AtthaPali Vol.38

mandhaturajajatakam yavata candimasuriyati idam sattha jetavane viharanto ekam ukkanthitabhikkhum arabbha kathesi. So kira savatthiyam pindaya caramano ekam alankatapatiyattam itthim disva ukkanthi. Atha nam bhikkhu dhammasabhayam anetva ayam bhante bhikkhu ukkanthitoti satthu dassesum. Sattha saccam kira tvam bhikkhu ukkanthitoti pucchitva saccam bhanteti vutte kada tvam bhikkhu agaram ajjhavasamano tanham puretum sakkhissasi kamatanha hi namesa samuddo viya duppura porana hi dvisahassaparittadipaparivaresu catusu mahadipesu cakkavattirajjam karetva Manussaparivareneva catummaharajikadevaloke rajjam karetva tavatimsadevaloke chattimsaya sakkanam vasanatthane devarajjam karetvapi attano kamatanham puretum asakkontava kalamakamsu tvam pana tam kamatanham kada puretum sakkhissasiti vatva atitam ahari. Atite pathamakappe mahasammato nama raja ahosi. Tassa putto rojo nama. Tassa putto vararojo nama. Tassa putto kalyano nama. Tassa putto varakalyano nama. Varakalyanassa putto uposatho nama. Tassa putto varauposatho nama. Varauposathassa putto mandhatu nama ahosi. So sattahi ratanehi catuhi iddhihi samannagato cakkavattirajjam karesi. Tassa vamahattham samminjitva dakkhinahatthena apphotitakale akase dibbamegho viya januppamanam sattaratanavassam vassi. Evarupo acchariyamanusso ahosi. So caturasitivassasahassani kumarakilikam kili. Caturasitivassasahassani uparajjam karesi. Caturasitivassasahassani cakkavattirajjam karesi. Ayu panassa asankheyyam ahosi. So ekadivasam kamatanham puretum asakkonto ukkanthitakaram dassesi. Amacca kinnukho deva ukkanthitositi pucchimsu. Mayham punnabale olokiyamane idam rajjam kim karissati kataram nukho thanam ramaniyanti. Devaloko maharajati. So cakkaratanam abbhukkiritva saddhim parisaya catummaharajikadevalokam agamasi. Athassa cattaro maharajano dibbamalagandhahattha Devaganaparivuta paccuggamanam katva tam adaya catummaharajikadevalokam netva devarajjam adamsu. Tassa sakaparisaya parivutasseva tasmim rajjam karentassa digho addhano vitivatto. So tatthapi tanham puretum asakkonto ukkanthitakaram dassesi. Cattaro maharajano kinnukho maharaja ukkanthitositi pucchimsu. Imamha devaloka kataram thanam ramaniyataranti. Mayam deva paresam upatthanakaparisa tavatimsadevaloko nama ramaniyoti. Mandhatu cakkaratanam abbhukkiritva attano parisaya parivuto tavatimsabhimukho payasi. Athassa sakko devaraja dibbamalagandhahattho devaganaparivuto paccuggamanam katva tam hatthe gahetva ito ehi maharajati aha. Ranno devaganaparivutassa gamanakale parinayako cakkaratanam adaya saddhim parisaya manussapatham otaritva attano nagarameva pavisi. Sakko mandhaturajanam tavatimsabhavanam netva devata dve kotthase katva attano devarajjam majjhe bhinditva adasi. Tato patthaya dve rajano rajjam karesum. Evam kale gacchante sakko satthivassasahassadhika tisso vassakotiyo ayum khepetva cavi. Anno sakko nibbatti. Sopi devarajjam karetva ayukkhayena cavi. Etenupayena chattimsa sakka cavimsu. Mandhatu pana manussasarirena devarajjam karesiyeva. Tassa evam kale gacchante bhiyyoso mattaya kamatanha uppajji. So kim me upaddharajjena sakkam maretva ekarajjameva Karessamiti. Sakkam maretum nama na sakka. Tanha panesa vipattimula. Tenassa ayusankharo parihayi. Jara sariram pahari. Manussasariranca nama devaloke na bhijjati. Atha so devaloka bhassitva uyyane otari. Uyyanapalo tassa agatabhavam rajakulam nivedesi. Rajakulam agantva uyyaneyeva sayanam pannapesi. Raja anutthanaseyyaya nipajji. Amacca deva tumhakam parato kinti kathemati pucchimsu. Tumhe imam sasanam mahajanassa katheyyatha mandhatumaharaja kira dvisahassaparittadipaparivaresu catusu mahadipesu cakkavattirajjam karetva digharattam catummaharajikesu rajjam karetva chattimsaya sakkanam ayuparimanena devaloke rajjam karetva tanham apuretvava kalamakasiti so evam vatva kalam katva yathakammam gato. Sattha imam dhammadesanam aharitva abhisambuddho hutva ima gatha avoca yavata candimasuriya (pariharanti) disa bhanti virocana sabbeva dasa mandhatu ye pana pathavissita na kahapanavassena titti kamesu vijjati appassada dukkha kama iti vinnaya pandito api dibbesu kamesu ratim so nadhigacchati tanhakkhayarato hoti sammasambuddhasavakoti. Tattha yavatati paricchedavacanam. Pariharantiti yattakena Paricchedena sinerum pariharanti. Disa bhantiti dasasu disasu pabhasanti. Virocanati alokakaranataya virocanasabhava. Sabbeva dasa mandhatu ye pana pathavissitati ettake padese ye ca pathavinissita pana janapadavasino manussa sabbeva te dasa mayam ranno mandhatussa ayyako no raja mandhatati evam upasankamanta bhujissapi samana dasayeva. Na kahapanavassenati tesam dasabhutanam manussanam anuggahaya yam mandhata apphotento sattaratanavassam vassapesi tam idha kahapanavassanti vuttam. Titti kamesuti tenapi kahapanavassena vatthukamakilesakamesu titti nama natthi evam duppura esa tanha. Appassada dukkha kamati supinakupama kama nama appassada parittasukha dukkhameva panettha bahutaram tam dukkhakkhandhasuttapariyayena dipitabbam hoti. Iti vinnayati evam parijanitva. Dibbesuti devatanam paribhogesu rupadisu. Ratim soti so vipassako bhikkhu dibbehi kamehi nimantiyamanopi tesu ratim nadhigacchati ayasma samiddhi viya. Tanhakkhayaratoti nibbanarato nibbanam hi agamma tanha khiyati tasma tam tanhakkhayoti vuccati tattha rato hoti abhirato. Sammasambuddhasavakoti samma samanca saccanam buddhatta sammasambuddho savanante jatatta savako bahussuto yogavacarapuggalo. Sattha imam dhammadesanam aharitva cattari saccani pakasetva jatakam samodhanesi. Saccapariyosane ukkanthitabhikkhu Sotapattiphale patitthahi. Annepi bahu sotapattiphaladini sampapunimsu. Tada mandhatumaharaja ahamevati. Mandhaturajajatakam atthamam ------------

The Pali Atthakatha in Roman Book 38 page 47-52. http://84000.org/tipitaka/atthapali/read_rm.php?B=38&A=975&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=975&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=373 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2065 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2051 The Pali Tipitaka in Roman Character :- http://84000.org/tipitaka/read/roman_read.php?B=27&A=2051 Contents of The Tipitaka Volume 27 http://84000.org/tipitaka/read/?index_27