati veti. ^2. attham tapetvana. ^3. vidita. Tattha kim sokena tasma na socamiti attho. Evam mahasatto coraranno dhammam desetva idani tanneva coram garahanto ^1- aha alaso gihi kamabhogi na sadhu asannato pabbajito na sadhu raja na sadhu anisammakari yo pandito kodhano tam na sadhu nisamma khattiyo kayira nanisamma disampati nisammakarino ranno yaso kitti ca vaddhatiti. Ima pana dve gatha hettha vittharitayeva. Coraraja bodhisattam khamapetva rajjam paticchapetva attano janapadameva gato. Sattha imam dhammadesanam aharitva jatakam samodhanesi tada kosalaraja anando ahosi baranasiraja pana ahamevati. Manikundalajatakam pathamam ----------

The Pali Atthakatha in Roman Book 38 page 419-421. http://84000.org/tipitaka/atthapali/read_rm.php?B=38&A=8689&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=8689&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=702 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3340 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3304 The Pali Tipitaka in Roman Character :- http://84000.org/tipitaka/read/roman_read.php?B=27&A=3304 Contents of The Tipitaka Volume 27 http://84000.org/tipitaka/read/?index_27