บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
hirijatakam hirintarantanti idam sattha jetavane viharanto anathapindikassa sahayam paccantavasisetthim arabbha kathesi. Dvepi vatthuni ekanipate navamavaggassa pariyosanajatake vittharitaneva. Idha pana paccantavasisetthino manussa acchinnasabbasapateyya attano santakassa assamino hutva palatati baranasisetthissa arocite baranasisetthi attano santikam agatanam kattabbam akaronta nama patikarake na labhantiyevati vatva ima gatha abhasi hirintarantam vijigucchamanam tavahamasmi iti bhasamanam Seyyani kammani anadiyantam neso mamanti iti nam vijanna yam hi kayira tam hi vade yam na kayira na tam vade akarontam bhasamanam parijananti pandita na so mitto yo sada appamatto bhedasanki randhamevanupassi yasminca seti urasiva putto save mitto yo abhejjo parebhi pamojjakaranam thanam pasamsavahanam sukham phalanisamso bhaveti vahanto porisam dhuram pavivekarasam pitva rasam upasamassa ca niddaro hoti nippapo dhammapitirasam pivanti. Tattha hirintarantanti lajjam atikkantam. Vijigucchamananti mettabhavena jigucchayamanam. Tavahamasmiti tava aham mittoti kevalam vacanamatteneva bhasamanam. Seyyani kammaniti dassami karissamiti vacanassa anurupani uttamakammani anadiyantam akarontam. Neso mamanti evarupam puggalam na eso mama mittoti vijanna. Pamojjakaranam thananti danampi silampi bhavanampi panditehi kalyanamittehi saddhim mittabhavopi. Idha pana vuttappakaram mittabhavameva sandhayevamaha. Panditena hi kalyanamittena saddhim mittabhavo pamojjampi karoti pasamsampi avahati idhalokaparalokesu Kayikacetasikasukhahetuto sukhantipi vuccati tasma etam phalanca anisamsanca sampassamano phalanisamso kulaputto purisehi vahitabbam danasilabhavanamittabhavasankhatam catubbidhampi porisam dhuram vahanto etam mittabhavasankhatam pamujjakaranam thanam pasamsavahanam sukham bhaveti vaddheti na panditehi mittabhavam bhindatiti dipeti. Pavivekarasanti kayacitta- upadhivivekanam rasam te viveke nissaya uppannam somanassarasam. Upasamassa cati kilesavupasamena laddhasomanassassa. Niddaro hoti nippapoti sabbakilesadarathabhavena niddaro kilesabhavena nippapo hoti. Dhammapitirasanti dhammapitisankhatam rasam vimuttipitim pivantoti attho. Iti mahasatto papamittasamsaggato ubbiggo pavivekarasena amatamahanibbanam papetva desanaya kutam ganhi. Sattha imam dhammadesanam aharitva jatakam samodhanesi tada paccantavasi idani paccantavasiyeva tada baranasisetthi ahamevati. Hirijatakam tatiyam --------The Pali Atthakatha in Roman Book 38 page 474-476. http://84000.org/tipitaka/atthapali/read_rm.php?B=38&A=9850&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=9850&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=763 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3583 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3546 The Pali Tipitaka in Roman Character :- http://84000.org/tipitaka/read/roman_read.php?B=27&A=3546 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]