AtthaPali Vol.38

suvannamigajatakam vikkama re mahamigati idam sattha jetavane viharanto savatthiyam ekam kuladhitaram arabbha kathesi. Sa kira savatthiyam dvinnam aggasavakanam upatthakakulassa dhita hutva saddha pasanna buddhamamaka dhammamamaka sanghamamaka acarasampanna pandita danadipunnabhirata. Tam annam savatthiyamyeva samanajatikam micchaditthikakulam varesi. Athassa matapitaro amhakam dhita saddha pasanna tini ratanani mamayati danadipunnabhirata tumhe micchaditthika imissapi yatharuciya danam va datum dhammam va sotum viharam va gantum silam va rakkhitum uposathakammam va katum na dassatha na mayam tumhakam dema attana sadisa micchaditthikakulava kumarikam ganhathati ahamsu. Te tehi patikkhitta tumhakam dhita amhakam gharam gantva yathadhippayena sabbametam Karotum na mayam varessama detha no etanti vatva tenahi ganhathati vutta bhaddakena nakkhattena mangalam katva tam attano gharam anayimsu. Sa vattacarasampanna patidevata ahosi. Sassusassurasamikavattani kataneva honti. Sa ekadivasam samikam aha icchamaham ayyaputta amhakam kulupakattheranam danam datunti. Sadhu bhadde yathaajjhasayena dehiti. Sa there nimantapetva mahantam sakkaram katva panitabhojanam bhojetva ekamantam nisidapetva bhante imam kulam micchaditthikam assaddham tinnam ratananam gunam na janati sadhu ayya yava imam kulam tinnam ratananam gunam janati tava idheva bhikkham ganhathati aha. Thera adhivasetva tattha nivaddham bhunjanti. Puna samikam aha ayyaputta thera idha nivaddham agacchanti kimkarana tumhe na passathati. Sadhu passissamiti. Sa punadivase theranam bhattakiccapariyosane tassa arocesi. So upasankamitva therehi saddhim patisantharam katva ekamantam nisidi. Athassa dhammasenapati dhammakatham kathesi. So therassa dhammakathaya ceva iriyapathesu ca pasiditva tato patthaya theranam asanam pannapesi paniyam parissaveti antarabhatte dhammakatham sunati. Tassa aparabhage micchaditthi bhijji. Athekadivasam thero tesam dvinnampi dhammakatham kathento saccani pakasesi. Saccapariyosane ubhopi sotapattiphale patitthahimsu. Tato patthaya tassa matapitaro adim katva antamaso dasakammakarapi sabbepi Micchaditthim bhinditva buddhadhammasanghamamakayeva jata. Athekadivasam sa darika samikam aha ayyaputta kim me gharavasena icchamaham pabbajitunti. So sadhu bhadde ahampi pabbajissamiti mahantena parivarena tam bhikkhuniupassayam netva pabbajetva sayampi sattharam upasankamitva pabbajjam yaci. Tam sattha pabbajesi upasampadesi. Te ubhopi vipassanam vaddhetva na cirasseva arahattam papunimsu. Athekadivasam dhammasabhayam katham samutthapesum avuso asuka nama daharabhikkhuni attano ceva paccaya jata samikassa ca attanapi pabbajitva arahattam patva tampi papesiti. Sattha agantva kayanuttha bhikkhave etarahi kathaya sannisinnati pucchitva imaya namati vutte na bhikkhave idaneva tava esa samikam ragapasa mocesi pubbepesa poranakapandite pana maranapasa mocesiti vatva atitam ahari. Atite baranasiyam brahmadatte rajjam karente bodhisatto migayoniyam nibbattitva vayappatto abhirupo ahosi pasadiko dassaniyo suvannavanno lakharasaparikammakatehi viya hatthapadehi rajatadamasadisehi visanehi manigulikaya patibhagehi akkhihi kambalagendukasadisena pinjena ^1- samannagato. Bhariyapi tassa taruna migi abhirupa pasadika ahosi. Te samaggasamvasam vasimsu. Asitisahassacitramiga bodhisattam upatthahimsu. Tada luddaka mige @Footnote: ^1. mukhena. Vadhimsu pase uddesum. Athekadivasam bodhisatto miganam purato gacchanto padena pase bajjhitva chindissami nanti akaddhi. Cammam chijji. Punakaddhantassa mamsam chijji nharu chijji. Paso atthim ahacca atthasi. So pasam chinditum asakkonto maranabhayatajjito bandharavam ravi. Tam sutva bhito migagano palayi. Bhariya panassa palayitva miganam antare olokenti tam adisva idam bhayam mayham piyasamikassa uppannam bhavissatiti vegena tassa santikam gantva assumukhi rodamana sami tvam mahabalo kim etam pasam santharetum na sakkhissasi vegam janetva chindahi nanti tassa ussaham janenti pathamam gathamaha vikkama re mahamiga vikkama re haripada chinda varattikam pasam naham eka vane rameti. Tattha vikkamati parakkama akaddhati attho. Reti amantane nipato. Haripadati suvannapada. Sakalasarirampi tassa suvannavannam. Ayam pana ragavegenevam aha. Naham ekati aham taya vina eka vane na ramissami tinodakam pana aggahetva sussitva marissamiti dasseti. Tam sutva migo dutiyam gathamaha vikkamami na pademi ^1- bhumim sumbhami vegasa dalho varattiko paso padam me parikantatiti. @Footnote: ^1. paremi. Tattha vikkamamiti bhadde te aham viriyam karomi. Na pademiti pasam pana chinditum na sakkomiti attho. Bhumim sumbhamiti api nama chijjeyyati padena pase bhumim paharami. Vegasati vegena. Parikantatiti cammadini chindanto samanta kantati. Atha nam migi ma bhayi sami aham attano balena luddakam yacitva tava jivitam aharissami sace yacamana sakkhissami mama jivitampi datva tava jivitam aharissamiti mahasattam assasetva lohitalittam bodhisattam pariggahetva atthasi. Luddakopi asinca sattinca gahetvava kapputthanaggi viya agacchati. Sa tam disva sami migaluddako agacchati aham attano balam karissami tvam ma bhayiti tam assasetva luddakassa patipatham gantva patikkamitva ekamantam thita tam vanditva sami mama samiko suvannavanno silacarasampanno asitisahassanam miganam rajati bodhisattassa gunam kathetva migaraje thiteyeva attano vadham yacanti tatiyam gathamaha attharassu palasani asim nibbaha luddaka pathamam mam vadhitvana hana paccha mahamiganti. Tattha palasaniti mamsam thapanatthaya palasapannani attharassu. Asim nibbahati asim kosato nihara. Tam sutva luddako manussabhuta tava samikassa atthaya attano jivitam na denti ayam tiracchanagata jivitanceva pariccajati Manussabhasaya ca madhurena sarena katheti ajja imissa ca patino cassa jivitam dammiti pasannacitto catuttham gathamaha na me sutam va dittham va bhasantim manusim migim tvanca bhadde sukhi hohi eso capi mahamigoti. Tattha sutam va dittham vati maya ito pubbe evarupam dittham va sutam va natthi. Bhasantim manusim miginti aham hi ito pubbe manusivacam bhasantim migim neva addasam. Na ca me suta va dittha va bhasanti manusi migitipi pali. Tesam yathapalimeva attho dissati. Bhaddeti luddako pandito upayakusalo ^1- iti tam alapitva puna tvanca eso capi mahamigoti dvepi jana sukhita niddukkha hothati tam assasetva bodhisattassa santikam gantva vasiya cammapasam chinditva pade laggam pasam sanikam niharitva nharuhi nharum mamsena mamsam cammena cammam paticchadetva padam hatthena parimajji. Tamkhananneva mahasattassa puritaparamitanubhave luddakassa ca mettacittanubhavena migiya ca mittadhammanubhavena nharumamsacammani ca nharumamsacammehi ghatayimsu. Bodhisattopi sukhito niddukkho atthasi. Migi bodhisattam sukhitam disva somanassajata luddakassa anumodanam karonti pancamam gathamaha evam luddaka nandassu saha sabbehi natibhi yathahamajja nandami muttam disva mahamiganti. @Footnote: ¹ bhaddeti latthake pandite upayakusale. Tattha luddakati darunakammakiriyaya laddhanamavasena alapati. Bodhisatto (1)- ayam luddako mayham avassayo jato mayapissa avassayena bhavitum vattatiti (2)- gocarabhumiyam dittham ekam manikhandam tassa datva samma ito patthaya panatipatadini ma kari imina kutumbam santhapento darake posento danasiladini punnani karohiti tassa ovadam datva arannam pavisi. Sattha imam dhammadesanam aharitva jatakam samodhanesi tada luddako channo ahosi migi daharabhikkhuni migaraja pana ahamevati. Suvannamigajatakam navamam --------

The Pali Atthakatha in Roman Book 38 page 456-462. http://84000.org/tipitaka/atthapali/read_rm.php?B=38&A=9471&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=9471&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=743 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3513 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3479 The Pali Tipitaka in Roman Character :- http://84000.org/tipitaka/read/roman_read.php?B=27&A=3479 Contents of The Tipitaka Volume 27 http://84000.org/tipitaka/read/?index_27